Татарстанда 1 градуска кадәр җылы һәм кар явуы көтелә
Бүген Татарстанда болытлы һава торышы көтелә, урыны белән бераз кар явачак. Бу хакта ТР Гидрометеорология үзәгенең матбугат хезмәте хәбәр итә.
Төнлә температура -5..-10 градус, аязганда -15 градуска кадәр була, көндез термометр баганасы -3тән +1 градуска кадәр күрсәтәчәк. Синоптиклар Татарстан халкын юллардагы бозлавык турында да кисәтә.
Элегрәк «Татар-информ» метеорологларның март башында температура тирбәнешләре турында сөйләгәннәрен хәбәр иткән иде. Ял көннәрендә һава торышы нәкъ шундый: көндез җылы, кич салкын булачак.