Транспортта QR-кодлар тикшерү тәртибе турында көннең икенче яртысында билгеле булачак
(Казан, 11 ноябрь, «Татар-информ», Егор Никитин). Татарстанда җәмәгать транспортында QR-кодлар системасының эш тәртибе турында бүген көннең икенче яртысында хәбәр итәчәкләр.
ТР Президентының матбугат хезмәте җитәкчесе Лилия Галимова журналистлар катнашында узган брифингта шулай дип белдерде.
Ул билгеләп үткәнчә, элегрәк ТР Президенты йөкләмәсе буенча QR-кодлар системасына бәйле мәсьәләләрне тикшерү белән шөгыльләнүче махсус эшче төркем булдырылган.
«Әлеге эшче төркем шул исәптән автотранспорт предприятиеләре вәкилләре белән дә киңәшмәләр үткәрде. Бу мәсьәләне хәл итүнең вариантларын тикшерделәр. Бүген көннең икенче яртысында бу хакта тагын да җентеклерәк мәгълүмат биреләчәк», — дип искәртте Галимова.
Ул профильле эшче төркемне Татарстанның беренче вице-премьеры Рөстәм Нигъмәтуллин җитәкләвен әйтте.