Ռուսաստանի մատնահարդարման սրահներից մեկում հաճախորդի եղունգները «լցրել» են կենդանի մրջյուններով (լուսանկարներ, տեսանյութ)
Օրերս սոցցանցերում տեսանյութ է հրապարակվել, որը հայտնվել է համացանցի օգտատերերի ուշադրության կենտրոնում:
Ռուսաստանում գտնվող մատնահարդարման սրահներից մեկի Instagram-ի էջում հրապարակված տեսանյութում ցուցադրվում են հաճախորդի արհեստական եղունգները, որոնք «լցված» են կենդանի մրջյուններով:
Ինչպես նշում է Daily Mail-ը, արհեստական եղունգների մեջ խողովականման դատարկ տարածություն են թողել, որի մեջ էլ դրվել են միջատները:
«Սարսափելի է, ահավոր է: Դուք պետք է ամաչեք»,- տեսանյութը մեկնաբանել է օգտատերերից մեկը:
Համացանցի օգտատերերին զայրացրել է նաև այն փաստը, որ տեսանյութի նկարագրությունում նշվում է, որ «աշխատանքի ու նկարահանման ընթացքում կենդանիներ չեն տուժել»:
«Ասում եք՝ կենդանիներ չե՞ն տուժել: Իսկ միջատնե՞ր: Չէ՞ որ նրանք կարող են խեղդվել քիմիական նյութերի մեջ: Դուք գարշելի եք», - գրել է մեկ այլ օգտատեր: