Россия шәһәрләрендә Камал театры спектакльләренең видеоязмалары кинопрокатка чыга
25 апрельдән Россия шәһәрләрендә Г.Камал исемендәге Татар дәүләт академия театры спектакльләренең видеоязмалары кинопрокатка чыга.
Репертуарда 10 спектакль, алар арасында архив спектакльләре дә, заманча спектакльләр дә бар. Алар Россиянең 8 шәһәрендә күрсәтелә. Алар арасында Курск, Оренбург, Пермь, Саранск, Чабаксар, Энгельс, Чаллы һәм Түбән Кама шәһәрләре бар. Бу хакта Бөтендөнья татар конгрессының матбугат хезмәте хәбәр итә.
Проект «Синема 5» кинотеатрлары челтәре белән партнерлыкта гамәлгә ашырыла.