Новости за 27.05.2022

Тантаналы чарадан һәм боз тамашасыннан соң, эстафета таякчыгын бәйрәм мәйданчыгы - Нефтехимиклар паркы кабул итте. Сәхнәдә беренчеләрдән булып шәһәрнең балалар коллективлары чыгыш ясады. Аннан соң «Түбән Кама нефтехим»ның иҗат коллективлары һәм чакырылган артистлар үзләренең талантларын күрсәттеләр.

Кытай Россия пассажир ташучыларының «Авиастар Ту» һәм iFly Boeing һәм Airbus самолетлары өчен һава киңлеген ябу турында игълан итте. РБК үз чыганакларына сылтама белән хәбәр иткәнчә, тыю «ИКАО/ИАТА таләпләренә туры килүдән туктаган» авиалайнерларга кагылган.

Шимбә көнне Татарстан территориясендә җылы һава торышы көтелә. Көндез һава температурасы 15-20 градуска кадәр җылыта. Әмма һава торышы болытлы булачак, көндез һәм кич яшен фаразлана.

Татарстан Президенты Рөстәм Миңнеханов республиканың кече нефть компанияләре җитәкчелеге белән киңәшмә үткәрде. Очрашуда катнашучылар 2022 елның беренче кварталындагы эш нәтиҗәләре турында фикер алышты һәм алга таба үсеш бурычларын билгеләде.

«Ул бастырган китаплар берничә дистә, шуңа күрә дә аның мирасы кыйммәтле», - диде хәзрәт.

Узган атнада, 13-20 майда, Татарстанда кайбер азык-төлек товарларының бәясе төшүе күзәтелде.

«Хезмәткәрләрнең кешегә яхшы мөнәсәбәте, бинаның җылы, якты булуы бик мөһим» – диде Милли китапханә хезмәткәре.

Россия төбәкләренә пенсияләрне, минималь хезмәт хакы күләмен һәм яшәү минимумын вакытында индексацияләү өчен кирәкле норматив актларны оператив рәвештә кабул итәргә кирәк. Бу хакта хезмәт базарындагы вазгыятькә багышланган ведомствоара киңәшмәдә РФ вице-премьеры Татьяна Голикова сөйләде.

Торак базары – Татарстан һәм Россия икътисады өчен кискен мәсьәлә. Рубль курсының кискен төшүе һәм төп ставканың артуы республикада фатирларны сату темпларының кимүенә китерде, һәм, май күрсәткечләре күрсәткәнчә, әлегә алар торгызылмаган.

Экспонатлар арасында Бакый Урманченың милкендә булган тәфсире, Финляндия татары Хәсән Хәмидулла ярдәме белән басылган Коръән бар.

Җырның үз «фишкасы» булмаса, баланы кызыксындырырга авыр, ди композитор.

Татарстан Премьер-министры Алексей Песошин «Тяжмаш» компанияләр төркеме президенты Сергей Трифонов белән очрашты. Очрашу Хөкүмәт Йортында узды.

Татарстан Президенты Рөстәм Миңнеханов «Татнефтехиминвест-холдинг» Директорлар советы утырышын уздырды. Киңәшмә барышында республика җитәкчесенә азот оксидлары калдыкларыннан чистарту өчен үзебезнең сәнәгать катализаторларын булдыру, сыекландырылган газны саклау өчен материаллар җитештерү һәм башка инициативаларны тәкъдим иттеләр.

Киләчәктә районнарга да чыгасыбыз килә, ди «ШАЯН ТВ»ның баш мөхәррире Рамилә Сәхабетдинова.

Татарстан Вице-премьеры Васил Шәйхразыев Якутия Дәүләт Җыены депутаты, «Ил Тумэн» парламент газетасы баш мөхәррире Мария Христофорова белән эшлекле очрашу үткәрде. Ул безнең республика һәм Якутиядә Татарстан көннәрен үткәрү турында сөйләде.

Татарстан Президенты Рөстәм Миңнеханов В.Д.Шашин исемендәге «Татнефть» ГАҖ Директорлар советы утырышын уздырды. Чара Татарстан Республикасы Хөкүмәте Йортында узды. Бу турыда ТР Президентының матбугат хезмәте хәбәр итә.

Төмәннең «Яңарыш» сайтында Вагай районы, Индәр авылыннан Тания Айбатованың «Мин тормышка гашыйк!» дигнә язмасы чыкты.

Быел белгечләр кыяклы ашлык культураларының уңышын рекордка якын күләмдә көтә, дип хәбәр итте Россиянең авыл хуҗалыгы министры Дмитрий Патрушев Бөтенроссия бөртекле культуралар форумында. РИА Новости шул турыда яза.

Төмән шәһәрендә өлкә мөселманнарының Диния нәзарәтенең Үзәк дини оешмасының VIII съезды булды. Делегатларның күпчелеге карары белән мөфти Зиннәт Садыйков әлеге вазифага кабат сайланды. Съезд шулай ук Россия мөселманнары Диния нәзарәте составында төбәк Үзәк дини оешмасының уставын кабул итү өчен тавыш бирде.

Татарстан Президенты Рөстәм Миңнеханов Россиянең халык артисты Александр Розенбаумга «Дуслык» ордены тапшырды. Ул музыка сәнгатен үстерүдә һәм нәтиҗәле иҗади эшчәнлегендәге хезмәтләре өчен билгеләп үтелгән.

Россия Дәүләт Думасында ЛДПР фракциясенең җитәкчесе Леонид Слуцкий партиянең рәисе итеп сайланды.

Бүген Казанда Татарстанның беренче Премьер-министры Мөхәммәт Сабировка истәлек тактасы ачтылар. Истәлекле билге Чехов урамындагы 53нче йорт фасадына урнаштырылды. Чарада Татарстанның Дәүләт Советы Рәисе Фәрит Мөхәммәтшин, беренче вице-премьер Рөстәм Нигъмәтуллин, дәүләт һәм җәмәгать эшлеклесе Мөхәммәт Сабировның балалары, оныклары һәм аларның балалары катнашты.

Туймазыдан күченеп киткән Разиф Германиянең Бурхгаузен шәһәрендә «Татар язы» бәйрәме оештырган. Бу турыда Бөтендөнья татар конгрессы хәбәр итә.

Бүген Башкортстан Республикасының Зилаир районында сабан бәйрәме узды. Ул Бәләкәй Юлдыбай авылы янында «Ситанбар» дигән урында оештырылды. Бу хакта социаль челтәрләрдә Зилаир районы администрациясе башлыгы Борис Мелкоедов хәбәр итте.

Тәүлек эчендә Татарстанда 139 кеше коронавирус йоктырган. Бу хакта «Татар-информ»да узган матбугат конференциясендә Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) Татарстан буенча идарәсе җитәкчесе урынбасары Любовь Авдонина сөйләде.