Татарстанда коронавирустан тагын өч хатын-кыз вафат булды
(Казан, 12 гыйнвар, «Татар-информ»). Татарстанда өч хатын-кыз коронавирус инфекциясе корбаны булды. Бу хакта ТР Сәламәтлек саклау министрлыгы матбугат хезмәте хәбәр итә.
Covid-19 инфекциясе аркасында 1957, 1946 һәм 1936 елларда туган хатын-кызлар вафат булган.
«Үлем сәбәпләре патологоанатомик экспертиза нәтиҗәсендә билгеләнде», - диелә матбугат хезмәте хәбәрендә.
Пандемия башланганнан бирле 210 кеше вирус корбаны булган. Соңгы тәүлек эчендә республикада коронавирус инфекциясе белән зарарланган 89 кеше ачыкланды.