Новости за 20.03.2022

«Հայաստան դաշինք» խմբակցության պատգամավորներն այցելել են Արցախ։ Այս մասին ֆեյսբուքի իր էջում գրում է խմբակցության պատգամավոր Արթուր Խաչատրյանը։

ՆԱՏՕ-ն շահագրգռված է, որպեսզի Ուկրաինայի հակամարտությունը պատերազմ չվերածվի Ռուսաստանի և դաշինքի միջև: Այս մասին  NBC-ին տված հարցազրույցում ասել է ՆԱՏՕ-ի գլխավոր քարտուղար Ստոլտենբերգը։ 

Ադրբեջանի նախագահ Իլհամ Ալիևը հերթական անգամ հանդես է եկել «տարածքներ ազատագրելու» մասին կոչով։

Ադրբեջանը պատասխանել է Հայաստանի կողմից հնչեցված բողոքի նոտային, որը պայմանավորված է Ադրբեջանում ՄԱԿ-ի գրասենյակի ներգրավմանը` մարտի 18-ին Շուշի քաղաքում կազմակերպված միջոցառմանը, փոխանցում է ԱՊԱ գործակալությունը։

Ռուսական տարբեր լրատվամիջոցների լրագրողները և նրանց չինացի գործընկերը Մարիուպոլում հրետանային հարվածի են ենթարկվել, տուժածներ չկան: Այս մասին կիրակի դեպքի վայրից հայտնել է ՏԱՍՍ-ի թղթակիցը։

Բեյրութում ՄԱԿ-ի գրասենյակի մոտ տեղի է ունեցել ակցիա՝ ի պաշտպանություն Ռուսաստանի, հայտնում է «Ռիա Նովոստի»-ն:

«Չեն եղել ու չկան բավարար թվաքանակով հայրենիք վերադառնալ ցանկացող ՀՀ քաղաքացիների կուտակումներ, որը թույլ կտար դիտարկել չարտերային թռիչք կազմակերպելու նպատակահարմարությունը»: Այս մասին «Ազատություն» ռադիոկայանի գրավոր հարցմանն ի պատասխան հայտնել են ՀՀ արտաքին գործերի նախարարությունից:

Ձյան աննախադեպ տեղումների, սաստիկ բքի պատճառով Սյունիքի հանրապետական նշանակության մայրուղում եւ մյուս ավտոճանապարհներին ստեղծված արտակարգ իրավիճակի հետեւանքով առաջացող խնդիրների լուծման ու ահազանգերը համակարգելու նպատակով Սյունիքի մարզպետարանում ստեղծվել է օպերատիվ շտաբ։ Այս մասին տեղեկացնում է մարզպետարանը:

Առաջիկա երեք օրերի ընթացքում՝ պայմանավորված եղանակային պայմաններով, ցրտահարման վտանգ կա: Այս մասին հայտնում է Մեղրիի համայնքապետարանը:

Ռուսաստանի և Ուկրաինայի պատվիրակությունների միջև առցանց բանակցությունների վերսկսումը նախատեսված է մարտի 21-ին։ ՏԱՍՍ գործակալության հաղորդմամբ՝ այս մասին հայտնել է «Ուկրաինսկայա պռավդա» հրատարակությունը։

ԱՀ ՆԳՆ արտակարգ իրավիճակների պետական ծառայության շրջանային ու կենտրոնական ստորաբաժանումները Հանրապետության ամբողջ տարածքում շարունակում են իրականացնել ուժեղացված ծառայություն: Այս մասին հայտնում է Արցախի ԱԻՊԾ-ն:

Ռուսաստանի և Ուկրաինայի միջև բանակցությունների որոշ առանցքային հարցեր պետք է որոշվեն նախագահների մակարդակով: Այս մասին հայտարարել է Թուրքիայի արտգործնախարար Մևլութ Չավուշօղլուն Hurriyet-ին տված հարցազրույցում, գրում է rbc.ru-ն:

Կոտայքի մարզային ճգնաժամային կառավարման կենտրոնը մարտի 20-ին, ժամը 11։37-ին ահազանգ է ստացել, որ Երևան-Սևան ավտոճա­նապարհին՝ Ծաղկաձոր քաղաքի մոտակայքում, տեղի է ունեցել ՃՏՊ:

Ուկրաինայի նախագահ Վլադիմիր Զելենսկին հրամանագիր է ստորագրել ռազմական դրության պայմաններում բոլոր հեռուստաալիքների միասնական հեռարձակման մասին:

Մարտի 11-ին ռուսական կողմը կրակել է Կրեմեննայում գտնվող ծերանոցի վրա. 56 մարդ մահացել է, մնացած 15-ին առևանգել են։ Այս մասին այսօր թելեգրամյան իր ալիքում հայտնել է Լուգանսկի շրջանի վարչակազմի ղեկավար Սերգեյ Գայդայը, փոխանցում է Ukrinform-ը։

Անհայտ անձինք պոկել են Էստոնիայի Տարտու քաղաքում Ռուսաստանի դեսպանատան շենքի դրոշը։ Այս մասին հայտնել է Ռուսաստանի դիվանագիտական ներկայացուցչությունը, գրում է ՏԱՍՍ-ը:

Այսօր՝ մարտի 20-ին, խոշոր ավտովթար է տեղի ունեցել Երևանում: Ժամը 11:40 -ի սահմաններում BMW մակնիշի ավտոմեքենան Դավիթ Բեկի փողոցում բախվել է «Ռոտոնդա» սգո սրահի դիմաց կայանված Nissan Versa մակնիշի ավտոմեքենային, որն էլ, առաջ ընթանալով, բախվել է Renault մակնիշի ավտոմեքենային: Բախման հետևանքով BMW-ն գլխիվայր շրջվել է և մասամբ հայտնվել ճանապարհի մեջտեղում:

Ռուս գվարդիականները Խարկովի մարզի Իզյում քաղաքի ազատագրման ժամանակ գերի են վերցրել ազգայնական կազմավորումների մի քանի առաջնորդների և Ուկրաինայի ազգային անվտանգության ծառայության աշխատակիցների:

Մ-4 միջպետական ճանապարհի Երեւան-Սեւան հատվածում ձյան տեղումներ են, ցածր տեսանելիություն, գետնաբուք։ Այս մասին հաղորդում է «Ճանապարհային դեպարտամենտ» հիմնադրամը և վարորդներին կոչ անում երթեւեկել խիստ անհրաժեշտության դեպքում։

Մարիուպոլի փախստականները «ՌԻԱ Նովոստի»-ին պատմել են, թե ինչպես են գոյատևել առանց սննդի, ջրի, գազի և կոյուղու։

Վլադիմիր Ժիրինովսկու ինքնազգացողությունը կտրուկ վատացել է: Այս մասին հաղորդում է «Известия»-ն:

Դեռ նախորդ օրվանից սկսված և մինչև այժմ շարունակվող ուժեղ քամու հետևանքով Շիրակի մարզի մի շարք բնակավայրերում ավերածություններ են տեղի ունեցել։ Այս մասին տեղեկացնում է Շիրակի մազրպետարանը:

Սաստիկ բքի և առատ ձյան պատճառով Մ-8 միջպետական ավտոճանապարհի Վանաձոր -Դիլիջան ճանապարհահատվածը փակ է բոլոր տեսակի տրանսպորտային միջոցների համար։

Այս օրերին շփման գծին մոտ գտնվող մի շարք գյուղերում մեր զինված ուժերն Արցախում տեղակայված ՌԴ խաղաղապահ զորակազմի հետ համատեղ լրացուցիչ միջոցառումներ են իրականացնում տեղի խաղաղ բնակչության լիարժեք անվտանգությունն ապահովելու ուղղությամբ։ Այս մասին հայտարարություն է տարածել Արցախի Հանրապետության Ասկերանի շրջանի վարչակազմը:

Մարտի 20-ի ցերեկը, 24-ին ժամանակ առ ժամանակ շրջանների զգալի մասում, 21-22-ը, 23-ի, 25-ի գիշերը և երեկոյան Հանրապետության առանձին շրջաններում սպասվում են տեղումներ, լեռնային և նախալեռնային գոտում՝ ձյուն, 20-ին՝ ինտենսիվ: Լեռնային առանձին շրջաններում սպասվում է բուք, ցածր հորիզոնական տեսանելիություն։ Մարտի 23-ի և 25-ի ցերեկը սպասվում է առանց տեղումների եղանակ: