Чаллыда сайлауда 100 яшьлек тыл хезмәтчәне тавыш бирде
Россия Президентын сайлауның беренче көнендә Чаллыда яшәүче 100 яшьлек тыл хезмәтчәне Минхәят Якупова үз өендә тавышын бирде.
Минхәят Якупова 1923 елның 4 июлендә ТАССРның Зәй районында туган. Бөек Ватан сугышы елларында колхозда төрле эштә хезмәт куйган, ә соңыннан - Зәй ГРЭСында, анда пенсиягә чыкканчы эшләгән.
1973 елда ул Чаллыга күченә.
Минхәят Якупова тыл хезмәтчәне, «1941-1945 елларда Бөек Ватан сугышында фидакарь хезмәт өчен» медале, «Хезмәт ветераны» медале, юбилей медальләре белән бүләкләнгән.
15 мартта Татарстанда 65 территориаль һәм 2722 участок сайлау комиссиясе эшли башлады, шулай ук хастаханә, шифаханә, тикшерү изоляторы, вокзал һәм аэропортта вакытлыча 45 сайлау участогы ачылды.
3 миллионга якын татарстанлы сайлау хокукына ия. Алар 15, 16 һәм 17 мартта 8.00-20.00 сәгатьләрдә тавыш бирә ала. Сайлау уздыруны сайлау комиссияләренең 22 мең әгъзасы тәэмин итә. Сайлау участокларында 16 меңнән артык күзәтүче эшли, шул исәптән чит ил күзәтүчеләре дә бар.
Россия Федерациясе Президентын сайлау 8нче тапкыр үткәрелә, быел ул 15, 16 һәм 17 мартта уза. Сайлауда 4 кандидат - Владислав Даванков («Яңа кешеләр» партиясеннән), Леонид Слуцкий (ЛДПР партиясеннән), Николай Харитонов (КПРФ партиясеннән) һәм Россиянең хәзерге Президенты Владимир Путин (үзен-үзе тәкъдим итүче) катнаша.