Новости за 08.06.2020

Հունիսի 8-ին, ժամը 16:44-ին Ճգնաժամային կառավարման ազգային կենտրոն ահազանգ է ստացվել, որ Քասախի կիրճում՝ կամրջի տակ, քաղաքացի կա ընկած․ անհրաժեշտ է փրկարարների օգնությունը։ Այս մասին հայտնում են ԱԻՆ տեղեկատվության և հասարակայնության հետ կապերի վարչությունից։

Զինծառայողների կյանքին կամ առողջությանը պատճառված վնասների հատուցման հիմնադրամի գործադիր տնօրենը (1000 դրամների հիմնադրամ) դատական հայց է ներկայացրել պատգամավոր Տիգրան Ուրիխանյանի դեմ: Tert.am-ի հետ զրույցում պատգամավորն ասաց, որ իրենից պահանջում են հերքել խորհրադարանում հնչեցրած հայտարարությունները, թե 1 մլրդ 900 մլն դրամ գումար չի փոխանցվել հիմնադրամին:

Նոր կորոնավիրուսի հնարավոր տարածումը կանխելու նպատակով ոստիկանությունը շարունակում է արտակարգ ռեժիմով իրականացնել տարաբնույթ միջոցառումներ: Այս մասին հայտնում են ՀՀ ոստիկանությունից։

Տեսանյութում էլ է երևում, որ ես իմ ավտոտնակում, ընդ որում մենակ, հանգիստ աշխատում եմ. իրենց նկարահանած տեսանյութն աշխատեց իրենց դեմ։ Այս մասին NEWS.am-ի հետ զրույցում ասել է ոստիկանության գնդապետ Սայաթ Շիրինյանը՝ անդրադառնալով երեկ իր և «Իրազեկ քաղաքացիների միավորում» ՀԿ–ի ծրագրերի համակարգող Դանիել Իոաննիսյանի միջև տեղի ունեցած միջադեպին և դրանից հետո, վերջինիս ֆեյսբուքյան գրառմանը, թե «Սայաթ Շիրինյանի ավտոտնակի սեփականության մասով ճշտում ենք, հիմնավոր կասկածներ կան, որ այն սեփական չէ կամ սեփականաշնորհված... Читать дальше...

Միացյալ Նահանգների ֆինանսների նախարարությունը պատժամիջոցների ցուցակում ներառել է Իրանը ներկայացնող ավելի քան հարյուր նավեր և տրանսպորտային ընկերություններ:

Հունիսի 7-ին, ժամը 00.05-ին, ոստիկանություն զանգած քաղաքացին հայտնում էր, որ մետրոյի «Շենգավիթ» կայարանի մոտ կրակոցներ են հնչել: Այս մասին հայտնում են ՀՀ ոստիկանությունից։

Եվրոգոտում ակնկալվող տնտեսական անկումը տարվա երկրորդ եռամսյակում կկազմի ՀՆԱ-ի 14 տոկոս տարեկան գնահատմամբ, 2020թ․ ընդհանուր առմամբ՝ 8.7 տոկոս: ТАСС գործակալության փոխանցմամբ՝ այս մասին հայտարարել է Եվրոպական կենտրոնական բանկի ղեկավար Քրիստին Լագարդը՝ ելույթ ունենալով Եվրախորհրդարանի տնտեսական և արժութային հարցերով հանձնաժողովի առցանց լսումներով:

Կորոնավիրուսի հետ կապված շահարկումները շատ են, ես շատ հանգիստ եմ վերաբերվում դրանց. քննադատություններին մենք ուշադիր հետևում ենք, դրանց համատեքստում քննում և վերաքննում ենք մեր գործողությունները: Այս մասին  պարետատան նիստից հետո կայացած ճեպազրույցի ընթացքում հայտարարեց ՀՀ վարչապետ Նիկոլ Փաշինյանը՝ անդրադառնալով բուժհաստատությունները կորոնավիրուսի դեմ պայքարի համար օգտագործելուն:

ՀՀ վարչապետ Նիկոլ Փաշինյանն այցելել է «Սուրբ Գրիգոր Լուսավորիչ» հիվանդանոց և հանդիպել բուժանձնակազմին, շնորհակալություն հայտնել նրանց կատարվող աշխատանքի համար։ Վարչապետը ծանոթացել հիվանդանոցի հնարավորություններին, նա նաև զրուցել է հիվանդների հետ։

Հրապարակախոս Վահան Իշխանյանը ֆեյսբուքյան իր էջում գրառում է կատարել՝ անդրադառնալով ՀՀ իշխանությունների՝ կորոնավիրուսի դեմ պայքարին։ Այս առիթով Իշխանյանը գրել է․

Հայաստանի կառավարությունը հրաժարվել է ՀԱԷԿ-ի երկրորոդ էներգաբլոկի վերազինման նպատակով տրամադրված ռուսական վարկից, վերանորոգումները կարվեն ՀՀ միջոցների հաշվին։

Հունիսի 8-ին, ժամը 14:55-ին Ճգնաժամային կառավարման ազգային կենտրոն ահազանգ է ստացվել, որ Ագարակավան գյուղի խաչմերուկի մոտակայքում տեղի է ունեցել ՃՏՊ․ կա տուժած։ Այս մասին հայտնում են ԱԻՆ տեղեկատվության և հասարակայնության հետ կապերի վարչությունից։

Հայաստանի Բարձրագույն խմբի առաջնության 21-րդ տուրում «Արարատ-Արմենիան» հյուրընկալվել է «Ալաշկերտի» կողմից և 2-1 հաշվով հաղթանակ տարել:

Դժվար է երեխաներին ամբողջ օրը պահել տանը: Երեխաներն ի տարբերություն մեծերի՝ ավելի շատ են ցանկանում շարժման մեջ լինել: Tert.am-ի հետ զրույցում նշում է հոգեբան Իրինա Ծատուրյանը՝ անդրադառնալով այն հանգամանքին, որ համավարակի պատճառով վերջին ամիսներին շատ երեխաներ ստիպված մնացին տանը՝ չհաճախելով մանկապարտեզներ և դպրոցներ:

Ֆրանսիայի Վալենս քաղաքում սեպտեմբերին պաշտոնապես կբացվի հայ-ֆրանսիական «Գևորգ Արաբյան» դպրոցը:

Հունիսի 8-ին, ժամը 17:36-ին Ճգնաժամային կառավարման ազգային կենտրոն ահազանգ է ստացվել, որ քաղաքացին փորձում է ինքնասպանություն գործել՝ նետվելով Երևանի Դավթաշենի կամրջից։ Այս մասին հայտնում են ԱԻՆ տեղեկատվության և հասարակայնության հետ կապերի վարչությունից:

Ռուսական «Գազպրոմ» ընկերությունը պատրաստակամություն է հայտնել բանակցություններ սկսել Բելառուսի հետ 2021թ. գազի մատակարարման հարցով՝ երկրի կողմից 2020թ. պայմանագրի պահպանման դեպքում, որով սահմանված վերջնական գինը որոշվել էր փետրվարի 14-ին:

Ես իհարկե ցավում եմ նման զարգացումների համար, բայց կարծում եմ, որ այս իրավիճակում մեր երկրի անվտանգության շահը, պետական կառավարման որակի և կարգապահության շահը պահանջում էր կայացնել այսպիսի որոշումներ: Այս մասին պարետատան նիստից հետո կայացած ճեպազրույցի ընթացքում հայտարարեց ՀՀ վարչապետ Նիկոլ Փաշինյանը՝ անդրադառնալով  իր որոշմանը, համաձայն որի՝ գեներալ-լեյտենանտ Արտակ Դավթյանն ազատվել է ԶՈՒ ԳՇ պետի պաշտոնից, գնդապետ Էդուարդ Մարտիրոսյանը՝ ԱԱԾ տնօրենի, գնդապետ Արման Սարգսյանը՝ ՀՀ ոստիկանապետի:

2019թ. հուլիսի 2-ին Երևան քաղաքի Նոր Նորքի 5-րդ զանգվածի Միկոյան փողոցի 17-րդ շենքի բակում «օրենքով գող» 20.03.1973թ.-ին ծնված Անդրանիկ Հարությունյանի սպանության դեպքի առթիվ 2019թ. հուլիսի 3-ին ՀՀ քննչական կոմիտեի ԵՔՔՎ Ավան և Նոր Նորք վարչական շրջանների քննչական բաժնում ՀՀ քրեական օրենսգրքի 104-րդ հոդվածի 1-ին մասով և 235-րդ հոդվածի 1-ին մասով հարուցվել է քրեական գործ: Այս մասին հայտնում են ՀՀ գլխավոր դատախազությունից:

ԿԳՄՍ նախարարությունում կառուցվածքային փոփոխությունների արդյունքում ստեղծվում է պատմության և մշակույթի հուշարձանների պահպանության վարչություն, որը ոչ միայն զբաղվելու է ընթացիկ հարցերով, այլ նաև մասնակցելու է ոլորտի քաղաքականության մշակման և օրենսդրության կատարելագործման աշխատանքներին: Այս մասին հայտնում են ՀՀ կրթության, գիտության, մշակույթի և սպորտի նախարարությունից:

ՀՀ վարչապետ Նիկոլ Փաշինյանը առողջապահության նախարարի հետ շրջայց կատարեց «Նորք» ինֆկցիոն կլինիկական հիվանդանոցում՝ ծանոթանալով կատարված աշխատանքներին:

«Հունիսի 8-ի դրությամբ Գեղարքունիքի մարզում հաստատվել է կորոնավիրուսային հիվանդության 5 նոր դեպք, 13 առողջացած»,- այս մասին «Ֆեյսբուքի» իր էջում գրառել է ՀՀ Գեղարքունիքի մարզպետ Գնել Սանոսյանը:

Այս պահի դրությամբ կա ծանր վիճակում գտնվող 403 և ծայրահեղ ծանր վիճակում գտնվող 94 պացիենտ: Այս մասին պարետատան նիստից հետո կայացած ճեպազրույցի ընթացքում հայտարարեց ՀՀ առողջապահության նախարար Արսեն Թորոսյանը:

Երևանի Շենգավիթ վարչական շրջանում՝ Սողոմոն Տարոնցի փողոցում, տեղի ունեցել հրազենի գործադրմամբ սպանությունը, երբ սպանություն կատարողը մարդաշատ վայրում իր սև գործն անելուց հետո դիմում է փախուստի, իսկ հետո էլ ինքնակամ ներկայանում ոստիկանության Շենգավիթի բաժին։ Այս մասին հայտնում է Shamshyan.com-ը։

Վրաստանում գտնվող բոլոր զբոսաշրջիկները՝ թե ներքին, թե միջազգային, ստիպված կլինեն դիմակ կրել հյուրանոցների ընդհանուր փակ տարածքներում, ինչպես նար պահպանել սոցիալական հեռավորությունը: Ինչպես փոխանցում է Новости-Грузия-ն, համաճարակաբանները նման հրահանգներ են տվել հյուրանոցներին, որոնց վաղվանից թույլատրվելու է վերսկսել գործունեությունը: