Новости за 14.07.2021

(Казан, 14 июль, «Татар-информ», Эвелина Киселева). 7нче Казан клиник хастаханәсенең аллергология һәм иммунология үзәгенә яңа коронавирус инфекциясенә каршы вакцинациядән соң аллергия реакциясе булган өч кеше мөрәҗәгать иткән. Бу хакта вакцинация турында турыдан-туры эфирда үзәк җитәкчесе Гүзәл Закирова сөйләде. «Хәзер безнең аллергология бүлегендә вакцинадан соңгы реакция белән килгән өч пациент бар » , - диде ул. Аларның беренчесе поллинозның кискен стадиясендә прививка ясаткан, аның чүп үләннәренә... Читать дальше...

(Казан, 14 июль, «Татар-информ», Эвелина Киселева). Аллергияле кешеләргә коронавируска каршы «Спутник V» белән прививка ясату яхшырак. Бу хакта вакцинация турында турыдан-туры эфирда 7нче Казан клиник хастаханәсенең аллергология һәм иммунология үзәге җитәкчесе Гүзәл Закирова сөйләде.   «Аллергия авырулары булган пациентлар өчен иң кулае ГамКовидВак («Спутник V») булачак, чөнки анда пептидлар, аксым кушылмалары юк. Анда компонентлар аз » , - дип искәртте спикер. Табиб аллергияле кешеләр өчен препарат... Читать дальше...

(Казан, 14 июль, «Татар-информ», Гөлнар Гарифуллина). Эсселек һәм корылык аркасында гадәттән тыш хәл Татарстанның нибары бер генә районында кертелми калган. Бу Чүпрәле районы. #ТатарстанОнлайн программасының туры эфирында ТР Премьер-министры урынбасары — авыл хуҗалыгы һәм азык-төлек министры Марат Җәббаров бу елның авыл хуҗалыгы өчен авыр булганын искәртте. Яңгырлар ягыннан моңарчы Чүпрәлегә генә бәхет елмайганын әйтте. «Әгәр мондый һава торышы сакланса, бу районда да гадәттән тыш хәл кертелергә мөмкин", - диде министр. Читать дальше...

(Казан, 14 июль, «Татар-информ»). Татарстанда тагын 47 кеше яңа коронавирус инфекциясе йоктырган, шуларның 2се читтән кертелгән, 45е - контактлы. «12 кеше хастаханәгә салынган, 35 кеше өйдә дәвалана», — диелә ТР Сәламәтлек саклау министрлыгы хәбәрендә. Казанда — 30, Чаллыда — 4, Лаеш районында — 5, Азнакай, Алексеевск районнарында икешәр, Әгерҗе, Югары Ослан, Алабуга, Саба районнарында берәр авырган кеше ачыкланган. 14 июльгә Татарстанда Covid-19 инфекциясенең 23 047 очрагы теркәлгән. Барлыгы 20 621 кеше... Читать дальше...

(Казан, 14 июль, «Татар-информ», Эвелина Киселева). Яңа коронавирус инфекциясеннән вакцинациягә медицинада даими каршы күрсәтмә бирә торган авыруларның тар даирәсе бар. Аларны туры эфирда 7нче Казан клиник хастаханәсенең Шәһәр аллергология һәм иммунология үзәге җитәкчесе Гүзәл Закирова атады. «Даими каршы күрсәтмә бирә торган авырулар төркеме бар. Бу иммунодефицит халәте, анафилактик шок, анамнезда дару препаратларына кискен реакцияләр, органнарның зарарлануы һәм беренче вакцинациягә реакциясе, әмма бу бик сирәк була», – диде спикер. Читать дальше...

(Казан, 14 июль, «Татар-информ»). Сәламәт туклану миокард инфарктларының, инсультларның һәм диабет очракларының 80 процентын булдырмый калырга мөмкин, дип хәбәр итте «Федераль туклану һәм биотехнология тикшеренү үзәге» оешмасы директоры, РФА әгъза-корреспонденты Дмитрий Никитюк. РИА Новости хәбәр итүенчә, «Сәламәт туклану миокард инфарктлары, инсульт һәм диабет очракларының 80 процентын булдырмый калырга мөмкин. Туклануны бозу - авыру сәбәпләренең 30-50 проценты булып тора», - диелә «Милләт сәламәтлеге»... Читать дальше...

(Казан, 14 июль, «Татар-информ»). Бүген Татарстан Республикасы Президенты Рөстәм Миңнеханов Казанның Киров районында Фрунзе урамындагы 15 һәм 17 йортлар ишегалды территорияләрен төзекләндерү барышы белән танышты. Бу хакта республика җитәкчесенең матбугат хезмәте хәбәр итә. Территорияне «Безнең ишегалды» республика программасы буенча төзекләндерәләр. Йортлар тирәсендә яңа куркынычсыз тротуарлар булдырылган инде, ишегалдының бөтен территориясендә комплекслы яктырту эшләнгән.     Татарстан Республикасы... Читать дальше...

(Казан, 14 июль, «Татар-информ», Алинә Фәйзрахманова). Финанс грамоталылыгын арттыру – мошенникларга эләкмәс һәм үз акчаларыңны пирамидаларда югалтмас өчен иң ышанычлы ысул. Бу хакта «Татар-информ» мәгълүмат агентлыгында узган матбугат конференциясендә Татарстан Республикасы буенча Милли банк бүлеге идарәчесе урынбасары Нурания Хәйруллина сөйләде. Спикер билгеләп үткәнчә, гражданнарны финанс яктан агарту өчен Россия Банкы махсус ресурс –  fincult.info булдырган. Сайтта финанс пирамидасын ничек... Читать дальше...

(Казан, 14 июль, «Татар-информ», Гөлия Хәсбиуллина). «Хатлар йорты» тәкъдим иткән милли стильдәге чакыруларны җырчы Илгиз Мөхетдинов һәм аның кәләше булачак туйлары өчен сайлаган. «Илгиз белән Диана сайлаган чакыру — Рамазан аена чыккан коллекциядә урын алган чакыру. Аның иллюстрациясенең авторы — Алия Йосыпова. Без беренче тапкыр милли стильдә чакыру ясадык. Моңа хәтле бик күп төрлесе бар иде, алары заманча стильдә. Монысында түбәтәй белән калфак ясалган», — дип сөйләде Татар-информ хәбәрчесенә «Хатлар йорты» проекты авторы Энҗе Садыйкова. Читать дальше...

(Казан, 14 июль, «Татар-информ»). Россия гаиләләренең дүрттән бер өлеше кирәкле чыгымнарны түләгәндә акча җитмәү белән очраша, дип яза РБК Росстат мәгълүматларына сылтама белән. РИА Новости хәбәр итүенчә, сораштырулар барлык төбәкләрдә дә 2020 елның октябрь-ноябрь айларында, йөз меңнән артык йорт хуҗалыгында үткәрелгән. Тикшеренү нәтиҗәләре буенча, ихтыяҗларны канәгатьләндерү өчен, ким дигәндә, аена 61 мең сум акча кирәк. Моннан ике ел элек россиялеләр 58,5 мең сумны атаган булган. Инвалид балалар (88,4 мең сум)... Читать дальше...

(Казан, 14 июль, «Татар-информ»). Түбән Камада ябык биналарда массакүләм чаралар тыелган, дип хәбәр ителә Түбән Кама муниципаль районы порталында. Түбән Кама муниципаль районы башлыгы, Түбән Кама мэры Айдар Метшин рәислегендә Covid-19 белән бәйле вазгыять буенча муниципаль штаб утырышында шундый карар кабул ителгән. Элегрәк планлаштырылган чаралар, барлык санитар-эпидемиологик таләпләрне катгый үтәгәндә һәм штаб белән килешеп, ачык мәйданчыкларда гына үткәреләчәк. Шулай ук онлайн чаралар үткәрергә тәкъдим ителә. Читать дальше...

(Казан, 14 июль, «Татар-информ», Эльза Кузнецова). Соңгы тәүлек күрсәткечләре буенча, Әлмәттә 50 483 кеше вакцина алган —  бу райондагы 18 яшьтән өлкәнрәк халыкның 55 проценты дигән сүз. Шул хакта Instagram туры эфирында ТР Әлмәт районы башлыгы Тимур Нагуманов хәбәр итте. «Без вакциналаштырылган кешеләрне күзәтәбез һәм алар белән ниләр булганын күрәбез. Мин сезгә төгәл әйтә алам, безнең районда нинди дә булса куркыныч тудырган бер генә очрак та юк. Шуңа күрә кемнеңдер шикләре һәм борчулары калса... Читать дальше...

(Казан, 14 июль, «Татар-информ»). 16 июльдә «Казан утлары» журналы  «Әдәби кафе»да (Декабристлар урамы, 2нче йорт) Кәрим Караның «Җиләкле алан» китабын тәкъдим итәчәк. «Җиләкле алан» — «"Казан утлары" китапханәсе» сериясендә чыккан дүртенче китап. Аның авторы — Кәрим Кара (Һади Бари улы Кәримов). Китапны тәкъдим итүдә Татарстан Дәүләт Советы депутаты, Язучылар берлеге рәисе Ркаил Зәйдулла, «ТАТМЕДИА» генераль директоры Шамил Садыйков, матбугат хезмәткәрләре, «Казан утлары» журналы редакциясе, язучылар... Читать дальше...

(Казан, 14 июль, «Татар-информ»). ТР Президенты Рөстәм Миңнеханов чәршәмбе көнне, 14 июльдә, Казанның кайбер ишегалларын реконструкцияләү барышын шәхсән үзе тикшерәчәк. Бу хакта ТР Президенты матбугат хезмәте хәбәр итә. Зур кунакны нинди ишегалларында тантаналы рәвештә каршы алу сере әлегә саклана. Әгәр сезнең ишегалды 2021 елда төзекләндерелә икән, кунакларны күрми калмас өчен бүген тәрәзәгә ешрак күз салыгыз. Республикада «Безнең ишегалды» президент программасы тормышка ашырыла. Элегрәк «Татар-информ»... Читать дальше...

(Казан, 14 июль, «Татар-информ»). Россия коронавирус йоктырулары саны буенча дөньяда дүртенче урынга чыкты. Бу хакта мәгълүмат Бөтендөнья сәламәтлек саклау оешмасы сайтында урнаштырылган, дип хәбәр итә Интерфакс. Бөтендөнья сәламәтлек саклау оешмасы статистикасы буенча, ковид 5,8 миллионнан артык россияледә ачыкланган. Зарарланган кешеләр саны буенча өченче урында  - Бразилия, анда 19 млн кеше, икенче урында – Һиндстан - 30,9 млн кеше, ә беренче урында АКШ тора, анда 33,5 млн кеше авырган. Джонс... Читать дальше...

(Казан, 14 июль, «Татар-информ»). Яшүсмерләрне коронавирустан вакцинацияләү 20 сентябрьгә кадәр башланырга тиеш, моның өчен барысы да эшләнә, дип хәбәр итте РИА Новостига Гамалея исемендәге үзәк башлыгы Александр Гинцбург. Мәскәүдә 12-17 яшьлек үсмерләр өчен «Спутник V» вакцинасын тикшерү бара инде. Ул 5 июльдә башкалада ике хастаханәдә: З.А.Башляева исемендәге һәм Морозовка балалар хастаханәләрендә башланды. Анда катнашу өчен әлеге яшь төркемендәге йөз россияле сайлап алынган, 6 июльдә 21 яшүсмер вакцинаның беренче компонентын алган. Читать дальше...

(Казан, 14 июль, «Татар-информ»). Мәктәп яшендәге балалары булган гаиләләргә бер тапкыр бирелә торган түләүләрне күчерү 16 августтан башланачак, күбесе акчаларны нәкъ менә шул көнне алачак, дип белдерде журналистларга Россия Хезмәт һәм социаль яклау министрлыгы башлыгы Антон Котяков. «Президент йөкләмәсе буенча гаиләләр балаларны мәктәпкә әзерләргә өлгерсен өчен түләү август уртасында башланачак. Түләүләр 16 августка билгеләнгән. Күпчелек гаиләләр акчаны нәкъ менә шул көнне алачак. Ата-аналар... Читать дальше...

(Казан, 14 июль, «Татар-информ», Гөлнар Гарифуллина). Аналык бизендә яман шеш 78 хатын-кызның берсендә очрый. Республика онкологик диспансеры табибы Суфия Сафина бу хакта Казанда онкологлар конференциясендә сөйләгән иде. «Күкәйләлекләрдә яман шешкә китерүче алшартлар берничә: кешенең яше, гинекологик авырулары, балалар табуы, балага уза алмавы, туклану факторлары. Кемнәрдәдер бу алшартлар булып та, рак белән авырмаска мөмкин. Ә бернинди куркыныч факторы булмаса да, яман шеш белән авыручылар бар», — диде ул. Читать дальше...

(Казан, 14 июль, «Татар-информ»). Республика мөфтие Камил хәзрәт Сәмигуллин һәм аның беренче урынбасары Илфар хәзрәт Хәсәнов Нәзарәттә КФУның Идарә, икътисад һәм финанс институты директоры Наилә Баһаветдинова белән очрашты. Очрашуда катнашучылар үзара хезмәттәшлекне үстерү мөмкинлекләре хакында фикер алышты, дип яза ТР Диния нәзарәте. Наилә ханым Идарә, икътисад һәм финанс институты базасында ислам финанслары өлкәсендә белем бирү буенча кайбер тәкъдимнәре белән белән бүлеште. «КФУда укучылар арасында... Читать дальше...

(Казан, 14 июль, «Татар-информ»). Татарстан Республикасы Милли китапханәсе 16 июль көнне 19:00 сәгатьтә Камилә Кадырованың «Музыкаль Казан» лекциясенә чакыра. Чара Рөстәм Яхин тууына 100 ел уңаеннан уза. Лекциядә Салих Сәйдәшев, Рөстәм Яхин иҗатлары турында сөйләшү, Рөстәм Яхинның әсәрләрен тыңлау планлаштырылган. Чарага керү өчен, сылтама аша теркәлү узарга кирәк.

(Казан, 14 июль, «Татар-информ»). ТР башкаласы халкы фикеренчә, шәһәрнең төп истәлекле урыны — Казан Кремле. Эш эзләү буенча SuperJob сервисы уздырган сораштыруда катнашучыларның 41%ы шулай дип саный. Үз шәһәре турында сөйләгәндә, казанлылар төп истәлекле урын дип Кремльне атады, икенче урынны Кол Шәриф мәчете алды. 15% кеше шәһәр тулаем истәлекле урын дип белдерде, 5% — аның халкы кызыклы дип карар иткән. Тагын 2% тавышын Сөембикә манарасы өчен биргән.

(Казан, 14 июль, «Татар-информ»). Бүген Казанда «Чистай өязенең мәгърифәт йолдызлары» дип аталган фәнни-гамәли конференция үткәрелә. Конференция «Татнефть» хәйрия фонды ярдәме белән, Татарстан Республикасы Фәннәр академиясенең Ш. Мәрҗани исемендәге Тарих институты һәм Татарстан Республикасының «Сириус» хатын-кызларга, гаилә һәм балаларга ярдәм күрсәтү» региональ иҗтимагый оешмасы тарафыннан оештырыла. Конференциянең төп максаты — Чистай өязендә туып үскән мәшһүр татар-хатын кызларының милләтне саклап калу... Читать дальше...

(Яшел Үзән, 14 июль, «Татар-информ», « Яшел Үзән »). Яшел Үзән спортчылары спорт гимнастикасы буенча Россия яшьләренең V җәйге спартакиадасында уңышлы чыгыш ясады Спартакиадада Россия Федерациясенең 42 субъектыннан иң көчле 170 гимнаст катнашты. ТР Яшьләр эшләре, спорт һәм туризм министрлыгының «Олимпия резервының 1нче спорт мәктәбе» тәрбияләнүчеләреннән торган спорт гимнастикасы буенча Татарстан Республикасы җыелмасы команда беренчелегендә спартакиада җиңүчесе булды. Җыелма команда составына Яшел... Читать дальше...

(Аксубай, 14 июль, «Татар-информ», « Аксубай », Зинаида Леонтьева). Аксубай районында узган Уяв чуаш мәдәнияте бәйрәмендә мәдәният өлкәсе хезмәткәрләрен бүләкләделәр. Бүләкләнүчеләр арасында Аксубай районы вәкилләре дә бар. Район мәдәният бүлеге җитәкчесе Алексей Тимирясовка, Иске Тимошкино авыл мәдәният йорты режиссеры Анна Туйкинага «Мәдәнияттәге казанышлар өчен» күкрәк билгеләре тапшырылды. Кече Сөнчәле авыл клубы методисты Вера Уканеева мәдәният үсешенә зур өлеш кертүе өчен Татарстан Республикасы... Читать дальше...

(Чирмешән, 14 июль, «Татар-информ», «Безнең Чирмешән» , Кадыйр Гомәров) Чирмешән районының Әмир авылына багышланган «Мәңге яшә, Әмирем!» китабы чыкты. Ул 1000 данә тираж белән басылган. Узган атнада Әмир мәдәният йортында әлеге китапны тәкъдим итү кичәсе булды. Китапның авторы — журналист, нәфис сүз остасы, тарихчы Илдар Кыямов. «Моңа үземнең дә ис китә, китапны ике елда язып, нәшриятка бирдек. Аллаһы Тәгалә, авыл халкы, гаиләм булышты, рәхмәт. Бик зур хезмәт башкардык. Ышаныч күрсәтүләре өчен... Читать дальше...