Չի կարող որևէ մեկը՝ առանց իշխանությունների չիմացության, 4 մլն դոլարի մաքսանենգ ծխախտոտ դուրս բերել երկրից․ այս ամենի հետևում բարձրաստիճան պաշտոնյաներ են, այդ թվում՝ Հրաչյա Հակոբյանը․ Գագիկ Համբարյան
Հայաստանի վարչապետ Նիկոլ Փաշինյանի աներորդու՝ ԱԺ պատգամավոր Հրաչյա Հակոբյանի կողմից Կրասնոդարի օդանավակայանում առգրավված 4 միլիոն դոլարի մաքսանենգ ծխախոտի հետ կապված սկանդալը շարունակվում է... Այս մասին ֆեյսբուքյան իր էջում գրել է քաղաքագետ Գագիկ Համբարյանը։
«Չնայած այն հանգամանքին, որ Հայաստանի գլխավոր աներորդին կտրականապես հերքել է այդ տեղեկությունը, երեկ բազմաթիվ ԶԼՄ-ներ մանրամասն տեղեկություններ հրապարակեցին, թե, բացի Հրաչյա Հակոբյանից, էլ ովքեր են ներգրավված եղել այդ հանցավոր գործողության մեջ... Ամենազավեշտալին իշխանությունների շահերը սպասարկող լրատվամիջոցներից մեկի «բացահայտումն» էր, որ ծխախոտ արտադրող ու փոխադրող ընկերությունը նախկին պաշտոնյաներինն է եղել...
Ի դեպ, ծխախոտի արտադրողը հերքել է, որ նրանք որևէ առնչություն ունեն այդ խմբաքանակի արտահանման հետ...
Հարց է առաջանում՝ ու՞... Այսինքն, ըստ դարակազմիկ այս բացահայտման պրիմիտիվ հեղինակների՝ Հայաստանում այնպիսի «բառդակ» վիճակ է, որ նախկին իշխանավորները կարող են 4 միլիոն դոլարի մաքսանենգ ծխախոտ դուրս բերել Հայաստանից ու այդ ամենն անեին առանց գործող իշխանությունների իմացությա՞ն... Ո՞ւր էին մաքսատան, ոստիկանության և ԱԱԾ-ի ներկայացուցիչները... Այդ ապրանքը դուրս բերելու համար բազամաթիվ գերատեսչությունների թույլտվությունն է անհաժեշտ, որոնք մաքսանենգ-հանցագործները ստացել են...
Իշխանություններին սպասարկող սույն լրատվամիջոցն իր այս բացահայտումով ևս մեկ անգամ հաստատեց՝ խոշորամասշտաբ այդ հանցագործության հետևում կանգնած են Հայաստանի իշխանությունները...
Չի կարող որևէ մեկն առանց իշխանությունների չիմացության` 4 միլիոն դոլարի մաքսանենգ ծխախտոտ դուրս բերել երկրից...
Ի դեպ, մինչև հիմա գործող իշխանությունները չեն բացահայտում այս մեղավորներին, որը ևս մեկ ապացույց է, որ այս ամենի հետևում կանգնած են բարձրաստիճան պաշտոնյաներ, այդ թվում նաև՝ Հրաչյա Հակոբյանը»,-գրել է քաղաքագետը։
Նշենք, որ մումուլում տեղեկություն էր տարածվել, որ Ռուսաստանում կալանավորվել է օդանավ, որը փորձել է Հայաստանից մաքսանենգ ճանապարհով մեծ խմբաքանակ ծխախոտ տեղափոխել։ Խոսքը՝ 40 տոննա բեռի մասին է, 2700 արկղ ծխախոտ, 300 մլն ռուբլի, կամ այսօրվա փոխարժեքով՝ 4 մլն դոլար։ Մամուլում տեղեկություններ տարածվեցին, որ մաքսանենգությունը կապված է Հրաչյա Հակոբյանի՝ Նիկոլ Փաշինյանի տիկնոջ եղբոր հետ։