Қазақстан құрамасы 2022 жылғы Бейжің Олимпиадасын аяқтады
Соңғы жарыста шаңғышылар өнер көрсетті. Әйелдер арасындағы марафонда Надежда Степашкина, Ангелина Шурыга және Ирина Быкова медальға таласты.Үздік нәтижені Ангелина Шурыга көрсетті. Ол мәреге қырық екінші болып келді. Надежда Степашкина қырық тоғызыншы, Ирина Быкова елу төртінші болып мәреге жетті.
Бейжіңде Қазақстан құрамасы сапында барлығы 34 спортшы өнер көрсетіп, 87 лицензияға ие болды. Спортшылар мынадай спорт түрлері бойынша сынға түсті:
Шаңғы жарысы;
Биатлон;
Фристайл-могул;
Фристайл-акробатика;
Шорт-трек;
Коньки;
Тау шаңғысы;
Шаңғы қоссайысы;
Трамплиннен секіру.
Үздік нәтиже шорт-трекші Абзал Әжғалиевтің 500 метр қашықта өнер көрсетуі болды. Ол жарыстың негізгі финалына өтіп, нәтижесінде төртінші орынға ие болды.
Надежда Морозова масс-стартта біліктіліктен сәтті өтті. Оның соңғы позициясы 14-орын болды. Ақмаржан Қалмырзаева шаңғы-акробатикасынан аса жоғары нәтиже көрсетіп, біліктілік бойынша 98,68 ұпай жинады. Бұл оған үздік 12-ге кіруге мүмкіндік берді.
Ел тарихында тұңғыш рет қазақстандық шаңғы қоссайысында бақ сынады. Бұл жетістік Шыңғыс Рақпаровқа тиесілі. Жас спортшылар өз мүмкіндігін көрсетті. Бейжіңде 16 жастағы Анастасия Городок, 17 жастағы Олеся Граур (екеуі де фристайл-акробатика), 17 жастағы Данил Васильев (шаңғымен секіру), 18 жастағы Александра Троицкая (тау шаңғысы) жүлдеге таласты.2022 жылғы Олимпиада ойындарының жабылу салтанаты бүгін, 20 ақпанда өтеді. Шара Нұр-Сұлтан уақыты бойынша сағат 18.00-де басталды.
Фото: Тұрар Қазанғапов, Сали Сабиров, Владислав Семенов, ҚР ҰОК баспасөз қызметіСілтемесіз жаңалық оқисыз ба? Онда Telegram желісінде парақшамызға тіркеліңіз!