Путин Рамзан Кадыровның хатынына «Герой ана» исеме бирде
Россия Президенты Владимир Путин Чечня башлыгының тормыш иптәше Медни Кадыровага «Герой ана» исемен бирде. Ул Мәскәү Кремлендә узган бүләкләү тантанасында катнашты.
«Балаларны тәрбияләү — ул шатлык та, көндәлек хезмәт тә. Күпбалалы гаиләләрне хөрмәтләү - халкыбыз традициясе. Бу залда «Герой ана» исеменә лаек булган Людмила Николаевна Бадмаеваны һәм Медни Мусаевна Кадырованы сәламләргә шатмын», - дип белдерде дәүләт башлыгы.