Թուրքիայի հետախուզությունն անուն առ անուն գիտի Իդլիբի ահաբեկիչներին. Սիրիայի արտգործնախարար
Սիրիայի արտաքին գործերի նախարար Վալիդ ալ Մուալեմը հայտարարել է, որ իրենք պատրաստ են կարգավորել հարաբերությունները Թուրքիայի հետ, եթե այդ երկիրը հետ քաշի իր ԶՈւ-ն Սիրիայի հյուսիսային տարածքներից: Այդ մասին սիրիացի նախարարն ասել է լիբանանյան «Ալ Մայադդին» հեռուստաընկերության եթերում:
Մուալեմը հայտարարել է, որ Թուրքիայի հետախուզական կոմիտեն «անուն առ անուն» գիտի սիրիական Իդլիբում գտնվող ահաբեկիչների անունները, և հույս է հայտնել, որ Թուրքիան կկատարի ստանձնած պարտավորությունները՝ նրանց Սիրիայից դուրս բերելու վերաբերյալ:
Մուալեմը նաև նշել է, որ ապագայում որպես հարևան պետություն անհրաժեշտ է կարգավորել հարաբերությունները Թուրքիայի հետ, սակայն դրա համար նախևառաջ թուրքական ԶՈւ-ն պետք է հետ քաշվի Սիրիայի տարածքից: