Սոցցանցում տարածված նկարն արվել է 2011 թ., երբ Զորաց քարեր արգելոցից 400-500 մետր հեռավորության վրա ստեղծվում էր հնավայրի ավելի փոքր մակետը
ՀՀ մշակույթի նախարարությունը տեղեկացնում է, որ սոցիալական ցանցում տարածված սույն նկարն արվել է 2011 թվականին, երբ Զորաց քարեր պատմամշակութային արգելոցից 400-500 մետր հեռավորության վրա ստեղծվում էր հնավայրի՝ չափերով ավելի փոքր մակետը (կրկնօրինակը): Այսինքն՝ ներկայացված նկարը որևէ առնչություն չունի Զորաց քարեր հուշարձանի հետ: Այս մասին տեղեկացնում են Մշակույթի նախարարությունից:
«Անզեն աչքով տեսանելի է, որ այդ քարերը բնօրինակը չեն. դրանք կտրվել են, քարերի վրա բացվել են անցքեր, որպեսզի բնօրինակին նման լինեն:
Եվս մեկ անգամ հորդորում ենք զերծ մնալ չճշգրտված տեղեկատվություն տարածելուց»,-ասված է հաղորդագրության մեջ: