Մարուան Ֆելայինին հայտարարել է Բելգիայի հավաքականից հեռանալու մասին (լուսանկար)
«Շանդուն Լունենի» կիսապաշտպան Մարուան Ֆելայինին «Թվիթերի» իր էջում հայտարարել է Բելգիայի հավաքականում կարիերան ավարտելու մասին, որի կազմում հանդես էր գալիս 2007 թվականից:
«12 տարի ամենաբարձր մակարդակում հավաքականում խաղալուց հետո ես որոշել եմ ավարտել ելույթներս միջազգային ֆուտբոլում:
Այս որոշումն ինձ հեշտ չտրվեց, սակայն ես զգացի, որ մի կողմ քաշվելու և նոր սերունդին ճանապարհը զիջելու ժամանակն է:
Ցանկանում եմ շնորհակալություն հայտնել բոլոր նրանց, ովքեր իմ միջազգային կարիերայի մի մասն են կազմել` հատկապես թիմակիցներիս , ովքեր ամբողջ կյանքում կլինեն իմ ընկերները, մարզիչներին, և երկրպագուներին, ովքեր ամբողջ աշխարհում գալիս էին մեզ աջակցելու: Մարզչին և թիմին հաջողություն եմ մաղթում Եվրոպայի առաջնության ընտրական փուլում:
Շնորհակալություն, Բելգիա»,- ասվում է Ֆելայինիի տարածած հաղորդագրության մեջ: