MiMix Alpha. Xiaomi-ն գաղտնազերծել է եզակի էկրանով և բազմաֆունկցիոնալ տեսախցիկով առաջին սմարթֆոնն աշխարհում (լուսնակարներ)
Չինական Xiaomi ընկերությունը եզակի առաջադեմ սմարթֆոն է ներկայացրել, որն ստացել է Mi Mix Alpha անվանումը:
Ինչպես հաղորդում է Корреспондент-ը, ներկա պահին սա առաջին սմարթֆոնն է, որի էկրանը զբաղեցնում է կորպուսի մակերեսի 180.6 տոկոսը: Բացի այդ, Mi Mix Alpha-ն առաջինն է համալրվել 108 մեգապիքսել կետայնությամբ տեսախցիկով:
Գաջեթի կորպուսն ունակ է փոխանցելու ձայնը, այդ իսկ պատճառով տեսանելի բարձրախոսներ չկան սմարթֆոնի վրա:
Սմարթֆոնի հետևի վահանակը նույնպես համալրված է առանձին ինտերֆեյսով, որը ներկայանում է մի շարք օգտակար գործառույթներով: Հաշվի առնելով սմարթֆոնի «երկկողմ» գործառնությունը՝ սելֆիի տեսախցիկը նույնպես բացակայում է: Դրա դերը կատարում է հիմնական տեսախցիկը և երկու հավելյալ ոսպնյակները՝ 20 և 12 ՄՊ կետայնությամբ:
Ներկա պահին շուկայում նման տեսախցիկ ունի միայն Xiaomi Mi Mix Alpha մոդելը:
Նորույթն աշխատում է Snapdragon 855 պրոցեսորով, 12 ԳԲ օպերատիվ և 512 ԳԲ ներկառուցվող հիշողությամբ և 5G ցանցի առկայությամբ:
Հաղորդվում է, որ նորագույն սմարթֆոնը վաճառվում է 2830 դոլարով և շուկայում կհայտնվի դեկտեմբերի վերջին:
