Әлкинең Чуваш Кичүе волейбол командасы «Мәктәп волейбол лигасы»нда өченче урын алды
14-15 май көннәрендә Казандагы Волейбол үзәгендә «Мәктәп волейбол лигасы» ярышлары үткәрелде. Анда Әлки районының Чуваш Кичүе мәктәбенең волейбол командасы катнашты. Кызларыбыз башка командалар арасында югалып калмады – мактаулы өченче урынны алды.
«Әлки хәбәрләре» сайтында хәбәр итүләренчә, ә тупны иң яхшы кабул итүче исеменә Әдилә Зәйдуллина лаек булды. Шулай итеп ул «Мәктәп волейбол лигасы» ярышларының иң яхшы уенчылары исемлегенә керде.