Новости за 03.12.2022

Әгерҗе муниципаль районы Советы аппараты җитәкчесе итеп Рөстәм Галимов билгеләнде.

Безнең илебездә Ватан азатлыгы өчен һәлак булган сугышчыларны искә алалар. Бүген Билгесез солдат көне уңаеннан Арчаның  Җиңү паркында митинг үткәрделәр һәм һәйкәлгә чәчәк салдылар. Бу турыда «Арча хәбәрләре» хәбәр итә.

Чаллыдан мобилизацияләнгән Эдуард һәм тормыш иптәше Алинәнең беренче сабыйлары туган. Бәләкәчкә Динар дип кушканнар. Сабый белән әнисен әтиләре дә каршы алды. Ул Казанда хәрби өйрәнүләр үтә иде. Аңа бер көн ял биргәннәр. Бу хакта «Шәһри Чаллы» хәбәр итә.

Бу көннәрдә Татарстан муниципаль хезмәткәрләре арасында төрле спорт төрләре буенча бәйгеләрне берләштергән спартакиада дәвам итә. Саба районында республика районнары башлыклары арасында оештырылган  бильярд ярышында Ленар Зарипов II урын алды.

«Татар телендә рәхәтләнеп аралашып, балаларны да саф татар әдәби теленә сөйләшергә өйрәтеп чыгара идек элек», - диде Мәсүфә Әюпова.

Казанда күп балалы исерек әни кешенең алты яшьлек улын салкын урамда калдыру билгеле булды. Бу хакта ТР Тикшерү идарәсе җитәкчесенең өлкән ярдәмчесе Андрей Шептицкий хәбәр итә.

«Бүгенге көндә мәчет эчендә төзекләндерү эшләре бара», – ди Ләбиб Лерон.

Мобилизация тәмамланды, әлегә яңа мәгълүмат юк. Бу хакта Россия Президенты матбугат секретаре Дмитрий Песков белдерде, дип хәбәр итә «Российская газета».

Татарстан мөфтиятенең «Зәкят» хәйрия фонды күптән түгел булып үткән Әниләр көненә багышлап хәйрия чарасы үткәрде, дип хәбәр ителә Татарстан мөселманнары Диния нәзарәте сайтында.

1нче декабрь көнне Арча районының Г.Камал исемендәге Сикертән төп мәктәбендә Татарстанның халык язучысы Мөхәммәт Мәһдиевкә багышланган VII районара Мәһдиев укулары үткәрелде. Бу хакта Татарстан Язучылар берлеге сайтында хәбәр ителә.

Татарстан Дәүләт Советы депутаты Эдуард Шәрәфиев Россия хәрбиләренең махсус хәрби операция зонасында ничек яшәвен күрсәтте. Урында төшерелгән кадрларны Шәрәфиев үзенең социаль челтәрләрдәге аккаунтында урнаштырган.

Татарстан Президенты Рөстәм Миңнеханов Казанның «Ак Барс Арена» стадионында булды, анда ул спорт учреждениесе эше белән танышты һәм «Арена Swim» балалар-яшүсмерләр бассейнына йөрүчеләр белән аралашты. Бу хакта республика җитәкчесенең матбугат хезмәте хәбәр итә.

Алабуга районының Тарловка бистәсе янындагы Чулман елгасында ярдан бер чакрым ераклыкта боз астына киткән кеше турындагы хәбәр бүген 12.35 сәгатьтә ашыгыч хезмәтләрне чакыруның бердәм 112 номерына алынган.

27 ноябрьдә Курган өлкәсенең Татар мәдәнияте үзәгендә «Әс-сәлам» төрки халыклар мәдәнияте өлкә яшьләр конкурсы узды. Бу хакта Бөтендөнья татар конгрессы матбугат хезмәте хәбәр итә.

Аяз Гыйләҗев исемендәге Чаллы татар дәүләт драма театрында Татарстанның халык шагыйре, Габдулла Тукай исемендәге Дәүләт премиясе лауреаты, җәмәгать эшлеклесе Разил Вәлиевнең 75 яшьлек юбилеена багышланган «Бу дөньяның мин бер кыйтгасыдыр…» дип исемләнгән әдәби-музыкаль кичә узды. Бу хакта Татарстан Язучылар берлеге сайтында хәбәр ителә.

Быел май аенда «Насретдин мәзәкләре» киң таралган күп сандагы илләргә мөрәҗәгать ителгән, 30дан артык илдән хуплау килгән.

2022 елда инфраструктура объектларын төзү һәм җәмәгать киңлекләрен төзекләндерү буенча Татарстанның 15 программасы 97 процентка үтәлгән. Бу хакта ТР Төзелеш, архитектура һәм торак-коммуналь хуҗалыгы министрының беренче урынбасары Алексей Фролов Хөкүмәт Йортында узган киңәшмәдә хәбәр итте. Киңәшмәне ТР Президенты Рөстәм Миңнеханов үткәрде.

«Татмедиа» 98 газета, 17 журнал, 19 телеканал, 14 радиостанция, 81 сайт һәм «Татар-информ» мәгълүмат агентлыгын үз эченә ала», - дигән ул.

Минзәлә районының балалар бакчасы яшендәге 300 баласы өч көн эчендә бэби-театр карады.

Ватан Геройлары көненә багышланган чараларны иң югары дәрәҗәдә үткәрергә кирәк. Татарстан Президенты Рөстәм Миңнеханов Хөкүмәт Йортында узган бүгенге киңәшмәдә шундый йөкләмә бирде.

Кешеләрнең ял көннәрендә эшкә чыгу очраклары сирәк күренеш түгел. Бу вакытта түләүләр икеләтә күләмдә башкарыла. Моннан тыш, хезмәткәр башка ял көнен сайлый ала, ул чакта түләү бер күләмдә бара, дип сөйләде «Прайм» агентлыгы белән әңгәмәдә Россия юристлары Ассоциациясе әгъзасы, адвокат Марина Астаева. Бу хакта РИА Новости хәбәр итә.

Пенза татар хатын-кызларының «Ак калфак» төбәк иҗтимагый оешмасы өлкәнең Пачелма районы Решетино авылы мәктәбе укучылары өчен калфак тегү буенча мастер-класс үткәрде.Бу хакта Бөтендөнья татар конгрессы матбугат хезмәте хәбәр итә.

Татарстанда өченче көн рәттән Covid-19 очракларының артуы күзәтелә. Кичә коронавирусның 79 очрагы ачыкланган, бүген – 84. Бу хакта стопкоронавирус.рф порталы мәгълүматлары раслый.

«Өйдә без татарча гына сөйләштек, җырладык, гел татар музыкасы яңгырап тора иде», - дип сөйләгән ул.

Йортларда яшәүчеләр идарәче компанияләр тарафыннан куелган өстәмә хезмәтләрдән баш тартырга хокуклы, дип сөйләде Г.В. Плеханов исемендәге Россия икътисад университетының дәүләт һәм муниципаль финанслар кафедрасы профессоры Юлия Финогенова. Бу хакта РИА Новости хәбәр итә.