Эшкуар махсус хәрби операциядәгеләр өчен уникаль машина сатып алган
Уфа эшкуары Рәзиф Фәтхлисламов спутник элемтәсе, радио системасы һәм Морзе коды белән җиһазландырылган йөк машинасы сатып алган. Бу хакта «Башкорт батальоны» телеграмм-каналына сылтама белән Башкортстанның «Балтач таңнары» хәбәр итә.
Рәзиф Фәтхлисламов үзе электр челтәрләрләре белән шөгыльләнә. Аңа эш өчен авыр йөк машинасы кирәк була. Эшкуар рекламалар сайтыннан Мордва республикасыннан үзенә ЗИЛ-131 эзләгән.
«Мин ул машинаны күргәч, күзләремә ышанмадым. Салонында чын команда пункты бар. Махсус транспорт чарасы эчтән дә, тыштан да идарә ителә. Аның ярдәмендә күктә яки су астында хәрби заданиеләр үтәгәннәр белән бәйләнештә булырга мөмкин», — ди ул.
Рәзиф Фәтхлисламов йөк машинасын сатып ала, әмма үзе өчен түгел, ә хәрбиләр өчен. Машинага гуманитар ярдәм төяп, махсус хәрби операция зонасына җибәрергә җыена.