Камалтынов: «Бердәм Россия» онлайн-праймеризында 96 меңнән артык татарстанлы катнашты
(Казан, 28 май, «Татар-информ»). Татарстанда яшәүчеләр «Бердәм Россия»нең якынча электрон тавыш бирүдә актив катнаша. Бүген 96 меңнән артык сайлаучы тавыш бирде. Бу хакта праймериз үткәрү буенча Татарстанның оештыру комитеты рәисе Юрий Камалтынов сөйләде. Аның сүзләренчә, процедура штатлы режимда уза. Шулай ук республикада барысы да турыдан-туры тавыш бирү өчен әзер. 30 майда төбәктә 500дән артык участок ачылачак, аларның барысы да Роспотребнадзорның ковидка каршы таләпләре буенча эшләячәк. Төбәк оештыру комитеты 96 кандидатны теркәгән. Бу 2016 ел сайлауларына караганда ике тапкырга диярлек күбрәк. Шул ук вакытта аларның яртысы диярлек — 40 яшьтән яшьрәк кешеләр. Алдан тавыш бирүдә катнашучыларның яртысы партиядә тормый.