Իտալական Բոլոնյայի օդանավակայանի մոտ պայթյուն է տեղի ունեցել (լուսանկարներ, տեսանյութեր)
Իտալական Բոլոնյա քաղաքի օդանավակայանի մոտակայքում հզոր պայթյուն է տեղի ունեցել, հայտնում է bolognatoday.it-ը: Միջադեպի ականատեսները դեպքի վայրից լուսանկարներ և տեսանյութեր են հրապարակել սոցցանցերում:
Բոլոնյայի ոստիկանությունում նշել են, որ պայթյունը տեղի է ունեցել ճանապարհին դժբախտ պատահարի հետևանքով: Ճանապարհին իրար են բախվել երկու բեռնատար մեքենաներ, որոնցից մեկը դյուրավառ նյութեր էր տեղափոխում: Այլ տվյալների համաձայն՝ պայթել է ավտոմեքենաներ տեղափոխող բեռնատարը:
Պայթյունի հետևանքով կաթվածահար է եղել երթևեկությունը: Դեպքի վայրում են իրավապահ մարմինների աշխատակիցներն ու բժիշկները: Պայթյունից հետո առաջացած հրդեհի մարմանը մասնակցում է ուղղաթիռ:
Զոհերի և վիրավորների մասին տեղեկություններ չեն հաղորդվում:
Forte #esplosione vicino #Bologna Chi ha notizie? Visto dalla #tangenzialebologna pic.twitter.com/j6mjyOW4Nb
— amedeo (@amemacula) August 6, 2018
— Matteo Brunamonti (@matt_brunamonti) August 6, 2018