Новости за 23.12.2021

(Казан, 23 декабрь, «Татар-информ», Эльза Кузнецова). Балаларга файда китерә торган контент булдыру мөһим, әмма интернет мөмкинлекләре «көне-төне интернетта утырып» чын тормышны алмаштырырга тиеш түгел, ә бары тик аны тулыландырырга гына тиеш. Әлеге фикерне Россия Президенты Владимир Путин Мәскәүдә Манежда узган еллык матбугат конференциясендә әйтте. «Кешелек һәрвакыт үсештә, балалар һәрвакыт әти-әниләренә караганда яхшырак һәм акыллырак. Хәзер бит белем бирү уеннарга нигезләнгән. Әлбәттә, сез әйткән мөмкинлекләр кулланылырга тиеш»... Читать дальше...

(Казан, 23 декабрь, «Татар-информ», Гөлнар Гарифуллина). ТР муниципаль берәмлекләр советының XVI съезды утырышында билгеле булганча, Татарстан районнарында зур предприятиеләрнең филиаллары урнашырга мөмкин. Муниципаль берәмлекләр советы рәисе Әгъзам Гобәйдуллин соңгы съездларда зур предприятиеләрнең филиаллары, цехларын районнарда урнаштыру турында сүз барганын искәртте. Сәнәгать һәм сәүдә министрлыгы каршында эшче төркем эшләгәнен искәртте. «Без бу юнәлештә гамәли адымнар көтәбез. Бу сәнәгать предприятиеләрендә... Читать дальше...

(Казан, 23 декабрь, «Татар-информ», Дарья Сәйфиева). Россия Президенты Владимир Путин еллык матбугат конференциясендә төбәк башлыкларының эшен уңай бәяләде, авырлыкларга һәм коронавирус пандемиясенә дә карамастан булган проблемаларны хәл итүгә җаваплы карауларын әйтте. Туры трансляцияне «Россия 24» телеканалында күрсәттеләр.   «Теләсә нинди зур эштәге кебек үк нәрсәнедер төгәлрәк һәм тизрәк эшләргә мөмкин булгандыр, әмма тулаем алганда төбәк башлыклары үзләрен җаваплы тотты, катлаулы бурычлары алырга курыкмады», — диде дәүләт башлыгы. Читать дальше...

(Казан, 23 декабрь, «Татар-информ», Гөлүзә Ибраһимова). Татарстан Президенты Аппараты җитәкчесе Әсгать Сәфәров татар телендә чыга торган массакүләм мәгълүмат чаралары вәкилләренә рәхмәт хатларын тапшырды. «Журналистларга бик зур рәхмәт. Җанисәп, сайлау вакытында сез бик ярдәм итәсез. Проблемалар бар: хезмәт хакы, татар телле журналистлар аз булу. Хәзер үк чишеп булмаса да, без ул проблемаларны күз уңында тотабыз. Журналист профессиясе милиция хезмәткәре эшенә тиң. Кешеләр акча артыннан килми, дөньяны яхшыга үзгәртү өчен тырыша... Читать дальше...

(Казан, 23 декабрь, «Татар-информ», Алексей Угаров). «Бердәм Россия» партиясенең төбәк сәяси советы КФУ ректоры Илшат Гафуровның партия әгъзасы булуын туктатып торды. Аны Алабуга депутаты Айдар Исрафиловны заказлы үтерүне оештыруга катнашы бар дип шикләнәләр Карар бүген сәяси совет утырышында кабул ителде.  «Көн тәртибендәге күңелсез мәсьәлә, без аны карарга мәҗбүр, бик күңелсез мәгълүмат, бәлки ул расланмас. Җинаять кодексының ике маддәсе буенча җинаять эше кузгатылды. Безгә Гафуровның партия әгъзасы... Читать дальше...

(Казан, 23 декабрь, «Татар-информ», Гөлнар Гарифуллина). Татарстан Президенты Рөстәм Миңнеханов авыл хуҗалыгында катлаулы елларга әзер булырга кирәклеккә басым ясады. Ул ТР муниципаль берәмлекләр советы съездында быел авыл хуҗалыгы тармагы корылыктан зыян күргәнен, 2010 елга охшаш булганын искәртте. «2010 елгы сабак үз нәтиҗәләрен күрсәтте. Мелиоратив системалар кулланышы, дым саклый торган культуралар һәм алдынгы агротехнологияләр үсеше аграрийларга, 2010 елга караганда, 3,5 тапкыр күбрәк уңыш алырга мөмкинлек бирде. Читать дальше...

(Казан, 23 декабрь, «Татар-информ»). Россия Президенты Владимир Путин матбугат конференциясендә илдә халык һөнәрчелегенә өстәмә ярдәм итәргә вәгъдә бирде. «Безнең күпкырлы, күпмилләтле илебез өчен Россия халыкларының телләренә, үзенчәлекле мәдәниятләренә ярдәм итү бик мөһим», — дип җавап бирде Владимир Путин Марий Элдан килгән журналистның соравына.   Аның сүзләренчә, соңгы вакытта кайбер карарлар кабул ителгән, шул исәптән халык һөнәрләре белән шөгыльләнүчеләр һәм алга таба да шуның белән шөгыльләнергә... Читать дальше...

(Казан, 23 декабрь, «Татар-информ», Павел Климчак). Кулга алынган Казан университеты ректоры Илшат Гафуров үз гаебен танымаган. Бу хакта Мәскәү Иҗтимагый күзәтү комиссиясенә сылтама белән RT хәбәр итә. «Гаепне танымыйм», – дигән тоткарланган КФУ ректоры. Бу турыда комиссия әгъзаларының берсе әйткән. Хәзерге вакытта Илшат Гафуров вакытлыча тоту изоляторында, ул үзенә тарихи романнар бирүләрен сораган, китап укырга теләвен әйткән. Элегрәк «Татар-информ» КФУ ректоры Илшат Гафуровның тоткарлануы турында хәбәр иткән иде. Читать дальше...

(Казан, 23 декабрь, «Татар-информ», Эльза Кузнецова). Россия 2021 елда төзелештә рекордлы күрсәткечләргә иреште. Бу хакта елның төп матбугат конференциясендә Россия Президенты Владимир Путин белдерде. «Россия яңа тарихында беренче тапкыр мондый нәтиҗәгә ирешелде. 90 млн квадрат метр торак файдалануга тапшырылган. Төзелеш комплексының барлык хезмәткәрләрен шушы нәтиҗә белән котлыйсым килә. Җитәкчеләрне дә, төзелештә эшләүчеләрне дә», — диде спикер. Элегрәк «Татар-информ»  башкала Манежында Владимир... Читать дальше...

(Казан, 23 декабрь, «Татар-информ», Гөлнар Гарифуллина). Татарстан Президенты Рөстәм Миңнеханов Туган телләр һәм халыклар бердәмлеге елы булган 2021 елга йомгак ясады. «Нинди генә милләт кешесе булса да, телен өйрәнергә шартлар булырга тиеш», — дип ассызыклады ТР муниципаль берәмлекләр советының XVI съездында. Президент Татар телен саклау һәм үстерү мәсьәләләре буенча комиссия эшен җитәкләгән Марат Әхмәтовка рәхмәтен җиткерде. «Муниципалитетларда, өлкәләрдә дә үзгәрешләр бар», — диде. «Татар теле генә түгел... Читать дальше...

(Казан, 23 декабрь, «Татар-информ»).«ШАЯН ТВ» каналы «Балачак җыры» дип исемләнгән балалар җыры бәйгесе игълан итә. Бәйгенең максаты — татар телендә балалар өчен җырлар иҗат итүче шагыйрь һәм композиторларны барлау, шул җырларны таныту, дип хәбәр итә каналның матбугат хезмәте. Катнашу бушлай. «Балачак җыры» бәйгесе 2021 елның 20 декабреннән башлап, 2022 елның 1 июненә кадәр уздырылачак. Тулырак мәгълүматны shayantv.ru сайтында белеп булачак.

(Казан, 23 декабрь, «Татар-информ», Эльза Кузнецова). Төбәкләр юл челтәрен үстерүгә үз гаризаларын бирергә тиеш, диде ел саен үткәрелә торган матбугат конференциясендә Россия Президенты Владимир Путин. Күп балалы гаиләләргә җир бүлеп бирү һәм әлеге территорияләрне алга таба үстерү турындагы мәсьәләне Татарстан журналисты Кирилл Шлыков күтәрде. РФ Президенты аны мәсьәләне дөрес итеп куйган өчен мактады һәм Россия Федерациясендә инфраструктураны үстерүгә «зур акчалар» бүлеп бирелә, дип җавап бирде. Читать дальше...

(Казан, 23 декабрь, «Татар-информ»). Россиядә уйлап табылган «Спутник V» вакцинасы Сербия тарафыннан коронавирусның яңа штаммы - «омикрон»га каршы иң нәтиҗәле препарат дип табылды. Бу хакта Мәскәүдәге оператив штаб хәбәр итә. Галимнәр фикеренчә, бустер дозасын алганнан соң препаратның нәтиҗәлелеге 80 проценттан да артып китәргә мөмкин. РФ Президенты Владимир Путин Сербия лидеры Александр Вучич белән очрашуда коронавирус инфекциясенә каршы көрәштә Россия һәм Сербиянең уңышлы хезмәттәшлек итүен билгеләп үтте. Читать дальше...

(Казан, 23 декабрь, «Татар-информ», Гөлнар Гарифуллина). Бөтенроссия халык санын алуның якынча нәтиҗәләре Татарстан халкы артуын күрсәтә. Бу хакта Татарстан Президенты Рөстәм Миңнеханов ТР муниципаль берәмлекләр советының XVI съездында әйтте. «Җанисәпнең якынча нәтиҗәләре куандыра. Алар әлегә игълан ителмәсә дә, республика халкы саны артуын күрәбез. Бу, Татарстан башкалар өчен кызыклы төбәк булуын раслый, кемдер китсә дә, безгә килүчеләр дә аз түгел. Төгәл нәтиҗәләр вакыты җиткәч билгеле булыр», — диде ул. Читать дальше...

(Казан, 23 декабрь, «Татар-информ», Павел Климчак). КФУның Гыйльми советы РФ Хөкүмәте Рәисе Михаил Мишустин, Россия Фән һәм югары белем министры Валерий Фальков һәм Татарстан Президенты Рөстәм Миңнеханов исеменә КФУ ректоры Илшат Гафуровны тоткарлауга бәйле вазгыятьне объектив тикшерүдә ярдәм итү үтенече белән мөрәҗәгать язды. Тиешле документ югары уку йорты сайтында урнаштырылган. Совет билгеләп үткәнчә, Илшат Гафуров билгеләнгәннән бирле университетны барлык юнәлешләрдә дә үстерү өчен барлык шартларны да тудырган. Читать дальше...

(Казан, 23 декабрь, «Татар-информ»). Татарстан Президенты Рөстәм Миңнеханов «Модуль» ҖЧҖ хуҗасы һәм генераль директоры Александр Альтшуллер белән очрашты. Бу хакта республика җитәкчесенең матбугат хезмәте хәбәр итә. Компания бөтен дөнья буенча транспорт-экспедиторлык хезмәтләре белән шөгыльләнә. Яклар төрле йөкләрне ташу, саклау һәм транспортировкалау буенча партнерлык перспективалары турында фикер алышты. «Александр Альтшуллер компания һәм аның йөк ташу базарындагы перспективалары турында сөйләде. Читать дальше...

(Казан, 23 декабрь, «Татар-информ», Егор Никитин). Демография һәм инфраструктура бурычларын хәл итү, шулай ук хезмәт җитештерүчәнлеген арттыру илебез икътисады үсешенең төп драйверлары булып тора. Бу хакта ел саен үткәрелә торган зур матбугат конференциясендә Россия Президенты Владимир Путин сөйләде. Ул коронавирус пандемиясе нәтиҗәләренең берсе булып, россиялеләрнең гомер озынлыгы кимүен әйтте. Моннан дәүләт алдында торган төп бурычларның берсе — демографияне күтәрү килеп чыга. «Бу геосәяси күзлектән дә мөһим... Читать дальше...

(Казан, 23 декабрь, «Татар-информ», Арсений Кәримов). Быел россиялеләрнең хезмәт хакы реаль чагылышта үсә башлады һәм инфляцияне исәпкә алып, 4,1 процентка артты. Ел нәтиҗәләре буенча бу сан 2020 ел күрсәткеченә карата +3,5 процент тәшкил итәчәк, дип сөйләде журналистлар белән ел саен үткәрелә торган зур матбугат конференциясендә Россия Президенты Владимир Путин. «Уртача хезмәт хакы реаль чагылышта үсә башлады. Әгәр -2 процент булса, быел инфляция чыгымнарын исәпкә алып, 4,1 процентка үсеш көтелә. Читать дальше...

(Казан, 23 декабрь, «Татар-информ», Гөлназ ХӘбибуллина). Чаллыда «Кыскасы» дип исемләнгән кыска жанрда чәчмә әсәр язу буенча әдәби лабараториягә эшләрне кабул итү тәмамланды. Бу хакта лабораторияне оештыручы URBANTATAR берләшмәсе хәбәр итә.  «Кыскасы» әдәби лабораториясе — яшь язучылар өчен интенсив. Проектның максаты — татар прозаикларын татар телендә чәчмә әсәрләр язуга өндәү, шулай ук милли прозаны үстерү. Әдәби лаборатория Аксубай сәнгать мәктәбе белән берлектә Туган телләр һәм халык бердәмлеге елы максатчан гранты кысаларында уздырыла. Читать дальше...

(Казан, 23 декабрь, «Татар-информ», Рифат Каюмов). Казанның «Миргазиян» мәчете имам-хатыйбы Габдрәүф Зәбиров «Госманлы дәүләте: тарихы, институтлары һәм күренекле шәхесләре» дигән китап язган. Автор үзенең иҗат җимешен бүген «Татар-информ» агентлыгында узган матбугат конференциясендә җәмәгатьчелеккә тәкъдим итте. Габдрәүф Зәбировның моңарчы да китап язу тәҗрибәсе булган. Госманлы дәүләте тарихына багышланган басма — аның җитәкчелегендә иҗат ителгән сигезенче китап. «2005 елны без Төркиянең төрле шәһәрләренә сәфәр кылып... Читать дальше...

(Казан, 23 декабрь, «Татар-информ», Егор Никитин). Россия икътисады дөньядагы башка илләргә караганда пандемиягә яхшырак әзерләнүен һәм үзенең тотрыклы булуын күрсәтте. Журналистлар катнашындагы еллык матбугат конференциясендә РФ Президенты Владимир Путин шулай дип белдерде. «Безнең икътисад дөньяның күп кенә зур үсеш алган икътисадларына караганда пандемия китергән кыенлыкларга яхшырак әзерләнүен күрсәтте. Бездә җитештерүнең кимүе 3 процент тәшкил итте, бу дөньяның күп кенә илләренә караганда азрак. Читать дальше...

(Казан, 23 декабрь, «Татар-информ», Арсений Кәримов). Татарстан 2024 елда үз территориясендә дзюдо буенча дөнья чемпионаты үткәрү инициативасы белән чыкты. Бу хакта ТР спорт министры Владимир Леонов хәбәр итте. «Без 2024 елда дзюдо буенча дөнья чемпионаты үткәрүгә заявка бирергә телибез. Дзюдо – илебез өчен титуллы спорт төре. Дөнья чемпионаты исә – зур әһәмияткә ия вакыйга һәм абруйлы турнир. Әгәр безгә бу хокукны бирәләр икән, моны югары дәрәҗәдә башкарып чыгачакбыз», - дип искәртте министр. Ул билгеләп үткәнчә... Читать дальше...

(Казан, 23 декабрь, «Татар-информ», Энҗе Габдуллина). 2-6 гыйнварда беренче тапкыр «Сәләт-Яр Чаллы» аланының кышкы сменасы узачак. Лаеш районында урнашкан «Йолдызлы» балалар сәламәтләндерү үзәге «Сәләт-Яр Чаллы» аланының кышкы сменасына 6-11 сыйныф балалары эләгә ала. Дүрт көнлек сменаның юнәлеше — сәхнә иҗаты. «Смена Казан театр училищесе белән берлектә узачак. Сәхнә хәрәкәте, вокал, хореография, ораторлык осталыгы буенча дәресләр һәм мастер-класслар үткәрү көтелә. Бөтен смена буена Яңа ел атмосферасы хөкем сөрәчәк. Читать дальше...

(Казан, 23 декабрь, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 99 яңа очрагы ачыкланган. ТР Сәламәтлек саклау министрлыгының матбугат хезмәтеннән хәбәр итүләренчә, өч кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. «51 кеше хастаханәгә озатылган, 48 кеше өендә дәвалана», — диелә ведомство хәбәрендә. Казанда — 48, Яшел Үзән районында — 11, Чаллыда — җиде, Биектау районында — алты, Түбән Кама районында ... Читать дальше...

(Казан, 23 декабрь, «Татар-информ», Гөлнар Гарифуллина). Татарстан Президенты Рөстәм Миңнеханов район-шәһәрләрдә 60 яшьтән өлкәннәрне вакцинацияләү сүлпән баруын әйтте. «Барлык хакимият органнарының төп бурычы — авырулар санын киметү һәм җәмгыятьне нормаль тормыш шартларына кайтару. 60 яшьтән узганнарны вакцинацияләү эшен җиренә җиткереп башкармыйсыз. Хәзер көненә 5-6 кешене югалтабыз, ә 10-12 кешене югалткан көннәр булды бит», — диде Президент ТР муниципаль берәмлекләр советы съездында. Ул коронавирустан... Читать дальше...