Մոուրինյոն հույս ունի, որ Դայերը նոր պայմանագիր կստորագրի
«Տոտենհեմի» գլխավոր մարզիչ Ժոզե Մոուրինյոն հույս ունի, որ թիմի կիսապաշտպան Էրիկ Դայերը նոր պայմանագիր կկնքի ակումբի հետ։
Անգլիացի ֆուտբոլսիտի գործող պայմանագիրը «խթանների» հետ ավարտվում է հաջորդ մրցաշրջանի ավարտից հետո։ «Տոտենհեմի» նախագահ Դենիել Լևին և թիմի գլխավոր մարզիչ Ժոզե Մոուրինյոն ցանկանում են, որ Դայերը մնա թիմում։ Այս մասին գրում է Goal-ը։
Հաղորդվում է, որ Դայերը հայտնել է պորտուգալացի մասնագետին «Տոտենհեմում» մնալու իր ցանկության մասին։
Դայերը հանդես է գալիս «Տոտենհեմում» 2014 թվականից։ Հյուսիսլոնդոնյան ակումբի կազմում անցկացրած 171 խաղերում նա 10 գոլ է խփել։