Новости за 10.08.2021

(Казан, 10 август, «Татар-информ»). Татарстанның Баулы районында көньяк рус тарантулы табылган, аны «дала үрмәкүче» дип тә атыйлар. Татарстанның Биологик ресурслар буенча Дәүләт комитеты матбугат хезмәте хәбәр иткәнчә, ул үрмәкүч-бүреләр гаиләсенә керә, һәм Татарстанның Кызыл китабында теркәлгән. Ул бик сирәк очрый. Көньяк рус тарантулы гадәттә ярымчүл, дала һәм урман-дала зоналарында очрый. Республика территориясендә ул Чистай, Түбән Кама, Әлмәт, Яшел Үзән, Югары Ослан һәм Буа районнарында яшәргә... Читать дальше...

(Казан, 10 август, «Татар-информ», Рифат Каюмов). Казанда 4-11 сентябрьдә узачак БДБ илләре уеннарына билетлар 12 августта сатуга чыгачак. «Трибуналар белән җиһазландырылган объектларга билетлар сатуны оештырачакбыз. Аларны бердәм бәядән — 300 сумнан сату планлаштырылган», — диде Татарстанның спорт министры Владимир Леонов республиканың Хөкүмәт йортында узган брифингта. Министр сүзләренчә, билетлар Гимнастика үзәгенә, Бокс һәм өстәл теннисы үзәгенә, КАИ — ОЛИМП спорткомплексына, «Мирас» һәм «Тулпар» стадионнарына... Читать дальше...

(Казан, 10 август, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 49 яңа очрагы ачыкланган. ТР Сәламәтлек саклау министрлыгының матбугат хезмәтеннән хәбәр итүләренчә, ике кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. «20 кеше хастаханәгә озатылган, 29 кеше өендә дәвалана», — диелә ведомство хәбәрендә. Казанда — 20, Чаллыда — җиде, Әлмәт, Түбән Кама һәм Тукай районнарында — өчәр, Зәй һәм Лениногорск районнарында ... Читать дальше...

(Казан, 10 август, «Татар-информ», Рифат Каюмов). 4-11 сентябрьдә Казанда беренче БДБ илләре уеннары узачак. Биредә ун илдән 1,5 мең спортчы катнашыр дип көтелә. «БДБ илләре уеннары беренче мәртәбә былтыр уздырылырга тиеш иде. Пандемия аркасында ул ике мәртәбә кичектерелде. Мин уеннарның бу юлы төгәл булачагын ышандыра алам. Аларны уздыру карары БДБ илләре хөкүмәтләре тарафыннан расланды», — диде Татарстанның спорт министры Владимир Леонов республиканың Хөкүмәт йортында узган брифингта. Министр сүзләренчә... Читать дальше...

(Казан, 10 август, «Татар-информ»). Курган өлкәсе Татар мәдәнияте үзәгендә балалар өчен «Татар хатын-кыз күкрәкчәсе – изү» дип аталган мастер-класс узган. Бөтендөнья татар конгрессының матбугат хезмәте хәбәр иткәнчә, эш вакытында фетр, ялтыравык пластинкалар һәм сәйлән кулланылган. Мастер-класс башланыр алдыннан Алена Ковригина балаларга хатын-кыз киеменең әлеге элементы хакында сөйләгән. Очрашу традицион чәй мәҗлесе белән төгәлләнгән. Балалар Зәкия Боровикова әзерләгән тәмле камыр ризыклары белән сыйланган, диелә хәбәрдә.

(Казан, 10 август, «Татар-информ»). Агымдагы атнада табиблар Башкортстанда миллионынчы кешегә коронавируска каршы миллионынчы укол ясаган. Бу хакта « Башинформ » агентлыгы республика сәламәтлек саклау министры Максим Забелинга сылтама белән хәбәр итә. «Республиканың барлык шәһәр-районнарында оештырылган прививка пунктларына килүче кешеләр саны көннән-көн арта. Вакцинациянең ике этабын да узучылар 800 меңгә якынлашып килә. Бу атнада табиблар безнең республика кешесенә миллионынчы укол ясады», — дип искәртте профиль ведомство башлыгы. Читать дальше...

(Казан, 10 август, «Татар-информ», Полина Шевчук). Фаҗига кичә иртән Актаныш районының Чишмә авылында булган. Россия Тикшерү комитетының ТР буенча идарәсе җитәкчесенең өлкән ярдәмчесе Андрей Шептицкий «Татар-информ» агентлыгына хәбәр иткәнчә, фермада төзелеш эшләре алып барган вакытта 50 яшьлек участок мастеры һәлак булган. Ачыкланганча, ул ферманың нигезе өчен казылган канауга төшеп, анда эшчеләргә тиешле күрсәтмәләр биргән. Шуннан соң өскә күтәрелгән вакытта ычкынып китеп, бетон түшәлгән канауга егылып төшкән. Читать дальше...

(Казан, 10 август, «Татар-информ»). Россия Президенты Владимир Путин РФ субъектлары башлыкларына коронавирус инфекциясенә каршы прививка кампаниясенең барышы турында хәбәр итәргә кушты. Шул хактагы йөкләмә Кремльнең рәсми сайтында урнаштырылган. Документ нигезендә, төбәк башлыклары мондый мәгълүматларны ай саен тәкъдим итәчәк. «Халыкка вакцинация мәсьәләләре буенча мәгълүмат бирүне дә кертеп, РФ субъектлары территорияләрендә яңа коронавирус инфекциясенә (Covid-19) каршы вакцинация буенча чараларны... Читать дальше...

(Казан, 10 август, «Татар-информ»). 10 августта Уфада фехтование буенча РСФСР һәм СССРның атказанган тренеры Рамил Әюповның йөрәге тибүдән туктаган. «Башинформ» агентлыгы хәбәр иткәнчә, үзенең хезмәт эшчәнлеге дәверендә ул Олимпия уеннары призерлары һәм чемпионнар тәрбияләгән, алар арасында Реналь Ганиев һәм Артур Әхмәтхуҗинны атап үтәргә мөмкин. Рамил Исмәгыйль улы Әюпов тренерлык эшчәнлеген 1974 елда башлаган, күп еллар ир-ат рапирасы буенча Башкортстан Республикасының өлкән тренеры булган. Аның... Читать дальше...

(Казан, 10 август, «Татар-информ»). Мәдәни инициативалар Президент фонды грантына гаризалар кабул итү кампаниясе башланганнан алып мәгълүмати системада 38 меңнән артык проект авторы теркәлгән, 83 төбәктән 12 460 заявка тапшырылган. Бу хакта фондның матбугат хезмәте хәбәр итә. Быелның иң актив биш төбәгенә Мәскәү, Краснодар крае, Санкт-Петербург, Татарстан Республикасы һәм Белгород өлкәсе кергән. Шуннан соң Мәскәү өлкәсе, Башкортстан Республикасы, Свердловск өлкәсе, Самара өлкәсе, Волгоград өлкәсе... Читать дальше...

(Казан, 10 август, «Татар-информ»). 2021 елның беренче алты аенда Татарстанда 25 меңнән артык кеше вафат булган, бу узган елның шул чоры белән чагыштырганда 9,2 процентка күбрәк. 2019 ел белән чагыштырганда әлеге күрсәткеч 18,3 процентка арткан, дип хәбәр итә Росстат. Ведомство мәгълүматлары буенча, июнь аенда коронавирус инфекциясеннән 419 кеше якты дөнья белән хушлашкан, шуларның 388е өчен вирус үлемгә китергән төп сәбәп булган. Шул ук вакытта, республикада туучылар саны 2,9 процентка кимегән. Читать дальше...

(Казан, 10 август, «Татар-информ», Полина Шевчук). Фаҗига кичә кичке бишләр тирәсендә республиканың Тукай районы «Весна-1» бакчачылык ширкәтендә булган. Бу хакта «Татар-информ»га агентлыкның үз хәбәрчесе фаҗига булган урыннан хәбәр итте. Ачыкланганча, 60 яшьлек ир-ат үзенең Lifan автомобилен йорты янына туктатып, багажнигын ачкан һәм азык-төлек бушата башлаган. «Машина йөртүче автомобилен кул тормозына куймаган, шуның аркасында кабызылмаган транспорт чарасы артка таба хәрәкәт итә башлаган һәм машина артында торган ир-ат өстенә килеп менгән»... Читать дальше...

(Казан, 10 август, «Татар-информ»). «Салават күпере» торак комплексында уку елы башына 1 224 урынлык яңа заманча 188нче номерлы «Бионик» лицее ачылачак. Бу микрорайонда быел төзелгән икенче яңа мәктәп булачак. Татарстан Республикасы Мәгариф һәм фән министрлыгының матбугат хезмәте хәбәр итүенчә,1 сентябрь көнне шулай ук 189 номерлы «Заман» гимназиясе тулы көченә эшли башлаячак, анда ел башыннан 1-4 сыйныфларда 300гә якын укучы белем алган. Микрорайонда яшәүчеләр өчен яңа уку йортларын ачу - озак көтелгән вакыйга.

(Казан, 10 август, «Татар-информ»). Алдагы сәгатьләрдә Татарстан территориясендә яшен һәм көчле җил көтелә. Татарстанның Гидрометеорология үзәге хәбәр иткәнчә, яшен вакытында җилнең тизлеге секундына 15-20 метрга җитәргә мөмкин. Көндез республикада - 28-33, төнлә - 11-16 градуска кадәр җылы була.

(Казан, 10 август, «Татар-информ»). Иртәгә, 11нче августта Горький исемендәге мәдәният һәм ял паркында шәһәрлеләргә һәм Татарстан башкаласы кунакларына Идел буе халыкларының гореф-гадәтләренә һәм хикәяләренә нигезләнгән «Агачлар нәрсә турында җырлый» дигән уникаль спектакль тәкъдим итәчәкләр. Казан мэриясе матбугат хезмәте хәбәр итүенчә, спектакль үз эченә 4 әкиятне – удмурт, чуаш, мордва һәм мари әкиятләрен берләштерәчәк. Спектакль быел Казанда узачак Туган телләр һәм халыклар бердәмлеге елына багышланган 100 чараның берсе булачак. Читать дальше...

(Бөгелмә, 10 август, «Татар-информ», «Бөгелмә авазы» ). Бөгелмәдә Токиода узган Олимпия уеннарының көмеш призеры Александр Красных булды. Александр Бөгелмә мэры Линар Закиров белән түгәрәк өстәл артында очрашты. Чарада шулай ук йөзүченең беренче тренеры Сергей Кузнецов та катнашты. Алар Александрның соңгы уңышлары, коронавирус вәзгыяте турында фикер алыштылар һәм йөзүченең спорт карьерасын кайчан тәмамларга җыенуы турында фикер алыштылар. «Әлегә спорт белән саубуллашырга җыенмыйм. Бу йөз процент. Читать дальше...

(Казан, 10 август, «Татар-информ»). Кама Аланында туып-үсеп, Казан дәүләт медицина университетын тәмамлаган, «Волонтер-медиклар» хәрәкәтендә катнашучы Ләйсән Сибгатуллина «Стоматология» юнәлеше буенча «Мин — профессионал» олимпиадасында алтын медаль яулаган. Киләчәктә кыз ординатурада укырга планлаштыра, ә яуланган медаль баллары аңа бюджет урынына керергә ярдәм итәргә тиеш. Шулай ук Ләйсән зур профильле компаниядә стажировка узу мөмкинлеге дә алган. Бу хакта «Республика Татарстан» басмасына сылтама... Читать дальше...

(Әлмәт, 10 август, «Татар-информ», «Әлмәт таңнары») . 12 августта 17.00 сәгатьтә Халыкара яшьләр көнен бәйрәм итү кысаларында Әлмәттә нефть институты кампусы территориясендә бию флешмобы оештырыла. Әлмәтлеләрне шулай ук саф һавада хип-хоп юнәлеше буенча хореографиягә дә чакыралар. Чара Әлмәт, Совет ур., 210нчы йорт адресы буенча узачак. Мастер-классны балалар иҗат үзәгенең хореография студиясе җитәкчесе Алсу Гайфетдинова үткәрә.

(Чаллы, 10 август, «Татар-информ», « Шәһри Чаллы »). Чаллыда эшсезлек дәрәҗәсе 0,54 процентны тәшкил итә. Хәзерге вакытта Чаллыда 1 534 граждан эшсез буларак теркәлгән. Ел башыннан шәһәрдә 5 962 кеше эшкә урнаштырылган. Җәйге чорда 2 836 укучы эшкә урнашкан. «Июнь аенда — 1000, июль аенда шулай ук — 1000 кеше эшләде, хәзер, август аенда, 560 кеше. Эшләргә теләгән барлык кеше дә эш урыннары тапты», — диде «Рәсәй эше» кадрлар үзәге җитәкчесе Татьяна Быданова. Бүген кадрлар үзәгенең базасында 9 177 вакансия бар. Читать дальше...

(Аксубай, 10 август, «Татар-информ», « Авыл таңнары »). Россия Кулланучы хокукларын яклау һәм кеше иминлеге өлкәсендә күзәтчелек федераль хезмәт Аксубай районның икътисад бүлеге белән берлектә сәүдә нокталары буйлап рейдка чыкты. Белгечләре яңа коронавирус инфекциясеннән вакцинация буенча белешмәлекләр таратты. Белешмәлекләр соңгы тикшеренүләрне һәм яңа штамм вирусын исәпкә алып эшләнгән. Анда вакцинация, каршылык курсәткечләре, прививка салу адреслары, аларның эш вакыты турында тулы мәгълүмат тупланган.