Ատլանտյան օվկիանոսում բարեհաջող վայրէջք է կատարել SpaceX-ի նորագույն տիեզերանավը (տեսանյութ)
Ամերիկյան Crew Dragon նորագույն տիեզերանավը, որը ՆԱՍԱ-ի հետ համագործակցության պայմանագրով կառուցել է SpaceX ընկերությունը, բարեհաջող վայրէջք է կատարել Ատլանտյան օվկիանոսում՝ ավարտելով իր առաջին փորձնական թռիչքը:
Ինչպես հայտնում է РИА Новости-ն՝ հղում անելով ՆԱՍԱ-ին, վայրէջքը տեղի է ունեցել երևանյան ժամանակով 17:45-ին: Դրանից մի քանի ժամ առաջ տիեզերանավն ավտոմատ կերպով անջատվել էր Միջազգային տիեզերակայանից և դուրս եկել ուղեծրից:
Ենթադրվում է, որ վայրէջքից հետո Go Searcher փրկարարական նավի մասնագետները հատուկ սարքավորման օգնությամբ դուրս կբերեն տիեզերանավը ջրից:
Նշվում է, որ այն 136 կգ կշռող բեռ է բերել ուղեծրից, այդ թվում և ուղեծրում իրականացված գիտափորձերի արդյունքները:
Crew Dragon-ը Միջազգային տիեզերակայան էր արձակվել անցյալ շաբաթ, իսկ հաջորդ օրը հաջողությամբ տեղ էր հասել:
Today’s successful splashdown of the @SpaceX Demo-1 #CrewDragon capsule after its mission to @Space_Station marked another milestone in a new era of human spaceflight. @Commercial_Crew is one step closer to launching American astronauts on American rockets from American soil. pic.twitter.com/9THTVlubiA
— Jim Bridenstine (@JimBridenstine) March 8, 2019