Новости за 14.06.2022

Казан шәһәре мәдәният идарәсе башлыгы Азат Абзалов быел Казан Сабан туе беренче мәртәбә ике көн дәвам итәчәген әйтте.

Концерт «Казан» гаилә үзәге янында 19:00 сәгатьтә башлана.

Татарстан Президенты Рөстәм Миңнеханов Россия фән һәм югары белем министры Валерий Фальков белән очрашты. Очрашу Мәскәүдә ведомство бинасында узды, дип хәбәр итә республика җитәкчесенең матбугат хезмәте.

Туган авылым» комплексына яшь киленнәрне җыеп, чигү чигәргә өйрәтәчәкләр.

Казанның Гладилов урамындагы 49нчы йортта янгын чыккан дигән хәбәр бүген 11.38 сәгатьтә 101нче янгын сагы номерына килде, дип сөйләделәр Россия Гадәттән тыш хәлләр министрлыгының ТР буенча Баш идарәсе матбугат хезмәтендә.

Татарстанда узган тәүлектә коронавирус белән авыруның 93 яңа очрагы ачыкланган, 28 кеше хастаханәгә салынган. РФ стопкоронавирус.рф сайты мәгълүматлары әнә шундый саннар китерә.

Мөфти Зиннәт хәзрәт Садыйков Төмән өлкәсенең Вагай районы Вагай авылында мәчет төзелеше башлануына старт бирде, дип хәбәр ителә Россия Мөфтиләр шурасы сайтында.

Казан Дары заводында бүген эшләнмәләрне сынау планлаштырылган, дип хәбәр итә Россия Гадәттән тыш хәлләр министрлыгының ТР буенча Баш идарәсе матбугат хезмәте.

Соңгы вакытта яшьләр арасында баш һәм муен яман шешләренең кайбер төрләре белән авыручылар саны арту күзәтелә. Нигездә, ир-атлар авырый, дип белдерде РИА Новостига Россия Сәламәтлек саклау министрлыгының Н.Н.Блохин исемендәге онкология фәнни-тикшеренү институтының баш һәм муен шешләре хирургия бүлеге мөдире, медицина фәннәре докторы, табиб-онколог Михаил Кропотов.

Кичә кич сәгать җиденчедә Чаллыдан Минзәләгә бара торган юлда авария булган. 

Җомга көнне, 17 июньдә, Казанда дүрт урында Сабан туена бүләк җыелачак. Бу хакта «Татар-информ» мәгълүмат агентлыгында матбугат очрашуында Казан һәм Татарстанның ресторатор һәм отельерлар ассоциациясе президенты Зөфәр Гаязов әйтте.

14 июньнән башлап Европа Берлегенең Россиягә каршы санкцияләренең чираттагы пакеты кысаларында өч банкны SWIFT халыкара түләү системасыннан чыгарачак. Алар - Сбербанк, Россельхозбанк һәм Мәскәү кредит банкы (МКБ), дип хәбәр итә РИА Новости.

Татар авылына гына хас булган «Ханым бугазы» дигән тәгамне пешерүче Шәрмин Сүзәр-Акташ беренче урынга лаек күрелде.

2022 елның дүрт аенда Татарстанда үлүчеләр саны 16 444 кеше тәшкил иткән. 2021 елның гыйнвар-апрель айлары белән чагыштырганда бу күрсәткеч 2,8 процентка кимегән.

Татарстан Гидрометеорология һәм әйләнә-тирә мохитне күзәтү идарәсе алдагы көннәргә һава торышы фаразын әзерләде. Шулай итеп, атна ахырында республикада яңгыр явачак һәм яшенле яңгырлар көтелә.

Җәмгыять рәисе Фәндәл Сәхипгәрәев тәбрикләү сүзләрен смартфон аша җиткерде.

Чирмешән районы Күтәмә авылында 9 яшьлек малай елгада батып үлгән. Аның мәетен авылдашлары судан чыгарган. Бу турыда кичә 23.05 сәгатьтә ашыгыч хезмәтләрне бердәм чакыру 112 номерына хәбәр иткәннәр.

16 июньдә Татар китабы йортында «Истәлек өчен» дип исемләнгән концерт-спектакль була. 

Төмән өлкәсенең «Яңарыш» сайтында «Онытылмаслык эзе калды» дигән язма чыкты. 

15 июнь көнне 15.00 сәгатьтә Г.Тукай әдәби музееның күргәзмәләр залында Татарстан Республикасының халык рәссамы Мөдәрис Минһаҗевның «Төсләрдә милли хисләр» дип аталган күргәзмәсе ачыла. 

Димитровград шәһәрендә ачык һавада Мәләкәс-Димитровград дип исемләнгән галерея ачылды. Бу турыда Ульяновск татарларының «Өмет» газетасы телеграмда хәбәр итте.

«Цифрлы белем бирү мохите» илкүләм проектын тормышка ашыру кысаларында Зәй политехника көллиятенә исәпләү техникасы, периферия һәм презентация җиһазлары, программа белән тәэмин итү җайланмалары тапшырылды.

ТР «Тәтеш урманчылыгы» Урюм кишәрлегендә Россиянең атказанган сәяхәтчесе Александр Советов җитәкчелегендәге экспедиция булып киткән. 

Кукмараның С.В. Михалков исемендәге балалар китапханәсе китапханәчесе Ләйсән Әхмәтова «Шәфкатьлелек» тернәкләндерү үзәгендә тәрбияләнүчеләр өчен Россия көненә багышланган «Без Россиядә яшибез» дип исемләнгән уен-викторина үткәрде.