Ամերիկուհի մոդելը շարունակում է կոտրել գեղեցկության չափանիշների մասին կարծրատիպերը (լուսանկարներ)
Հունական ծագմամբ ամերիկուհի մոդել Սոֆիա Հաջիպանտելին մարտահրավեր է նետում գեղեցկության համընդհանուր չափանիշներին: Ինչպես գրում է Fox News-ը, 22-ամյա մոդելը դա անում է իր եզակիությունն ապահովող հոնքերի շնորհիվ:
Կիպրոսում ծնված և մեծացած մոդելը, որն արդեն հասցրել է հայտնի դառնալ իր հաստ ու երկար հոնքերի շնորհիվ, որոշել է երբեք չբարակեցնել և ձեռք չտալ դրանց: Նրա կարծիքով՝ հոնքերն ընդգծում են իր մշակութային առանձնահատկությունը:
Թեև աղջիկը հաճախակի է քննադատության ենթարկվում առցանց տիրույթում, Սոֆիան անդրդվելի է մնում: Այժմ մոդել և արևային ակնոցի դիզայներ Սոֆիան մոտ 300 000 հետևորդ ունի Instagram-ում: