Бақытжан Малыбаев Нұр-Сұлтан полиция департаменті басшысының орынбасары болып тағайындалды
Бақытжан Малыбаев Нұр-Сұлтан полиция департаменті басшысының бірінші орынбасары болып тағайындалды, - деп хабарлайды Tengrinews.kz тілшісі ведомство сайтына сілтеме жасап.
Бақытжан Малыбаев 50-де, ол ҚР ІІМ Алматы заң институтының түлегі. Әр жылдары ол Алматы ІІБ МАИ жол милициясы жеке батальонының инспекторы, Алматы ІІД ЖПБ Жол полициясы жеке батальонының командирі, содан кейін Алматы ІІД Жол полициясы басқармасы басшысының орынбасары болды. 2008 жылы Астана қаласы ІІД Жол полициясы басқармасы бастығының орынбасары болып тағайындалды. Үш жылдан кейін Малыбаев Астана қаласы ІІД Жол полициясы басқармасын басқарды.
Кейін ол Астана қаласы ІІД әкімшілік полиция басқармасының басшысы болды. 2016 жылы Бақытжан Малыбаев Астана ІІД Жергілікті полиция қызметінің бастығы лауазымына тағайындалды. 2018 жылдың қыркүйек айында ол полиция департаменті бастығының орынбасары болды.