Ավստրիայի կանցլերը Փաշինյանին ու Ալիևին կոչ է արել շարունակել ջանքեր գործադրել ԼՂ հակամարտության հարցում բանակցային լուծում գտնելու համար
Ավստրիայի կանցլեր Սեբաստիան Կուրցը Հայաստանին և Ադրբեջանին կոչ է արել շարունակել ջանքեր գործադրել ԼՂ հակամարտության բանակցային ճանապարհով կարգավորման հասնելու ուղղությամբ:
«Ուրախ էի ընդունել Հայաստանի վարչապետ Նիկոլ Փաշինյանին, որը Վիեննա է ժամանել Լեռնային Ղարաբաղի շուրջ բանակցություններին մասնակցելու համար: Ես երկու կողմին կոչ եմ արել շարունակել աշխատել հակամարտության՝ բանակցային ճանապարհով կարգավորում գտնելու ուղղությամբ», - իր թվիթերյան էջում գրել է ավստրացի կանցլերը:
Հիշեցնենք, որ այսօր կայացել է ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի առաջին պաշտոնական հանդիպումը: 2-ն էլ հանդիպումը գնահատել են դրական: ԵԱՀԿ ՄԽ համանախագահներն էլ իրենց հայտարարության մեջ նշել են, որ հանդիպումն անցել է դրական և կառուցողական մթնոլորտում: