ԱԺ այգին այսուհետ 10։00-22։00 բաց կլինի քաղաքացիների համար
Ազգային ժողովի այգի տանող գլխավոր դարպասները այօրվանից է 10:00-22:00–ն բաց են քաղաքացիների համար: Այս մասին լրագրողներին տեղեկացրեց ԱԺ անվտանգության պետ Սահակ Սահակյանը:
Նա նշեց, որ քաղաքացիների համար ԱԺ դռները բաց պահելու հրահանգը տրվել է վարաչապետի կողմից:
Թեև ԱԺ այգի քաղաքացիների մուտքը բաց է, բայց արգելափակոցներ կան ԱԺ շենք մուտք գործելու համար:
Խորհրդարանում այս պահին անվտանգության ծառայության աշխատակիցների հետ աշխատում են նաև ոստիկանները:
Ազգային ժողովի դռները բացվել էին նաև երեկ՝ վարչապետ Նիկոլ Փաշինյանի հրավիրած հանրահավաքի ժամանակ, երբ վարչապետը հանրահավաքի մասնակիցների հետ ներս էր մտել Ազգային ժողովի տարածք, ապա Ազգային ժողովի շենք, որտեղ հանդիպել էր ԱԺ նախագահի և պատգամավորների հետ՝ ԱԺ արտահարթ ընտրություններ անցկացնելու հարցով։
Սեպտեմբերի 21-ին՝ Անկախության տոնին, վարչապետի հրահանգով հանրության համար բացվել էին Բաղրամյան 26-ի դարպասները։