Новости за 15.11.2022

Менделеевск районы җитәкчелеге һәм депутатлар мобилизацияләнгәннәрнең гаиләләре белән очраша. Алар бер атна дәвамында 150 гаиләдә булды. Бу турыда хакимияттә узган эшлекле киңәшмәдә район башлыгы Радмир Беляев сөйләде. Бу хакта «Менделеевск яңалыклары» сайтында хәбәр ителә.

Илһам Шакиров исемендәге республика премиясенә гаризалар бирү кампаниясе 2022 елның 25 ноябренә кадәр озайтылды. Бу турыда Татарстан Мәдәният министрлыгы хәбәр итте.

12 ноябрьдә Санкт-Петербургның татар мәдәни үзәгендә Санкт-Петербургта һәм Ленинград өлкәсендә яшәүче татарлар арасында шахмат турниры узды. Турнир үз заманының күренекле шахматчысы Рәшит Нәҗметдиновның тууына 110 ел тулуга багышланган иде. Бу турыда Бөтендөнья татар конгрессы хәбәр итте.

Федераль салым хезмәтенең Татарстан Республикасы буенча идарәсе башлыгы Марат Сафиуллин милек өчен салым түләргә белдерү кәгазе килмәгән очракта гамәлләр тәртибен аңлатты. Бу турыда ул республиканың Министрлар кабинетында узган брифингта сөйләде.

18 ноябрьдә 18:30 сәгатьтә Кәрим Тинчурин исемендәге Татар дәүләт драма һәм комедия театры, Татарстанның атказанган артисты Ренат Шәмсетдиновның 50 яшьлек юбилее уңаеннан, Туфан Миңнуллинның «Алай түгел, болай ул» бенефис-спектаклен тәкъдим итә.

Россия Хөкүмәте 2023 елга эшсезлек буенча пособие күләмен билгеләде. Бу турыда РИА Новости яза.

Чәршәмбе көнне, 16 ноябрьдә, Татарстан территориясендә болытлы, явым-төшемсез һава торышы көтелә. Төнлә генә урыны белән кар күп яварга мөмкин, дип хәбәр итә Татарстанның Гидрометеорология үзәге.

Татар биюен башкаручыларның «Шома бас» дип аталган төбәкара фестиваль-бәйгесе быел Россиянең 14 төбәгеннән 530дан артык катнашучыны берләштерде. Татарстан Республикасының Свердловск өлкәсендәге Даими вәкиллеге шул турыда хәбәр итә.

Казан дәүләт яшь тамашачылар театрының «Здесь был Кай» спектакле һәм Кариев исемендәге татар дәүләт яшь тамашачылар театрының «Камыр батыр» спектакле  «Арлекин» премиясе номинанты булды. Бу турыда «Татар-информ» хәбәрчесе Оксана Романова яза.

Бала туу һәм тәрбияләү өчен бирелә торган бердәм пособие билгеләүне турында законны Дәүләт Думасы икенче һәм өченче укылышта кабул итте. РИА Новости шул турыда яза.

Казанда иртәгә, 16 ноябрь көнне, «СССРда ислам һәм мөселманнар» бөтенроссия конференциясе узачак. Бу турыда оештыручылар хәбәр итте.

Бүген Тукай исемендәге Арча педагогия көллиятендә Татарстан студентлары арасында «Татар кызы» бәйгесе җиңүчесе билгеле булды.

Бөгелмә мэры Линар Закиров «Казан Экспо» һәм танк полигонында булып китте. Биредә Бөгелмә районыннан килгән ике йөздән артык ир-ат хәрби әзерлек уза. Бу хакта «Татар-информ»га район хакимиятендә хәбәр иттеләр.

Ульяновск шәһәренең «Губернаторский» мәдәният сараенда «Казан» бию ансамбле «Зәңгәр шәл» дип аталган вокал-хореографик шоу тәкъдим итә. 20 ноябрь көнне үтәчәк тамаша өлкә татар милли мәдәни автономиясенең 25 еллык юбилеена багышлана. Ульяновскиның «Өмет» газетасы шул турыда хәбәр итә.

Бүген Казанның Октябрь урамында өч машина бәрелешкән: Hyundai, Mazda һәм 14нче модельле «Лада». Бу хакта «Татар-информ»га шәһәр автоинспекциясендә хәбәр иттеләр.

Россиядә милли тәңгәллегенең нигезе - буыннар элемтәсен саклау, традицияләргә тугрылык һәм югары рухи-әхлакый кыйбла. Бу хакта Россия Президенты Владимир Путин әйткән. Кремльнең матбугат хезмәте шул хакта хәбәр итә.

Мобилизациялән кешеләрне транспорт салымыннан азат итәчәкләр, милек салымнарын түләүне кичектереп торачаклар

Киләсе өч елда хөкүмәт илнең транспорт тармагын финанслауга дүрт триллион сумнан артык акча юнәлтергә ниятли, дип белдерде премьер-министр Михаил Мишустин. Барлык өстен проектлар һәм чаралар моңа кадәр расланган транспорт стратегиясенә кергән. «Российская газета» шул турыда яза.

Татарстан алдында мөһим бурыч тора – фәнни-мәгариф комплексын принципиаль яңа дәрәҗәгә чыгару. Бу хакта Татарстан Президенты Рөстәм Миңнеханов Мәгариф һәм фән советының чираттагы утырышында белдерде. Анда Премьер-министр Алексей Песошин, республика министрлыклары һәм ведомстволары җитәкчеләре, ТР Фәннәр Академиясе вәкилләре, югары уку йортлары ректорлары катнашты. Татарстан Президентының матбугат хезмәте шул турыда хәбәр итә.

Мәчетне ике ел эчендә торгызырга уйлыйлар.

Югары уку йорты карары буенча специалитетны тәмамлаучыларга магистратурада уку вакыты бер елга кыскартылырга мөмкин. Бу турыда РИА Новости Россия Фән һәм югары белем бирү министрлыгы матбугат хезмәтенә сылтама белән хәбәр итте.

Көньяк Сахалин шәһәрендә яшәүче татарларның җирле милли-мәдәни автономиясе, «Бабалар мирасы: үткәннән киләчәккә» муниципаль грантын гамәлгә ашыру кысаларында, «Аулак өй» дигән борынгы татар бәйрәмен оештырды һәм үткәрде. Ул Көньяк Сахалинның 140 еллыгына багышланган иде. Бу хакта Бөтендөнья татар конгрессының матбугат хезмәте хәбәр итә.

Татарстанда 2023 елның 1 апреленнән бонд складларын кулланып товарларны сатып алу буенча эксперимент башланырга мөмкин. Бу хакта республика бизнес-омбудсменының матбугат хезмәте хәбәр итә.

Симферополь Җәмигъ мәчете 85 процентка төзелеп беткән. Бу хакта генераль подрядчының баш инженерына сылтама белән РИА Новости хәбәр итә.

1 декабрьдә Казаннан Ереванга авиарейслар ачылачак. Очышларны Россиянең Red Wings авиакомпаниясе башкара. Бу турыда Татарстан башкаласы аэропортының матбугат хезмәте хәбәр итә.