Новости за 27.08.2021

(Арча районы, 27 август, «Татар-информ», Гадел Әхмәтҗанов). Арчада узган Әдәби Сабан туенда Әлмәт шәһәреннән Сиринә Мифтахова беренче урын алды. «Мин җиңәргә тиеш идем. Чөнки ныклап әзерләндем, бүгенге көнне күптән көттем. Әдәби марафонга шигыремне соңгы көндә генә җибәргән идем. Бәйгегә үтүче 24 кеше арасына кердем. Бик бәхетлемен», — дип уртаклашты җиңүче «Татар-информ» хәбәрчесе белән. Икенче урынны тумышы белән Кама тамагыннан булган Нурсәнә Хөсәенова, өченчене — Балык Бистәсе районыннан Зәлинә исемле катнашучы алды. Читать дальше...

(Казан, 27 август, «Татар-информ»). Татарстанның элеккеге матбугат министры Шамил Хамматов «Татарстан Автономияле Совет Социалистик Республикасы оешуга 100 ел»  медале белән бүләкләнде. Аңа бүген 75 яшь тулды. Татарстанның социаль-икътисади потенциалын ныгытуга сизелерлек өлеш керткәне һәм күпьеллык нәтиҗәле хезмәте өчен Шамил Хамматовны әлеге медаль белән бүләкләү турындагы указны ТР Президенты Рөстәм Миңнеханов имзалаган. Медальне юбилярга «Татмедиа» Республика матбугат һәм массакүләм коммуникацияләр... Читать дальше...

(Казан, 27 август, «Татар-информ»). «Бердәм Россия» партиясе 24 августта узган Съездда кабул ителгән халык программасын бастырып чыгарды. Партиянең матбугат хезмәте хәбәр иткәнчә, халык программасы «Кешеләр иминлеге» һәм «Көчле Россия» бүлекләреннән тора. Аларның һәрберсенә Россиядә яшәүче һәр кеше тормышының бөтен өлкәсен дә колачлый торган темалар кергән. «Кешеләр иминлеге» бүлегендә «Яхшы эш — өйдәге муллык», «Ныклы гаилә», «Кеше сәламәтлеге», «Мохтаҗларны кайгырту», «Заманча мәгариф һәм алдынгы фән»... Читать дальше...

(Казан, 27 август, «Татар-информ»). Россиянең аерым бер гражданнарының ай саен социаль түләү алырга хокукы бар. «Российская газета» сайтында Пенсия фондына сылтама белән хәбәр ителгәнчә, мондый түләүләргә Бөек Ватан сугышы һәм башка хәрби бәрелешләрдә катнашучы ветераннар, физик мөмкинлеге чикле гражданнар, шул исәптән инвалид балалар, фашизм концлагерьларының балигъ булмаган тоткыннары, радиация тәэсиреннән зыян күрүчеләр исәп тота ала. Тулы исемлек белән Россия Пенсия фонды сайтында танышырга мөмкин. Читать дальше...

(Казан, 27 август, «Татар-информ»). Татарстан башкаласында «Төнге Казан» узышы вакытында кайбер урамнарда транспорт хәрәкәте чикләнәчәк. Тиешле документ шәһәр Башкарма комитетында имзаланды. Казан мэриясе.хәбәр иткәнчә, «Төнге Казан» катнашучылары Кремль, Игенчеләр сарае, «Казан» гаилә үзәге һәм ике күзәтү тәгәрмәче яныннан узачак. Чара «Урам» экстрим-паркы янындагы спорт программасыннан 17:00 сәгатьтә башлана. 5 чакрымга старт 22:45 сәгатьтә, 10 чакрымга төн уртасында булачак. Хәрәкәт 29 августка... Читать дальше...

(Казан, 27 август, «Татар-информ»). Мәҗит Гафури исемендәге Башкорт академия драма театры үзенең 102 нче яңа сезонына Зифа Кадыйрова әсәре буенча спектакль куярга җыена. Театрның баш режиссеры Айрат Абушахманов әйтүенчә, җәйге ялларга китәр алдыннан ук алар Зифа Кадыйрованың бер әсәрен укый башлаган булганнар. Тагын берничә әсәр белән танышып, арадан берсен сайлап алырга планлаштыралар. Бу турыда «Башинформ» хәбәр итте. «Танылган башкорт прозаигы Таңчулпан Гарипова романы буенча инсценировка эше дә дәвам итә», — ди режиссер.

(Казан, 27 август, «Татар-информ»). 28 августта мобиль вакцинация һәм этләрне стерилизацияләү пункты Киров районының Залесный бистәсенә киләчәк. Казан мэриясе хәбәр иткәнчә, теләгән һәркем үз хайваннарын ветеринарларга карау өчен алып килә ала. Мобиль пунктта ветеринария табиблары тулы бер хезмәт күрсәтә: шәһәр халкы үз этләрен стерилизацияләп һәм төрле инфекцияләрдән вакцинацияләп кенә калмыйча, ветеринария паспорты да ала ала. Хуҗаның теләге буенча хайванга чиплау үткәрәчәкләр яки колакка бирка эләчәкләр. Читать дальше...

(Казан, 27 август, «Татар-информ», Эвелина Киселева). Татарстанда кафе һәм рестораннарның төнлә эшләве өчен рөхсәт бирүне яңарту әлегә планлаштырылмый. «Татар-информ» мәгълүмат агетлыгында узган матбугат конференциясендә Татарстан Республикасы Роспотребнадзор идарәсе җитәкчесе урынбасары Любовь Авдонина әнә шул хакта җиткерде. Алдан хәбәр ителгәнчә, Татарстан Республикасы Хөкүмәте карарына керетелгән кайсыбер үзгәрешләрдән соң, кафе һәм рестораннарга кичке унбердән иртәнге алтыга кадәр эшләү өчен рөхсәт бирелгән иде. Читать дальше...

(Казан, 27 август, «Татар-информ»). Россия Федерациясенең Оборона министры Сергей Шойгу һәм Татарстан Республикасы Президенты Рөстәм Миңнеханов Россия Казанда Оборона министрлыгы госпиталенең нигезенә беренче ташны салу тантанасында катнашты. Татарстан Президентының матбугат хезмәте хәбәр иткәнчә, югары технологияле медицина учреждениесе Казанның Оренбург трактында — олылар һәм балалар республика клиник хастаханәләре белән рәттән урнашачак. «Госпиталь 150 урынга исәпләп төзелә», — диелә әлеге хәбәрдә.

(Казан, 27 август, «Татар-информ», Гөлүзә Ибраһимова). «Туган авылым» комплексында «Татар кызы» бәйгесендә катнашучылар өчен аш-су пешерү буенча осталык дәресе булды. Бәйгедә катнашучы 32 кыз камыр басып токмач кисте. Жюри әгъзалары башта камыр җәймәсен карады, аның формасы, нечкәлегенә бәя бирде. Аннан соң кызларның эш урыны һәм эш коралларының чисталыгын тикшерделәр. Соңыннан киселгән токмачларга бәя бирелде. Жюрида «Ак калфак» Бөтендөнья татар хатын-кызлары иҗтимагый оешмасы рәисе Кадрия Идрисова... Читать дальше...

(Казан, 27 август, «Татар-информ», Зилә Мөбәрәкшина). Кәрим Тинчурин театрының баш дирижеры Ильяс Камал композитор Рөстәм Яхинның иҗади мирасына игътибар җитеп бетми дип саный. «Яхин онытылганнардан түгел. Халыкка җиткерелмәгән әсәрләре дә күп. Мәсәлән, скрипка һәм виолончель өчен язылган әсәрләре, фортепиано өчен язылганнары башкарылмый диярлек», — диде ул «Татар-информ» хәбәрчесенә Татарстан Милли музее бинасы ишегалдында «Яхшы музыка» фестивалендә. Концерт татар классик композиторы, пианист һәм педагог... Читать дальше...

(Казан, 27 август, «Татар-информ»). 28-30 августта Казанда Бөтендөнья татар яшьләре форумы шурасының киңәйтелгән утырышы узачак. Утырышта Бөтендөнья татар яшьләре форумы Шурасы әгъзалары — Россиянең 25 төбәгеннән һәм Татарстаннан 70 делегат, шулай ук Америка, Бөекбритания, Германия, Казахстан һәм Төркиядән яшьләр оешмалары җитәкчеләре катнаша. Бөтендөнья татар конгрессы матбугат хезмәте хәбәр иткәнчә, төп чара — Форумның киңәйтелгән утырышы 29 августта IT-паркта оештырыла. Утырыш барышында Татарстанда... Читать дальше...

(Казан, 27 август, «Татар-информ»). Россиянең Федерация Советы педагогларның хезмәт хакларын исәпләү тәртипләрен камилләштерүдә үз тәкъдимнәрен әзерләү өчен эшче төркемгә вәкилләр юллады. «Укытучыларга түләнә торган хезмәт хакы педагогның квалификация дәрәҗәсенә, укыту сәгатьләренә тәңгәл килсен, гадел булсын өчен, хакимият яңа проект эшли. Федерация Советы әлеге эшче төркемдә катнаша», – диде Югары палата спикеры Валентина Матвиенко Санкт-Петербург халкы белән очрашу вакытында. Федерация Советы... Читать дальше...

(Казан, 27 август, «Татар-информ», Зилә Мөбәрәкшина). Татарстанның Дәүләт гимны авторы, СССРның халык артисты Рөстәм Яхинның кулъязма ноталары Милли музейда күргәзмәгә куелды. Киң җәмәгатьчелеккә ул беренче тапкыр тәкъдим ителде. Композиторның 1972 елда иҗат ителгән «КамАЗ» увертюрасы кулъязмасын Салих Сәйдәшев музее директоры Эльвира Низаметдинова тапшырган. Ул шулай ук композиторның үзе исән вакытта чыккан китапларын да биргән. «Бу мирас әтием — Шамил Низаметдинов китапханәсендә иде», — диде «Татар-информ» хәбәрчесенә Эльвира ханым. Читать дальше...

(Казан, 27 август). Бүген Татарстан Республикасы Президенты Рөстәм Миңнеханов Федераль юл агентлыгы җитәкчесе Роман Новиков белән очрашты. Очрашуда Татарстан территориясендә кайбер юл проектларын гамәлгә ашыру мәсьәләләре, шул исәптән Түбән Кама һәм Чаллы шәһәрләрен әйләнеп узучы М-7 «Волга» тиз йөрешле автомобиль юлы һәм «Казан – Екатеринбург» трассасы төзелеше, шулай ук «Казан» халыкара аэропортына юлны реконструкцияләү мәсьәләләре турында фикер алыштылар. Бу хакта ТР Президенты матбугат хезмәте хәбәр итә. Читать дальше...

(Арча районы, 27 август, «Татар-информ», Гадел Әхмәтҗанов). Арча районы башлыгы Илшат Нуриев Әдәби Сабан туеның телне саклауда зур әһәмияткә ия булуын билгеләп үтте. «Әдәби марафон, Әдәби Сабан туе кебек чаралар туган телебезне саклауда, аны камилләштерүдә рухыбызны ныгытып, сәламәт яшәү рәвешен киң җәмәгатьчелеккә танытуда бик зур өлеш кертә. Әлеге марафоннарда өлкәннәр генә түгел, балаларның да катнашуы аеруча сөенечле», — диде ул Әдәби Сабан туе ачылышында. Бәйрәм #Әдәбимарафон һәм #Авылымгүзәллеге... Читать дальше...

(Казан, 27 август, «Татар-информ»). Татарстанда соңгы тәүлектә 50 кеше Covid-19 коронавирус инфекциясе йоктырган. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның ТР буенча идарәсе җитәкчесе урынбасары Любовь Авдонина сөйләде. Пандемия башланганнан алып республикада коронавирус инфекциясенең 25 267 очрагы теркәлгән. ТР сәламәтлек саклау министры урынбасары Владимир Жаворонков белдергәнчә, тәүлек эчендә коронавирустан 42 татарстанлы дәваланган. Пандемия башланганнан бирле 22,2 мең кеше дәваланган.

(Казан, 27 август, «Татар-информ», Полина Шевчук). Казанда трамвай һәм «ГАЗель» машинасы катнашында килеп чыккан юл һәлакәтеннән соң, шәһәр прокуратурасы хәрәкәт иминлеге һәм җәмәгать транспортында пассажирлар йөртү куркынычсызлыгын тәэмин итү өлкәсенә кагылышлы кануннарның үтәлешен тикшерәчәк. Бу хакта Татарстан Республикасы прокурорының өлкән ярдәмчесе Руслан Галиев хәбәр итә. «Канун бозулар ачыкланган очракта, прокуратура тарафыннан тиешле чаралар күреләчәк», – дип белдерде ул. Алдарак «Татар-информ»... Читать дальше...

(Казан, 27 август, «Татар-информ»). Россия Оборона министры Сергей Шойгу Казанга килде. Сергей Шойгу Горбунов исемендәге Казан авиация заводында Татарстан Республикасы Президенты Рөстәм Миңнеханов белән очрашты. Бу хакта ТР Президенты матбугат хезмәте җитәкчесе Лилия Галимова хәбәр итте. Татарстан башкаласында министр берничә объектта булыр дип планлаштырыла.

(Казан, 27 август, «Татар-информ», Лилия Шәйхетдинова). «Казан гастрольләре» проекты Татарстанның барлык территориясендә гамәлгә куелачак. «Татарстанда яшәүче һәркем республикабызның әйдәп баручы театрлары куйган тамашаларны якындагы мәдәни-ял итү учреждениеләрендә карый алачак», – дип хәбәр итте «Татар-информ» мәгълүмат агентлыгына Татарстан Республикасы мәдәният министрының беренче урынбасары Юлия Әдһәмова.  Исегезгә төшерәбез, әлеге проект быелның февраль аенда Казанда башланып киткән иде. Шушы... Читать дальше...

(Казан, 27 август, «Татар-информ»). 2021 елның сентябрь аенда Свердловски өлкәсендә Татар мәдәнияте көннәре узачак. Бөтендөнья татар конгрессы матбугат хезмәте хәбәр итүенчә, Татар мәдәнияте көннәренең ачылу тантанасы 3 сентябрьдә Екатеринбургта Свердловск Дәүләт халык иҗаты сараенда узачак. Чара 19:00 сәгатьтә башлана. Ачылу тантанасында татар эстрадасы йолдызлары катнашачак. Шулай ук әлеге программа 4 сентябрьдә Красноуфимскида, 5 сентябрьдә Михайловскида, 6 сентябрьдә Азигулда, 7 сентябрьдә Натальинскида да халыкны сөендерәчәк. Читать дальше...

(Казан, 27 август, «Татар-информ»). Мәскәүдә Александр бакчасында Билгесез солдат каберенә һәм «Герой шәһәр Сталинград» истәлек тамгасына чәчәкләр салу тантанасы узды. Чара Сталинградта һәлак булганнар истәлегенә багышланган. Бу хакта Татарстанның Россиядәге Тулы вәкаләтле вәкиллеге матбугат хезмәте хәбәр итә. 79 ел бу көнне немец фашистлары бомбардировщиклары Сталинградны җимерә. Ике йөзгә якын шәһәр халкы һәм качаклар харәбәләр астында күмелеп кала. Бу тантана һәр елны уздырыла. Аның инициаторы һәм оештыручысы ... Читать дальше...

(Казан, 27 август, «Татар-информ»). Россиядә минималь хезмәт хакы күләме төшенчәсен гамәлдән чыгарырга тәкъдим иттеләр. Әлеге тәкъдимне Дәүләт Думасының Икътисадый сәясәт, сәнәгать, инновацион үсеш һәм эшкуарлык комитеты рәисенең беренче урынбасары Николай Арефьев җиткерде, дип яза РИА Новости. «Минималь хезмәт хакы төшенчәсеннән китәргә кирәк. Бу беркайда да юк», — дип аңлатты парламентарий. Аның фикеренчә, теләсә нинди шартларда хезмәт өчен түләү яшәү минимумы күләмендә яки яшәү минимумыннан югарырак булырга тиеш. Читать дальше...

(Казан, 27 август, «Татар-информ»). Уфаның «Ватан» паркында «Яшь профессионаллар» (WorldSkills Russia) IX Милли чемпионаты финалын ачу тантанасы булды. Татарстаннан 164 яшь профессионал чыгыш ясаячак. 93 кеше — олылар категориясендә, 71е-юниорлар категориясендә. Чемпионат өч көн дәвам итәчәк, татарстанлылар 127 компетенциядә җиңү өчен көрәшәчәк. Җиңүчеләрнең исемнәре 29 августта игълан ителәчәк.

(Казан, 27 август, «Татар-информ»). Россиядә Доминикана, Чехия һәм Көньяк Корея белән авиаэлемтә яңадан гамәлдә булачак. Бу хакта РИА Новости хәбәр итә. Әлеге илләр белән авиаэлемтә COVID-19 аркасында туктатылган иде. Моннан тыш, Венгриягә, Мисырга, Кипрга, Кыргызстанга һәм Таҗикстанга даими очышлар саны артачак.