Новости за 13.04.2021

(Казан, 13 апрель, «Татар-информ»). Татарстанда полицейскийлар интернетта танышкан кызга пычак белән кадаган егетне тоткарлаган. Россия тикшерү комитеты ТР буенча идарәсе җитәкчесенең өлкән ярдәмчесе Андрей Шептицкий шул хакта хәбәр итте. Тикшерүчеләр ачыклаганча, Минзәлә районында яшәүче 26 яшьлек егет интернетта 26 яшьлек Чаллы кызы белән танышкан. Егет яңа танышы янына кунакка килгән һәм ялган сәбәп табып аның фатирына кергән. Шуннан соң аш бүлмәсендә өстәлдән пычак алып, ике тапкыр кызның күкрәгенә кадаган һәм өйдән чыгып йөгергән. Читать дальше...

(Казан, 13 апрель, «Татар-информ»). «2FAN» әдәби каналында беренче тапкыр башкорт телендә видеоролик урнаштырдылар. Роликта студент кыз башкорт телендә шигырь укый. Ул башкорт шагыйре Газиз Әбделмәновның мәхәббәт темасына багышланган шигырен сөйләде. Лилия Шагалиева әлеге каналда башкорт әсәрен укыган беренче карлыгач булды. Моңа кадәр «2FAN» әдәби каналында татар шагыйрьләренең әсәрләре яңгырады. ЯшьTATMEDIAjunior проекты кысаларында ачылган каналда яшь шагыйрьләр яки шигърият яратучылар студиядә... Читать дальше...

(Казан, 13 апрель, «Татар-информ», Зилә Мөбәрәкшина). Казан шәһәренең башкарма комитеты Бөтендөнья татар яшьләре форумы белән берлектә хезмәт күрсәтү өлкәсендә эшләүчеләр өчен түләүсез татар теле курсларын үткәрә. Татар теле укытучысы Рашат Якупов дәресләрдә иң гади, кирәкле сүзләр генә биреләчәген әйтте. «Курслар татар телен чит тел буларак өйрәтү методикасына нигезләнә. Хезмәткәрләр татар телендә кирәкле күләмдә, „ипилек-тозлык“ аралаша алырга тиеш. Беренче чиратта, без сөйләшергә өйрәтәчәкбез»... Читать дальше...

(Казан, 13 апрель, «Татар-информ», Рифат Каюмов). Федераль салым хезмәтенең Татарстан буенча Идарәсе җитәкчесе Марат Сафиуллин 1 млн сумнан арткан банк кертеменә салым түләү тәртибен аңлатты. «Быел Салым кодексына җитди үзгәрешләр кертелде. 2021 елның 1 гыйнварыннан башлап бер миллион сумнан арткан банк кертемнәренә салым түләргә кирәк. 13 процент күләмендәге салым керем суммасының 42,5 мең сумнан арткан өлешенә генә салына. Әгәр керем (доход) биш миллион сумнан артса, салым ставкасы 15 процентка кадәр үсә», — диде Марат Сафиуллин. Читать дальше...

(Казан, 13 апрель, «Татар-информ», Полина Шевчук). Россия Президенты Владимир Путин Татарстанның өч районына судьялар билгеләде. Хокукый мәгълүмат рәсми интернет-порталында дөнья күргән. РФ Президенты боерыгы белән Марсель Әхмәтшин – Питрәч район суды, Дмитрий Поляков Спас район суды рәисе итеп билгеләнде. Ирек Ибраһимов исә Әлмәт шәһәр суды хөкемдары кәнәфиен биләде.

(Казан, 13 апрель, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 34 яңа очрагы ачыкланган. ТР Сәламәтлек саклау министрлыгының матбугат хезмәтеннән хәбәр итүләренчә, ике кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. «13 кеше хастаханәгә озатылган, 21 кеше өендә дәвалана», - диелә ведомство хәбәрендә. Казанда – 15, Чаллы шәһәре һәм Түбән Кама районында дүртешәр очрак ачыкланган. Бер көн эчендә барлыгы... Читать дальше...

(Казан, 13 апрель, «Татар-информ», Зилә Мөбәрәкшина). Казан мэриясе 18 яшьтән өлкәнрәкләр өчен «Саумы, Казан» әдәби бәйгесен игълан итә. Хикәяләр бишенче апрельдән 31 июльгә кадәр кабул ителә. «Бәйгедә ике номинация: 18 яшьтән 35 яшькә кадәр кешеләр һәм 35 яшьтән өлкәнрәкләр. Беренче урынга — 80 мең, икенче урынга — 50 мең, өченче урынга 30 мең сум биреләчәк. Акчалата премия ике номинациягә аерым бирелә», — диде «Татар-информ»да матбугат очрашуында «Казан утлары» журналының җаваплы сәркатибе Ландыш Әбүдарова. Читать дальше...

(Казан, 13 апрель, «Татар-информ»). Яңа төрдәге Covid-19 коронавирус инфекциясенең яңа штаммына каршы вакцина булдыру өчен ике ай вакыт кирәк булачак. Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) эпидемиология Үзәк фәнни-тикшеренү институтының фәнни эшләр буенча директор урынбасары – Россия Фәннәр академиясе мөхбир-әгъзасы Александр Горелов шулай дип белдерде. «Моңа ике ай кирәк булачак, шуннан да артык түгел. Иң мөһиме – платформа... Читать дальше...

(Казан, 13 апрель, «Татар-информ», Рифат Каюмов). Салым хезмәте Татарстанда 2020 ел өчен декларация тапшыручылардан казнага 1 млрд сумнан артык салым керүен көтә. «Керемнәрен декларацияләргә тиешле физик затлардан тулаем 1 млрд сумнан артык суммага 90 мең декларация тапшырылуы көтелә. Бүгенге көнгә 23 мең декларация тапшырылган», — диде Федераль салым хезмәтенең Татарстан буенча Идарәсе җитәкчесе Марат Сафиуллин ТР Хөкүмәт йортында узган брифингта. Алдарак әйтелгәнчә , 3-НДФЛ декларациясе тапшырырга... Читать дальше...

(Казан, 13 апрель, «Татар-информ», Зилә Мөбәрәкшина). Казан башкарма комитеты татар телен өйрәтү буенча проект төзегән яшьләргә «Үз телем» бәйгесен игълан итә. «Үз телем» конкурсы мәктәп укучылары, студентлар һәм 35 яшькә кадәр яшьләр арасында үткәрелә. Проектка бер миллион сум акча бүлеп бирелде. Гаризаларны бишенче апрельдән кабул итә башладык. 1-17 майда проектны сайлап алу туры булачак», — диде «Татар-информ»да матбугат очрашуында Казан башкарма комитетының аналитика бүлеге җитәкчесе Люция Закирова. Читать дальше...

(Казан, 13 апрель, «Татар-информ», Полина Шевчук). Әлмәттә элеккеге автотранспорт предприятиесе бинасында эшченең өстенә бетон плитә җимерелеп төшкән, ир-ат һәлак булган. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр. Бүген 8.40 сәгатьтә Сургут урамындагы элеккеге автотранспорт предприятиесе бинасында, бетон плитә җимерелеп, аның астында бер ир-атның кысылып калуы хакында хәбәр килгән. Эшчеләр аңа ярдәм итәргә теләсә дә, тырышлыклары бушка киткән. Читать дальше...

(Казан, 13 апрель, «Татар-информ», Рифат Каюмов). 2021 елның 30 апреленә кадәр 3-НДФЛ декларациясен тапшырмаганнарга салым суммасына пенялар һәм штрафлар өстәләчәк. «Әгәр гражданнар 2020 елда алган керемнәр буенча 3-НДФЛ декларациясен 2021 елның 30 апреленә кадәр тапшырмаса, НДФЛ суммасы салым органы тарафыннан исәпләнәчәк. Салым суммасына пенялар һәм штрафлар да өстәләчәк», — диде Федераль салым хезмәтенең Татарстан буенча Идарәсе җитәкчесе Марат Сафиуллин ТР Хөкүмәт йортында узган брифингта.... Читать дальше...

(Казан, 13 апрель, «Татар-информ», Полина Шевчук). Татарстанның элеккеге сәламәтлек саклау министрының улы Нурислам Вафин суга батучы баланы коткарган өчен Россия Гадәттән тыш хәлләр министрлыгы медале белән бүләкләнде. Россия Гадәттән тыш хәлләр министрлыгы матбугат хезмәте хәбәр иткәнчә, бүләкләү тантанасы Мәскәүнең 1329нчы мәктәбендә (Нурислам Вафин шунда белем ала) узды. Яшь геройга медальне Россия гадәттән тыш хәлләр министры киңәшчесе Андрей Мерзликин һәм Россия Гадәттән тыш хәлләр министрлыгының... Читать дальше...

(Казан, 13 апрель, «Татар-информ»). Соңгы унъеллыкта Россиядә температура зур тизлектә күтәрелә башлаган. Әйтик, ил территориясендә ул Цельсий буенча — 0,51, шул ук вакытта, дөнья күләмендә уртача күрсәткеч 0,18 градус тәшкил итә. Бу хакта РИА Новости агентлыгы Россия Гидрометеоүзәгенең Воейков исемендәге Баш геофизика обсерваториясе директоры Владимир Катцовка сылтама белән хәбәр итә. Әлеге нәтиҗәләр галимнәр бастырып чыгарган 2020 елгы мәгълүматлар нигезендә ясалган. «Күптән түгел РФ Гидрометеоүзәгенең... Читать дальше...

(Казан, 13 апрель, «Татар-информ»). Татарстан Президенты Рөстәм Миңнеханов республика халкын изге Рамазан ае башлану белән тәбрик итте. «Изге Рамазан ае мөбәрәк булсын!» - дип язган ул Instagram социаль челтәрендәге постта. «Изге Рамазан ае һәр йортка муллык, бәхет, иминлек һәм тынычлык алып килсен!», «Амин, шулай булсын!», дип искәрткән республика Президенты сәхифәсенә язылучылар тәбрикләү сүзләренә җавап итеп.

(Казан, 13 апрель, «Татар-информ», Тимур Рәхмәтуллин). Равил Гайнетдин җитәкчелегендәге Россия Мөфтиләр шурасы (һәм РФ мөселманнары Диния нәзарәте) Россия ислам институтын (Казан) һәм Казан ислам институтын гамәлгә куючылар составыннан чыгарылырга мөмкин. Татарстан Республикасы мөселманнары Диния нәзарәте җитәкчелегенә якын торган чыганак «Татар-информ» агентлыгына шул хакта хәбәр итте. «Хәзерге вакытта Гайнетдин җитәкләгән мөфтиятне оештыручылар составыннан чыгаруның төрле вариантлары карала», - дип хәбәр итте ул. Читать дальше...

(Казан, 13 апрель, «Татар-информ», Рузилә Мөхәммәтова). Тинчурин театры яшь чикләүләре 18+ булган детектив моноспектакль чыгарды. Премьерага кадәр күрсәтелгән спектакльнең беренче тамашачылары Татарстан прокуроры Илдус Нәфыйков үзе һәм журналистлар иде. Спектакльнең яшь чикләүләре 18+ дип куелуын оештыручылар мәктәп балаларын әлеге тамашадан чикләү өчен дип аңлаттылар. Спектакльдә тарту күренешләре һәм әдәби тел нормаларына сыймаган бер сүз бар. «Шах… мат!» монопьесасы Тинчурин театры актеры Рөстәм Гайзуллин өчен махсус язылган. Читать дальше...

(Казан, 13 апрель, «Татар-информ», Полина Шевчук). Татарстанның Лаеш районы «Тургай» коттеджлар бистәсендә ташу сулары агып киткән. Россия Гадәттән тыш хәлләр министрлыгының ТР буенча Баш идарәсе матбугат хезмәтеннән «Татар-информ» агентлыгына хәбәр итүләренчә, ташу суларын агызып җибәрү өчен бистә янындагы өч торбаны чистартканнар, шулай ук 1,5 киңлектәге һәм ике метр тирәнлектәге траншея казылган. Иртәнге бишкә суның биеклеге кимегән, су баскан йортлар һәм участоклар юк. «Татар-информ» агентлыгы кичә кич... Читать дальше...

(Казан, 13 апрель, «Татар-информ»). Быел федераль Сабантуй Нижневартовск шәһәрендә 19 июньдә булачак. Әлеге бәйрәмдә эстафетаны 2022 елда чираттагы федераль Сабантуй узачак Ульяновск өлкәсе кабул итеп ала. Тагын бер елдан булачак бәйрәмгә шактый вакыт калса да, семберлеләр аңа әзерлек эшләрен быелдан ук башлап җибәрде, дип яза Бөтендөнья татар конгрессы матбугат хезмәте. Шушы көннәрдә генә өлкәнең Хөкүмәт йортында Сабантуйны әзерләү һәм үткәрү буенча оештыру комитетының чираттагы утырышы узды.

(Казан, 13 апрель, «Татар-информ»). Бөтендөнья татар конгрессының Башкортстандагы вәкиллеге офисында татар яшьләре өчен булдырылган «Татарча фатирник» проектының чираттагы утырышы узды. Фатирникның төп кунагы — «Голос. Дети» телепроекты финалисты, яшь җырчы Сәйдә Мөхәммәтҗанова иде, дип хәбәр итә Бөтендөнья татар конгрессының матбугат хезмәте.

(Казан, 13 апрель, «Татар-информ»). ТР Премьер-министры урынбасары, Бөтендөнья татар конгрессының Милли шура рәисе Васил Шәйхразыев Рамазан ае башлану уңаеннан мөселманнарга мөрәҗәгать итте. «Кадерле милләттәшләр, хөрмәтле мөселманнар! Бөтендөнья татар конгрессының Милли Шурасы исеменнән һәм шәхсән үз исемемнән сезне барыгызны да изге Рамазан ае башлану уңаеннан чын күңелдән тәбрик итәм. Бу айда һәр мөселман кешесе уразалар тотып, тыелган гамәлләрдән сакланып, әхлагын ныгытсын, калебен төзәтсен иде.Рамазан аенда без... Читать дальше...

(Казан, 13 апрель, «Татар-информ»). Ульяновскиның Татар мәдәният үзәгендә утыз бер ел элек старт алган, инде традициягә кергән «Сембер җыры-2021» өлкә фестиваль-конкурсы узды. Иҗади бәйгедә өлкәнең дүрт районыннан, Ульяновск, Димитровград шәһәрләреннән егермегә якын конкурсант һәм биш ансамбль катнашты. «Сембер җыры-2021» фестиваль-конкурсына үзгәреш тә кертелгән. Элек конкурсантлар 18 яшьтән 35 яшькә кадәр булсалар, икенче ел рәттән 35 яшьтән өлкәнрәк җырчылар да үзләренең сәләтләрен күрсәтә. Бу буын җырчылары ана телен яхшы белә. Читать дальше...

(Казан, 13 апрель, «Татар-информ»). Күптән түгел Татарстан Ютазы районының мәшһүр авылы Бәйрәкә тарихына багышланган китап дөнья күрде. Ул Бөтендөнья татар конгрессы Башкарма комитетында тәкъдим ителәчәк. Аның авторлары төбәк тарихчылары Әсгать һәм Миләүшә Закировлар, һәм Бәйрәкш авылы музее җитәкчесе Әлфия Хаҗиева. Китап «Агромир» хуҗалыгы көче белән, аның башлыгы Галиев Сирин Әхәт углы җитәкчелегендә язылды. Бу турыда Бөтендөнья татар конгрессы матбугат хезмәте хәбәр итә. Бәйрәкә тарихы Рәсәй Дәүләт Борынгы Актлар Архивы... Читать дальше...

(Чаллы, 13 апрель, «Татар-информ», «Шәһри Чаллы» ). Кытай вәкилләре Чаллының йогышлы авырулар хастаханәсенә коронавирустан саклану өчен 810 костюм, 480 күзлек, 960 медицина респираторы тапшырды. Кытай Халык Республикасының Казандагы генераль консулы У Инцинь сүзләренчә, пандемияне Россия белән Кытай бергәләп жиңә ала. Татарстан сәламәтлек саклау министры урынбасары Фәридә Яркәева ярдәм өчен рәхмәтен белдерде.

(Чирмешән, 13 апрель, «Татар-информ», «Безнең Чирмешән» , Кадыйр Гомәров). Чирмешән райондагы кайбер башка авыллардан аермалы буларак, Әмир авылында сөлгене гел апрель башында ук җыялар. Быел армиягә китәргә яше җиткән егетләр икәү — Руслан Мәҗитов һәм Айрат Зыятдинов бүген игътибар үзәгендә. Агач колгага кызлар чиккән, хушбуй исе сеңгән кульяулыклар иң элек аларга бирелде. Егетләр өчен бәһасез бүләк! «Без әле армиягә бармыйбыз, Шентала медицина училищесында тагын ике ел укыйсы калды», — диде булачак ил сакчылары. Читать дальше...