Առաջին խումբ. «Գանձասար-Կապան-2»-ը հաղթել է «Արարատ-2»-ին առաջին տուրի մեկնարկային խաղում
Այսօր` օգոստոսի 6-ին, մեկնարկել է նաև Հայաստանի Առաջին խմբի առաջնությունը:
Ժամը 15-00-ին մեկնարկած խաղում «Գանձասար-Կապան-2»-ը Կապանի սեփական մարզաբազայում ընդունել է «Արարատ-2»-ին և 3 անպատասխան գնդակ է ուղարկել երևանյան թիմի դարպասը:
Կապանյան թիմի կազմում գոլեր են հեղինակել Հայկ Սարգսյանը, Նարեկ Ասլանյանը և Տիրան Պետրոսյանը:
Ժամը 16:00-ին մեկնարկել է առաջին տուրի ևս 4 հանդիպում:
«Լոկոմոտիվը» նախկին «Միկա» ստադիոնում ընդունել է «Փյունիկ-2»-ին, «Շիրակ-2»-ը Գյումրիի «Քաղաքային» ստադիոնում մրցում է «Յունիոր-Սևանի» հետ, «Բանանց-2»-ը Ձորաղբյուրի մարզաբազայում հյուրընկալվել է «Ալաշկերտ-2»-ի կողմից, իսկ «Արարատ-Արմենիա-2»-ը Ավանի ակադեմիայի մարզադաշտում ընդունել է «Էրեբունիին»:
Նշենք` ժամը 17:00-ին կմեկնարկի տուրի վերջին հանդիպումը: «Բանանց-3»-ը սեփական մարզադաշտում կընդունի «Երևան ՖԱ»-ին»: