Новости за 13.07.2021

(Казан, 13 июль, «Татар-информ», Полина Шевчук). Тикшерүчеләр фаразлавынча, республиканың Актаныш районындагы авылларның берсендә исерек хәлдәге 39 яшьлек хатын-кыз 7 һәм 13 яшьлек ике кызын сәгать ярымнан артык мунча алдында бикләп тоткан. Ул балаларын шул рәвешле тәрбияләргә уйлаган. Россия Тикшерү комитетының ТР буенча идарәсе җитәкчесенең өлкән ярдәмчесе Андрей Шептицкий шул хакта хәбәр итте. Хатын-кызга карата «Балигъ булмаган баланы законсыз төстә ирегеннән мәхрүм итү» маддәсе буенча җинаять эше кузгатылган. Читать дальше...

(Казан, 13 июль, «Татар-информ»). Татарстан Язучылар берлеге 15 июльгә планлаштырылган Әдәби сабантуйның кичектерелүе турында хәбәр итә. «Соңгы вакытта, COVID-19 белән бәйле рәвештә, Татарстан Республикасында массакүләм чаралар оператив штаб рөхсәте белән генә үткәрелә. Статистик мәгълүмат республикада һәм Җир шарының башка күп кенә төбәкләрендә эпидемиологик халәтнең начараюын дәлилли һәм оператив штаб Әдәби Сабан туен билгеләнгән датада үткәрмәскә, кичектерергә киңәш итте», — дип яза Берлекнең матбугат үзәге. Читать дальше...

(Казан, 13 июль, «Татар-информ», Эльза Кузнецова). Хәзерге ата-аналар мәктәптә белем бирүгә карата бик тә игътибарлы һәм алар еш кына уку программасын формалаштыру процессына кирәгеннән артык тыкшына. РФ Дәүләт Думасы депутаты Илдар Гыйльметдинов фикеренчә, мондый хәл булмаска тиеш. «Элегрәк ата-аналар, балаларын мәктәпкә биргәндә, укытучыларга ышана, аларда баламны укытырлар да, тәрбия дә бирерләр дигән өмет бар иде. Хәзер вазгыять башкача. Шулай булса да ата-аналарның мәктәп программасын сайлауга бернинди катнашы юк. Читать дальше...

(Казан, 13 июль, «Татар-информ», Гадел Әхмәтҗанов). Казан казые, Татарстан мөселманнары Диния нәзарәтенең шәригать мәсьәләләре бүлеге башлыгы Булат хәзрәт Мөбарәков мәҗбүри һәм нәзер корбаннарның аермасы турында сөйләде. «Нәзер корбаны — аерым гыйбадәт. Әгәр дә ул төгәл бер көнгә билгеләнмәгән икән, аны кайчан чалсаң да була. Ләкин кеше нисабка ия икән (быел ул 36 мең сум күләмендә билгеләнгән — Т-и.иск.) , ул, беренче чиратта, мәҗбүри корбанны чалырга тиеш», — диде Булат хәзрәт «Татар-информ»да узган матбугат конференциясендә. Читать дальше...

(Казан, 13 июль, «Татар-информ», Рифат Каюмов). Татарстанның мәгариф һәм фән министры Илсур Һадиуллин республиканың Хөкүмәт йортында узган брифингта 2020/2021 уку елы имтиханнары нәтиҗәсе буенча республиканың алдынгы унбер мәктәбен атады. Алдынгылар рәтендә: Казанның 131нче лицее (80 баллдан югары тапшырылган 314 имтихан); Яр Чаллының 78нче лицее (261); Түбән Каманың 35нче лицее (195); КФУның Лобачевский исемендәге лицее (188); КФУның IT-лицее (171); Казанның 19нчы гимназиясе (166);... Читать дальше...

(Казан, 13 июль, «Татар-информ», Гадел Әхмәтҗанов). Казан казые, Татарстан мөселманнары Диния нәзарәтенең шәригать мәсьәләләре бүлеге башлыгы Булат хәзрәт Мөбарәков сүзләренчә, корбанга малны хатын-кыз да чала ала. «Хатын-кыз үзе чалса да ярый. Шәригать моны тыймый. Монда хакларыбыз бертигез», — диде ул «Татар-информ» хәбәрчесенең: «Якын-тирәдә ир-атлар булмаган очракта, хатын-кыз үзе корбан чала аламы, юкмы?» — дигән соравына. Аның сүзләренчә, корбанга чалынасы малның нәрсә белән туклануы, итнең хәләллегенә тәэсир итми. Читать дальше...

(Казан, 13 июль, «Татар-информ»). Татарстан Россиядә яңа төрдәге Covid-19 коронавирус инфекциясен йоктыручылар иң акрын темпларда арта торган төбәкләр арасында лидер (тәүлегенә - 0,19 процент) булды. ТР Сәламәтлек саклау министрлыгы мәгълүматлары буенча, кичә республикада 43 кешедә коронавирус ачыкланган. Татарстаннан тыш, рейтингка Киров, Магадан, Орел өлкәләре, шулай ук Чувашия һәм Адыгея республикалары да кергән. «Бер тәүлек эчендә үсеш темплары иң түбән булган субъектлар: 1. Татарстан Республикасы — 0,19 процент, 2. Читать дальше...

(Казан, 13 июль, «Татар-информ», Рифат Каюмов). Татарстанның мәгариф һәм фән министры Илсур Һадиуллин бары тик Әтнә районында БДИны бөтен укучы да уңышлы биргәнен әйтте. Башка районнарда имтиханны бирә алмаган берәр бала булса да, бар. «Бары тик Әтнә районы укучылары гына, минималь бусаганы үтеп, барлык фәннәр буенча БДИ бирә алды», — диде Илсур Һадиуллин Татарстанның Хөкүмәт йортында узган брифингта. Министр мәгълүматлары буенча, Тәтеш районында бер, Саба, Аксубай, Минзәлә, Балык Бистәсе районнарында икешәр... Читать дальше...

(Казан, 13 июль, «Татар-информ», Гадел Әхмәтҗанов). Узган ел белән чагыштырганда, быел Казанда корбан чалу мәйданчыклары арткан. 2020 елда Татарстан башкаласында корбан чалу өчен унбиш махсус мәйданчык эшләде, агымдагы елда алар саны уналтыга җиткән . Оешмалар һәм мәчетләр исемлеген Иркен урамындагы «Билал» мәчете тулыландырган. Республиканың башка зур шәһәрләрендә һәм районнарында әлеге урыннар мөхтәсибәт белән килештерелә. «Коронавирус инфекциясе беркая да китмәде. Корбан бәйрәмендә барлык куркынычсызлык кагыйдәләре үтәләчәк. Читать дальше...

(Казан, 13 июль, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 43 яңа очрагы ачыкланган. ТР Сәламәтлек саклау министрлыгының матбугат хезмәтеннән хәбәр итүләренчә, өч кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. «12 кеше хастаханәгә озатылган, 31 кеше өендә дәвалана», — диелә ведомство хәбәрендә. Казанда — 20, Чаллыда — алты, Биектау, Зәй, Яшел Үзән һәм Түбән Кама районнарында — икешәр, тагын тугыз муниципалитетта берәр яңа очрак ачыкланган. Читать дальше...

(Казан, 13 июль, «Татар-информ», Полина Шевчук). РФ Тикшерү комитеты рәисе Александр Бастрыкин Россия Тикшерү комитетының ТР буенча идарәсе җитәкчелегенә Казанның «Ривьера» аквапаркында балалар агуланганнан соң кузгатылган җинаять эшен тикшерү этаплары турында хәбәр итеп торырга кушты. «Татар-информ» агентлыгы кичә «Ривьера» аквапаркында алты кешенең (шуларның бишесе – бала, берсе – олы кеше) агулануын турында хәбәр иткән иде. Зыян күрүчеләрне хастаханәгә озаттылар. Аларның берсе Республика балалар клиник хастаханәсендә реанимациядә ята... Читать дальше...

(Казан, 13 июль, «Татар-информ», Рифат Каюмов).Татарстанның мәгариф һәм фән министры Илсур Һадиуллин республиканың Хөкүмәт йортында узган брифингта БДИда ике фәннән йөзәр балл җыйган укучыларның исемнәрен әйтте. «Йөз балл җыйган, бигрәк тә ике фәннән йөзәр балл җыйган балалар — безнең алтын, бриллиант бөртекләребез. Имтиханнарны югары балларга тапшырган балаларны үзебезнең республика вузларында калдыруны максат итеп куябыз. Бу мәсьәләдә ректорлар кызыксыну чаралары оештыралар». Монда калсалар — безгә сөенеч», — диде Илсур Һадиуллин. Читать дальше...

(Казан, 13 июль, «Татар-информ», Полина Шевчук). Федераль суд приставлары хезмәте ТР буенча идарәсенең гаммәви мәгълүмат чаралары белән хезмәттәшлек итү буенча баш белгеч-эксперты Лилия Хәлимова «Татар-информ» агентлыгына белдергәнчә, Казанда яшәүче 34 яшьлек ир-атның 132 мең сум күләмендә салым бурычы җыелган. Аңа карата әҗәтен түләттерү турында берьюлы 6 башкарма производство төзелгән, әмма ир-ат аларны түләргә ашыкмаган. Шуннан соң приставлар аның милкендә Mazda автомобиле булуын ачыклаган. Бурычлы... Читать дальше...

(Казан, 13 июль, «Татар-информ»). Гриппка каршы прививканы коронавирустан вакцинация узып бер ай (шуннан да иртәрәк түгел) үткәннән соң ясатырга кирәк. Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) норматив хокукый актлар проектлары федераль порталында дөнья күргән карар проектында шулай диелә. «Гражданнарга эпидемик күрсәткечләр буенча профилактика прививкалары календаре кысаларында профилактика прививкаларын үткәрү тәртибе үтәлергә... Читать дальше...

(Казан, 13 июль, «Татар-информ»). Геленджик шәһәренең Совет урамында урнашкан кунакханәдә газ шартлау нәтиҗәсендә өч кеше зыян күргән, бер кеше үлгән. Бу хакта «Интерфакс» агентлыгы шәһәр прокуроры урынбасары Игорь Куцовка сылтама белән хәбәр итә. «13 июльдә Геленджик шәһәрендә иртәнге сигезләр тирәсендә Совет урамында урнашкан кунакханәдә газ шартлады. Нәтиҗәдә, бер кеше һәлак булды, төрле тән җәрәхәтләре алган өч кешене хастаханәгә озаттылар. Тикшерү эше бара», - диде Куцов. Шуның белән бергә,... Читать дальше...

(Казан, 13 июль, «Татар-информ», Полина Шевчук). «Татар-информ» агентлыгына республика Дәүләт автоинспекциясендә белдерүләренчә, республикада электр самокатларыннан файдаланучы кешеләр белән системалы эш алып барыла. ТР Сәламәтлек саклау министрлыгы мәгълүматлары буенча, быел гына да электр самокатыннан егылу нәтиҗәсендә төрле тән җәрәхәтләре алган 900гә якын кеше медицина ярдәме сорап мөрәҗәгать иткән. Дәүләт автоинспекциясендә билгеләп үтүләренчә, электр самокатлары белән идарә итү кагыйдәләрен... Читать дальше...

(Казан, 13 июль, «Татар-информ», Эвелина Киселева). Вакцинация, төрле препаратлар һәм коронавирус турында хәбәрдар булган волонтерлар һәм коммерцияле булмаган оешма вәкилләре халыкны кызыксындырган күп кенә сорауларга җавап бирә һәм Татарстан территориясендә вакцинация кампаниясен үткәрүдә ярдәм итә алачак. ТР Иҗтимагый палатасында «Мин прививкадан курыкмыйм» Бөтенроссия акциясе кысаларында узган түгәрәк өстәлдә шундый фикер әйтелде. Чарада Татарстан табиблары җәмәгать эшендә катнашучылар һәм волонтерларның... Читать дальше...

(Казан, 13 июль, «Татар-информ», Полина Шевчук). Авария бүген иртән Иске Шәйморза авылы янында булган. Юл һәлакәтен күргән кешеләр «Татар-информ» агентлыгына хәбәр иткәнчә, Чувашия номерлары куелган «Лада» автомобиле юл читенә төшеп киткән һәм берничә тапкыр әйләнгән. «Машина йөртүче һәм пассажир шунда ук үлгән. Икесенә дә 50 яшьләр тирәсе», - дип белдерде шаһитлар. Агентлык чыганагы мәгълүматлары буенча, авариядә ир белән хатын һәлак булган.

(Казан, 13 июль, «Татар-информ»). 18нче июль көнне Казанның Горки-Әмәт урманында беренче тапкыр «Яңа дустыңны тап» акциясе узачак, анда шәһәр халкы үзенә йорт хайваны сайлый һәм ветеринария табиблары белән киңәшләшә алачак. Казан мэриясе хәбәр итүенчә, акция 11:00 сәгатьтән 14:00 сәгатькә кадәр узачак. Горки-Әмәт урманында акция Казан Мэры Илсур Метшин кушуы буенча Парклар һәм скверлар дирекциясе оештырган беренче чара булачак. Киләсе акцияләрне августта Дәрвишләр бистәсендә Сәетгалиев исемендәге мәдәният йорты янындагы паркта... Читать дальше...

(Казан, 13 июль, «Татар-информ»). Кичә, Татарстан мөфтие Камил хәзрәт Сәмигуллин, республиканың хөрмәтле абыстае, күп еллар дәвамында дин сабаклары укыткан мөгаллимә, «Тәртип» радиосында «Тузмый торган бүләк» тапшыруы авторы һәм алып баручысы, дин әһелләре булган хөрмәтле нәсел вәкиле Сәйдә Аппакованы Нәзарәтнең «Бердәмлек» медале белән бүләкләде. ТР Диния Нәзарәте матбугат хезмәте хәбәр итүенчә, очрашуда Сәйдә абыстай Камил хәзрәткә үзенең дин юлындагы гамәлләре турында сөйләде, киләчәккә планнары белән уртаклашты, киңәшләрен бирде. Читать дальше...

(Казан, 13 июль, «Татар-информ», Энҗе Габдуллина). «Химград» кубогына җилкәнле яхталар ярышы быел беренче тапкыр уздырыла. Ярышның беренче этабы июнь аенда, икенчесе июльдә булса, өченчесе август азагында, ә финалы сентябрьдә үткәрелер дип көтелә. Бу хакта Татарстан җилкәнле спорт төрләре федерациясе җитәкчесе Альберт Садыйков хәбәр итте. «Химград» кубогына нигез узган ел ук салынды. Без җитәкчелек белән җилкәнле спортның милли лигасы турында сөйләштек. Шунда Татарстан җыелма командасы составына... Читать дальше...

(Зәй, 13 июль, «Татар-информ», « Зәй офыклары », Ләйлә Мостафина). 12 июльдә «Уймак кыз» балалар бакчасында кече җәйге Олимпия уеннары узды. «Мондый спорт ярышлары, әлбәттә, мәктәпкәчә яшьтәге балалар арасында сәламәт яшәү рәвешен пропагандалау, балаларны Олимпия хәрәкәтенә, җәйге спорт төрләренә җәлеп итү һәм, гомумән, балалар сәламәтлеген ныгыту өчен уйлап табылды», — ди өлкән тәрбияче Ирина Дубинина. Уеннарда дүрт команда катнашты, барысы да спортны яратуларын күрсәтте, шуңа күрә уеннарда көрәш җитди барды. Читать дальше...

(Казан, 13 июль, «Татар-информ», Энҗе Габдуллина). Казансуның «Казан» гаилә үзәге янындагы территориядә балалар өчен яхта йөртү мәктәбе ачылачак. Бу хакта журналистлар белән очрашуда Татарстан җилкәнле спорт федерациясе җитәкчесе Альберт Садыйков хәбәр итте. Казансу елгасының «Казан» гаилә үзәге ягында яхтада йөрү территориясе ачылачак. Анда балалар өчен яхта йөртү мәктәбе белән бергә халыкка ял итү урыны да ясау күздә тотыла. «Хәзерге көндә балалар яхт-мәктәбе турында сөйләшүләр алып барыла», — диде ул. Читать дальше...

(Тәтеш, 13 июль, «Татар-информ», « Тәтеш таннары »). Тәтештә Бөек Ватан сугышы герой­ларының һәйкәл-бюстларына QR-кодлар (объ­ект турында мәгъ­лү­мат булган штрих код) урнаштырылды. Бөек Ватан сугышында катнашкан тәтешлеләрнең биографияләрен Тәтеш ягы тарихы музеенда, район газетасы язмаларында, һәм Тәтештәге Дан мемориалындагы бюстлардан — һәйкәлләрдәге таб­личкалардан QR-кодларны телефондагы махсус прог­рамма аша сканерлап белергә мөмкин. Респуб­лика проекты кысаларында QR-кодлы таблич­каларны... Читать дальше...

(Чүпрәле, 13 июль, «Татар-информ», « Туган як », Гөлия Фәизова). Чүпрәледә унөченче тапкыр «Мунчәли укулары» узды «Мунчәли укулары»ның башлангычына бөек татар драматургы Туфан Миңнуллин нигез салган иде. Динебезне, милләтебезне һәм мәдәниятны үстерү үрнәкләрен күрсәтү буларак, Мунчәли укуларының дәрәҗәсе елдан-ел арта, масштабы да киңәя бара. Хәзер ул төбәкара дәрәҗәдә уза һәм быелгысына аның Чувашия, Ульяновск өлкәсеннән һәм хәтта Мордовиядән дә дин әһелләре, кунаклар килде, диелә хәбәрдә. «Мунчәли... Читать дальше...