Баулыга удмурт халкының «Гырон Быдтон» милли бәйрәменә «Бурановские бабушки» киләчәк
2 июльдә Баулы районына удмурт халкының «Гырон Быдтон» дип аталган милли бәйрәменә «Бурановские бабушки» ансамбле киләчәк.
«Бәйрәмдә «Айкай» удмурт дәүләт фольклор җыр һәм бию театры, «Бурановские бабушки» коллективы, удмурт эстрадасының яшь артистлары чыгыш ясаячак», - диде Баулы районы Башкарма комитеты җитәкчесе Ильяс Гозәеров ТР Хөкүмәт йортында узган брифингта.
Удмурт халкының милли бәйрәме Баулы районында республика күләмендә өченче мәртәбә үткәрелә. Быел ул 2 июльдә 11:00 сәгатьтә башланачак.
«Бәйрәмгә Татарстан халыклары Ассамблеясе, Татарстан Республикасында удмуртларының милли-мәдәни автономиясе, Удмуртиянең Мәдәният министрлыгы вәкилләре килүе көтелә. Бәйрәмдә төрле интерактив мәйданчыклар, мастер-класслар һәм конкурслар узачак», - диде Ильяс Гозәеров.