Ռուսաստանում կանցկացվեն Բրեժնևի ժամանակներից ի վեր ամենախոշոր զորավարժությունները
Ռուսաստանի Դաշնության պաշտպանության նախարար Սերգեյ Շոյգուն հայտարարել է Լեոնիդ Բրեժնևի ժամանակներից ի վեր ամենախոշոր զորավարժությունների անցկացման մասին, որոնց կմասնակցի մոտ 300.000 զինծառայող և մոտ 36.000 միավոր տեխնիկա, գրում է lenta.ru-ն։
«Դրանք ինչ-որ տեղ կրկնում են «Արևմուտք-81»-ը («Запад-81»), սակայն ինչ-որ տեղ ավելի մասշտաբային են»,- ասել է Շոյգուն։
Նրա խոսքով՝ «Արևելք-2018» («Восток-2018») անվանումով վարժանքները կանցկացվեն սեպտեմբերի 11-15-ն ընկած ժամանակահատվածում՝ Կենտրոնական ու Արևելյան ռազմական շրջանների գրեթե բոլոր պոլիգոններում։ Դրանց կմասնակցեն Խաղաղօվկիանոսյան և Հյուսիսային նավատորմերը, ամբողջությամբ կներգրավվեն Օդադեսանտային զորքերը։
«Պատկերացրեք, որ միաժամանակ գործի կդրվի 36.000 միավոր ռազմական տեխնիկա»,- ասել է ՌԴ ՊՆ ղեկավարը։
«Արևմուտք-81» վարժանքներն անցկացվել են 1981 թվականի սեպտեմբերի 4-12-ն ընկած ժամանակահատվածում։