Ֆեդերեր. Հաջողության կարող եմ հասնել միայն մրցակիցներիս հարգելու շնորհիվ
Շվեյցարացի թենիսիստ Ռոջեր Ֆեդերերը, ով դուրս է եկել Ինդիան Ուելսի մրցաշարի 1/8 եզրափակիչ, խոսել է իր մարզավիճակի մասին.
«Դու լավն ես այնքան, որքան լավն ես եղել քո նախորդ խաղում: Այս պահին կենտրոնացած եմ այս մրցաշարի վրա ու չեմ մտածում, թե նախորդ տարիներին ինչ հաջողությունների եմ հասել:
Առաջին հանդիպման ժամանակ լավ խաղ չցուցադրեցի: Այնպես որ դժվար է ասել, թե ով կխաղա ինձ հետ կիսաեզրափակչում կամ եզրափակչում: Այստեղ հավաքվել են մի շարք թենիսիստներ, ովքեր կարող են հաղթել ինձ: Այժմ լավ մարզավիճակում եմ գտնվում, սական հաջողության կարող եմ հասնել միայն այն դեպքում, եթե հարգեմ մրցակիցներիս»,- Ֆեդերերի խոսքերը մեջբերում է ATP-ի մամուլի ծառայությունը: