ՉԼ. Նապոլին, Սևիլիան, Օլիմպիակոսը և Մարիբորը խմբային փուլի ուղեգիր նվաճեցին (տեսանյութ)
Այսօր կայացան Չեմպիոնների լիգայի որակավորման փլեյ օֆ փուլի պատասխան հանդիպումները:
Սլովենական «Մարիբորը» տանը նվազագույն հաշվով հաղթեց իսրայելական «Հապոել Բեեր-Շևային», իտալական «Նապոլին» հյուրընկալվելիս հաղթեց ֆրանսիական «Նիսին», հունական «Օլիմպիակոսը» ուժեղ գտնվեց խորվաթական «Ռիեկայից», իսկ իսպանական «Սևիլիան» ոչ-ոքի խաղաց թուրքական «Բաշակշեհիրի» հետ:
Այսպիսով, Չեմպիոնների լիգայի 2017/18թթ. խաղարկության խմբային փուլի ուղեգիր նվաճեցին «Նապոլին», «Սևիլիան», «Մարիբորը» և «Օլիմպիակոսը»:
Վաղը կկայանան «Կոպենհագեն»-«Ղարաբաղ», «Լիվերպուլ»-«Հոֆենհայմ», «Սլավիա Պրահա»-ԱՊՈԵԼ, «Ստյաուա»-«Սպորտինգ», ԲԿՄԱ-«Յանգ Բոյզ» հանդիպումները:
«Մարիբոր» (Սլովակիա)-«Հապոել Բեեր-Շևա»(Իսրայել)` 1:0
Առաջին հանդիպումը` 1:2
Գոլը` Վիլեր (15)
«Նիս»(Ֆրանսիա)-«Նապոլի»(Իտալիա)` 0:2
Առաջին հանդիպումը` 0:2
Գոլերը` Կալյեխոն (48), Ինսինյե (89)
«Ռիեկա»(Խորվաթիա)-«Օլիմպիակոս»(Հունաստան)` 0:1
Առաջին հանդիպումը` 1:2
Գոլը` Մարին (25)
«Սևիլիա»(Իսպանիա)-«Բաշակշեհիր»(Թուրքիա)` 2:2
Առաջին հանդիպումը` 2:1
Գոլերը` Էսկուդերո (52), Բեն Յեդեր (75) - Էլիա (17), Վիշչա (83)
Հավելենք, որ վիճակահանությունը կկայանա օգոստոսի 24-ին, որտեղ հայտնի կդառնա նաև ՈւԵՖԱ-ի լավագույն խաղացողը:
Հիշեցնենք, որ ավելի վաղ Չեմպիոնների լիգայի խմբային փուլի ուղեգիր էր նվաճել շոտլանդական «Սելթիկը»: