Новости за 14.12.2022

Казанда «Яшь армия» Россия балалар-яшүсмерләр хәрби-патриотик җәмгыяте хәрәкәтенең республика слеты узды. Анда Республика «Яшь армиячеләр»нең быел башкарган эшләренә нәтиҗә ясалды, киләсе елга планнар билгеләнде. Бу хакта «Әлки хәбәрләре» сайтында хәбәр ителә.

23 декабрьдә Татарст­ан Язучылар берлеген­ең Тукай клубында Әдәби ел йомгаклары җыелышы үткәрелә. Ба­шлана 13.00 сәгатьтә. Бу хакта ТР Язучылар берлеге матбугат хезмәте хәбәр итә.

Казанның «Сәйдәш» мәдәни үзәгендә «Апуш» татар театр студиясе үзенең икенче спектаклен – «Зоопарк-Әлифба» тамашасын күрсәтте, аны 500 ләп кеше карады. Бу хакта Казан Башкарма комитетының тел культурасы өлкәсендәге милли сәясәтне тормышка ашыру бүлеге хәбәр итә.

Татарстанда бер атна эчендә 29 меңгә якын кеше грипп һәм ОРВИ белән чирләгән. Бу хакта «Татар-информ»га Роспотребнадзорның Татарстан Республикасы буенча идарәсенең матбугат хезмәтендә хәбәр иттеләр.

Казан федераль университетында Филология һәм мәдәниятара багланышлар институты базасында Мирзо Улугбек исемендәге мәдәни-мәгариф үзәге ачылды. Үзәк Татарстанда үзбәк телен һәм мәдәниятен популярлаштыруга, үстерүгә ярдәм итәчәк, дип хәбәр итә югары уку йортының матбугат хезмәте.

Казанда полиция хезмәткәрләре «Лада» машинасы йөртүчесен тоткарлаган, ул бүген көндез Бигичев урамындагы җәяүлеләр кичүендә хатын-кызны һәм баланы бәрдереп качкан.

Бүген Мәскәүдә «Ростех» дәүләт корпорациясенең «Технодинамика» холдингы мәйданчыгында Борис Тихомиров исемендәге беренче премия җиңүчеләрен бүләкләү танатансы булды. Дәүләт бүләкләрен сәнәгать төзелеше һәм проектлау өлкәсендә эшләүчеләргә тапшырдылар. Чарада Татарстан Республикасы Президенты Рөстәм Миңнеханов катнашты. Җиңүчеләр арасында республика предприятиеләре хезмәткәрләре дә бар иде.

Минскида татарлар җирлеге барлыкка килүгә 625 ел тулуны билгеләп үттеләр. Мондый урыннар Беларусь территориясендә XIV гасыр ахырында барлыкка килгән. Бу вакыйга уңаеннан республика башкаласының Җәмигъ мәчетендә «Ислам тарихы буларак татар тарихы: Белоруссия җирләрендә татар-мөселманнар җирлекләренең 625 еллыгы уңаеннан» халыкара фәнни-гамәли конференция узды.

Бүген Камал театрында «Яңа татар пьесасы-2022» бәйгесенең жюри утырышы булды. Өченче турга узган әсәрләр исемлеге билгеле. Бу хакта Камал театры сайты хәбәр итә.

Иртәгә, 15 декабрьдә, Татарстанда һава торышы кабат үзгәрә. Татарстанның Гидрометеорология үзәге элегрәк хәбәр иткәнчә, бу көнбатыш циклонның атмосфера фронты йогынтысы аркасында булачак.

Бүген көндез Казанның Әмирхан урамындагы 41нче йорт каршында юл һәлкәте булган.

Күренекле шагый­рә, язучы Илсөяр Икс­анова һәм танылган журналист, мөхәррир Гөлсинә Хәмидуллинаның «Хыял артыннан киттем» исемле пьесал­ар җыентыгы басылып чыкты. Бу хакта ТР Язучылар берлеге матбугат хезмәте хәбәр итә.

Татарстан Республикасы Президенты Рөстәм Миңнеханов Н.И. Пирогов исемендәге Россия илкүләм тикшеренү медицина университетында булды. Ул югары уку йортының фәнни бүлекләрен карады, шулай ук Татарстаннан Россиянең әйдәп баручы медицина университетларының берсенә укырга килгән студентлар белән аралашты.

Якутиядә яшәүче 21 яшьлек Игорь Доманов Казанның 175нче гимназиясенә һөҗүм итүдә гаепләнүче өчен үч алырга – тикшерүчеләргә һөҗүм итмәкче булган. Әлеге фактка карата ачылган җинаять эшенә Казанның Совет районы суды нокта куйды. Гаепләүне Татарстан Прокуроры Илдус Нәфыйков шәхсән хуплады. Шулай ук бу эштә дәүләт гаепләүчесе Аида Шәйдуллина да катнашты.

«Бердәмлек» газетасы редакциясе, һәрвакыттагыча, Яңа ел алдыннан әдәби конкурс игълан итә. Бу турыда «Самара татарлары» сайты яза.

Федерация Советы 2023 елда хезмәткә түләүнең минималь күләмен (МРОТ) арттыруны күздә тоткан законны хуплады. Хезмәткә түләүнең минималь күләме 16 242 сум итеп билгеләнгән. Шул рәвешле, минималь хезмәт хакы узган елга карата 6,3 процентка артачак.

РФ мөселманнары Диния нәзарәте һәм Россия Мөфтиләр шурасы рәисе, мөфти шәех Равил Гайнетдин Мәскәү Җәмигъ мәчетендәге резиденциясендә Щелково шәһәр округының Мөселман җәмгыяте делегациясен кабул итте.

Татарстан Экспорт советы составына үзгәрешләр кертелде – аңа яңа дүрт кеше керде. Яңа әгъзалар советтан чыгарылган кешеләр урынына билгеләнде. Республика Президенты Рөстәм Миңнеханов шул хакта карарны имзалады.

Бүген Татарстан Республикасы мөселманнары Диния нәзарәте резиденциясендә татар дини-илаһият мирасының рус теленә тәрҗемәләрен һәм репринт басмаларын тәкъдим иттеләр.

Мәскәү өлкәсе имам-мөхтәсибе Дауд хәзрәт Мөхетдинов, Россия мөселманнары Дини җыены башлыгы ярдәмчесе Мөхәммәт хәзрәт Гитинов, Дудкино бакчачылык җәмгыяте имамы Мөхәммәт хәзрәт Алтумирзаев һәм Мәскәү өлкәсе мөселманнарының Мөхтәсибәтләр җыены имамнары «Белем кичәсе» кысаларында мөселманнар белән очрашты. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.

Татарстанның Әлмәт районында H1N1 дуңгыз гриппы очраклары теркәлгән, ул авыруның катлаулырак барышын китереп чыгарырга сәләтле һәм бик йогышлы. Грипп белән авыручы бер кеше ябык бинадагы кешеләрнең 70 процентына чир йоктыра ала.

Төркия Хөкүмәте туристларга кунакханәдә яшәгән өчен яңа салым кертте, аның күләме 2 процент тәшкил итә. Бу хакта РИА Новости агентлыгы җирле телевидениегә сылтама белән яза.

Стопкоронавирус.рф порталындагы мәгълүматлардан күренгәнчә, Татарстанда тагын бер кеше рәсми рәвештә коронавирус корбаны дип табылды, моңа кадәр үлем-китем турында соңгы мәгълүмат 30 ноябрьдә чыккан иде. Нәтиҗәдә, коронавирустан вафат булучыларның гомуми саны 2008 кешегә җитте.

Республикакүләм «Татар кызы-2022» бәйгесе финалисты Язилә Әгълиуллина «Иң тырыш кыз» номинациясендә җиңү яулады. Казан дәүләт медицина университетында педиатр белгечлегендә укучы кыз туган ягы Мөслимгә кайтып эшләү теләге турында сөйләде. 

Мәскәү шәһәренең Зеленоград административ округы Татар милли-мәдәни автономиясе вәкилләре ат спорты ярышларында катнашуын уңышлы дәвам итә.