Патяшина Татарстанда җәмәгать урыннарында һәм транспортта битлек кияргә киңәш итте
Татарстан халкына җәмәгать урыннарында һәм транспортта битлек кияргә тәкъдим иттеләр. Бу хакта бүген республиканың Министрлар Кабинетында узган брифингта Роспотребнадзор хезмәтенең Татарстан буенча идарәсе җитәкчесе Марина Патяшина хәбәр итте.
Профилактика чараларын коронавирус инфекциясе белән авыручылар саны арту аркасында көчәйтергә киңәш итә. Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсендә республика халкыннан бу киңәшләргә аңлап карауларын сорадылар.
«Вирусның мутациясе белән бәйле булган һәм көтелгән үсеш бу. Инфекция тиз тарала, авырулар саны артачак», – дип аңлатты Патяшина.
Исегезгә төшерәбез, узган атнада республикада битлек режимын яңадан кертү турында сөйләшүләр башланды, сүз хезмәт коллективларында инфекцияне профилактикалау чаралары турында алып барылды. ТР Министрлар Кабинетында узган киңәшмәдә Татарстан Президенты Рөстәм Миңнеханов яңа коронавирус йогышын профилактикалау эшен көчәйтергә һәм ковидтан кабат вакцинация ясау эшен активлаштырырга чакырды.
17 августтан башлап Чаллы һәм Әлмәт түрәләре өчен битлек режимын яңарттылар. Алар гражданнарны кабул иткән вакытта саклану чараларын кулланырга тиеш.