Новости за 28.01.2021

(Казан, 28 гыйнвар, «Татар-информ», Зилә Мөбәрәкшина). Татарстан мәдәният министрының урынбасары Дамир Натфуллин милләтара мөнәсәбәтләрнең булуын республикабызның эчке сәясәтендә уңай күренеш дип бәяләде. «2010 елгы җанисәп нәтиҗәләре буенча, «Татарстанда 173тән артык милләт яши. Бу безнең өчен горурлык. 2020 елның сораштыру нәтиҗәләренә караганда, республикабызның 94,9 процент кешесе башка милләтләргә хөрмәт белән каравын белдергән», — диде ул Халыклар дуслыгы йортында барган түгәрәк өстәлдә.... Читать дальше...

(Казан, 28 гыйнвар, «Татар-информ», Елена Сәлахова). Татарстан шәһәрләре урамнарында видеокамералар санын арттырырга ниятлиләр. Татарстан Президенты Рөстәм Миңнеханов ТР буенча Эчке эшләр министрлыгының йомгаклау коллегиясе утырышында шулай дип белдерде. Утырышта Татарстан Эчке эшләр министрлыгы эшенә нәтиҗә ясадылар. Ведомство башлыгы Артем Хохорин искәрткәнчә, 2020 елда зур яңгыраш тапкан җинаятьләрне ачу дәрәҗәсе 1,5 тапкыр арткан. Мисал өчен, узган ел полицейскийлар җиде ел эзләүдә булган «Идел... Читать дальше...

(Казан, 28 гыйнвар, «Татар-информ», Гадел Әхмәтҗанов). Татарстанда, 2019 ел белән чагыштырганда, 2020 елда икътисади җинаятьләр саны арткан. Былтыр республикада 2527 ачыкланган. 2019 елда әлеге сан 2223 булган. «2020 елда Татарстанда 2527 икътисади җинаять ачыкланды. Аларның һәр дүртесе аеруча зур күләмдә кылынган. Узган ел икътисади куркынычсызлык бүлекчәләре хезмәткәрләре тарафыннан коррупция белән бәйле 1 меңнән артык җинаять кисәтелде», — дип сөйләде Татарстан буенча Эчке эшләр министры Артем Хохорин министрлыкның еллык коллегиясендә. Читать дальше...

(Казан, 28 гыйнвар, «Татар-информ», Диләрә Галиева). Татарстан кибетләрендә социаль әһәмияткә ия продуктларның бәяләре үзгәрешсез кала. Россия Авыл хуҗалыгы министрлыгы, ТР Авыл хуҗалыгы һәм азык-төлек министрлыгы, шулай ук зур сәүдә челтәрләре вәкилләре арасындагы өч яклы килешү моңа нигез булып тора. ТР Президентының матбугат хезмәте җитәкчесе Лилия Галимова онлайн-брифингта шулай дип белдерде. «Россия Авыл хуҗалыгы министрлыгы, ТР Авыл хуҗалыгы һәм азык-төлек министрлыгы, шулай ук зур сәүдә... Читать дальше...

(Казан, 28 гыйнвар, «Татар-информ», Зилә Мөбәрәкшина). РФ Иҗтимагый палатасының Милләтара һәм динара мөнәсәбәтләр комиссиясе рәисе, сәясәт фәннәре докторы, профессор Владимир Зорин туган телләрне өйрәнү аша гына бердәмлеккә ирешергә мөмкин дип саный. «Тел һәм гореф-гадәтләр — мәдәниятнең аерылгысыз өлеше. Шуның нигезендә без туган телләргә үсеш кертә алабыз», — диде ул Халыклар дуслыгы йортында узган «Халыкларның рухи бердәмлеген ныгытуда сәнгать иҗатының роле» темасына багышланган түгәрәк өстәлдә. Читать дальше...

(Казан, 28 гыйнвар, «Татар-информ», Марат Ишкильдин). ТР Президенты Рөстәм Миңнеханов «Казан Экспо» халыкара күргәзмәләр үзәге һәм «Казан» халыкара аэропорты территорияләрен үстерүнең бердәм концепциясен булдырырга кушты. ТР Президентының матбугат хезмәте җитәкчесе Лилия Галимова онлайн-брифингта шулай дип белдерде. «Әлеге объектларның бер территориядә урнашуын, инвестицион һәм структур үсеш җәһәтеннән кызыксыну уятуын исәпкә алып, ТР Президенты концепция әзерләгәндә төзелеш һәм инфраструктура мәсьәләләре... Читать дальше...

(Казан, 28 гыйнвар, «Татар-информ», Гөлнар Гарифуллина). Казанның «Азино» микрорайонында Бигичев урамында ремонт эшләре нәтиҗәсендә яңартылган хатын-кызлар консультациясе ачылды. Казанның 20 нче шәһәр сырхауханәсенә караган бу клиника белән ТР сәламәтлек саклау министры урынбасары Владимир Жаворонков танышты. «Әлеге хатын-кызлар консультациясе бинасы Казанның яшь гаиләләр, яңа торак комплекслар бик күп булган районында урнашкан. Монда уңайлы шартлары булган заманча бина бик кирәк иде», — диде. Министр... Читать дальше...

(Казан, 28 гыйнвар, «Татар-информ», Рифат Каюмов). Республиканың бөтен балалар бакчаларына Татарстан китап нәшрияты кибетләрендә иң күп сатыла торган татар китаплары һәм уенчыклары тапшырылган. Бүген Татарстан китап нәшрияты вәкилләре журналистлар белән берлектә Казанның Дәрвишләр бистәсендә урнашкан 415нче татар балалар бакчасында булды. Алар уку-укыту әсбапларының тәрбиячеләр һәм балалар тарафыннан ни дәрәҗәдә файдаланылуын тикшерде. «Балаларда татар теленә кызыксыну уята торган китаплар һәм... Читать дальше...

(Казан, 28 гыйнвар, «Татар-информ»). Россиядә РФ Пенсия фондына пенсия тупланмаларын бер тапкыр түләү турындагы гаризаларны электрон рәвештә – Пенсия фондындагы шәхси кабинет, дәүләт хезмәтләре порталы яки күп функцияле үзәк аша тапшырырга рөхсәт итәргә тәкъдим итәләр. ТАСС агентлыгы хәбәр иткәнчә, хәзерге вакытта Россия Хезмәт һәм социаль яклау министрлыгы әлеге проектны шуның белән кызыксынган органнар каравына тапшырган. Аның буенча СНИЛС кебек документларны да онлайн рәвештә җибәреп булачак.... Читать дальше...

(Казан, 28 гыйнвар, «Татар-информ»). Татарстанда тәүлек эчендә Covid-19 коронавирусы белән зарарлануның 83 яңа очрагы теркәлгән. ТР Сәламәтлек саклау министрлыгының матбугат хезмәтеннән хәбәр итүләренчә, өч кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. «26 кеше хастаханәгә озатылган, 57 кеше өендә дәвалана», - диелә ведомство хәбәрендә. Эпидемия башланганнан алып республикада коронавирус инфекциясенең 15790 мең очрагы ачыкланган. Республикада... Читать дальше...

(Казан, 28 гыйнвар, «Татар-информ», Гадел Әхмәтҗанов). Татарстан Президенты Рөстәм Миңнеханов гражданнар иминлеген тәэмин итүдә «Имин шәһәр» аппарат комплексының нәтиҗәлелеген билгеләп үтте. «Имин шәһәр» аппарат-программа комплексы үзенең нәтиҗәлелеген раслады. Видеокамералар ярдәмендә 2 меңгә якын җинаять, 6 меңгә якын административ хокук бозу ачыкланган. Видеокамераларны рациональ куллану максатыннан, аларны криминоген урыннарда урнаштырырга кирәк», — диде Рөстәм Миңнеханов Татарстан буенча Эчке... Читать дальше...

(Казан, 28 гыйнвар, «Татар-информ»). 2019 елның октябрендә Байкал арты краендагы хәрби частьтә бергә хезмәт итүче солдатларны атып үтергән өчен хөкем ителгән Рамил Шәмсетдиновның адвокаты пәнҗешәмбе көнне суд карары белән риза булмыйча шикаять бирде. Бу хакта РИА Новости агентлыгы Икенче көнчыгыш округ хәрби суды сайтына сылтама белән хәбәр итә. Читадагы Икенче көнчыгыш округ хәрби суды 21 гыйнварда Шәмсетдиновны 2 4,5 елга каты режимлы колониягә хөкем итте һәм зыян күрүчеләрнең 9,8 миллион сумлык дәгъвасын өлешчә канәгатьләндерде. Читать дальше...

(Казан, 28 гыйнвар, «Татар-информ»). Бүген Башкортстан Башлыгы Радий Хәбиров генерал-майор Миңнегали Шәйморатов һәйкәленең проектлар бәйгесендә җиңгән макетын тәкъдим итте. «Башинформ» агентлыгы язганча, җиңүче-макетның авторлары - скульптор Салават Щаербаков һәм архитектор Константин Донгузов. Алар тәкъдим иткән һәйкәл проектында генерал Шәйморатов кына түгел, ә ул җитәкләгән 112нче Башкорт кавалерия дивизиясе дә чагылыш тапкан. «Хәзерге вакытта Уфада Совет мәйданын төзекләндерү эшләре бара. Аны... Читать дальше...

(Казан, 28 гыйнвар, «Татар-информ», Гадел Әхмәтҗанов). 2020 елда Татарстанда полиция хезмәткәрләре 200 килограммга якын наркотик һәм психотроп матдәләрне законсыз әйләнештән алган. «2020 елда Татарстан территориясендә наркотиклар белән бәйле 5037 җинаять ачыкланды. 1,8 мең кеше җаваплылыкка тартылды. Полиция хезмәткәрләре 200 килограммга якын наркотик һәм психотроп матдәләрне законсыз әйләнештән алды», — диде Татарстан буенча Эчке эшләр министры Артем Хохорин министрлыкның еллык коллегиясендә. Аның сүзләренчә... Читать дальше...

(Казан, 28 гыйнвар, «Татар-информ»). Банкларның гражданинга кредит рәсмиләштерүне тәкъдим итеп әледән-әле шалтыратуын туктатырга мөмкин. Бу хакта Sputnik радиосы Россия Банкының финанс хезмәтләрен кулланучыларның хокукларын яклау хезмәте вәкиле Анна Подковкинага сылтама белән хәбәр итә. Аның сүзләренчә, алдан хупланган кредитлар турындагы мәгълүмат белән үзләрен яхшы яктан күрсәткән бурычка алучыларга мөрәҗәгать итәләр. Шул ук вакытта, «алдан хуплау» кредит килешүенең инде рәсмиләштерелүен аңлатмый. Читать дальше...

(Казан, 28 гыйнвар, «Татар-информ», Гадел Әхмәтҗанов). Татарстанның хокук саклау органнары һәр оешкан җинаятьчел төркемне контрольгә алачак. «Мондый төркемнәрнең күп икәне билегеле. Әмма нәрсәдер эшләргә җыянган һәр оешкан җинаятьчел төркем контрольгә алыначак», — диде Татарстан буенча Эчке эшләр министры Артем Хохорин министрлыкның 2020 ел йомгакларына багышланган коллегия утырышында.  Аның сүзләренчә, җинаятьчел төркемнәргә каршы көрәш Эчке эшләр министрлыгының төп бурычларының берсе. Кичә... Читать дальше...

(Казан, 28 гыйнвар, «Татар-информ»). Россиялеләр паспорт өчен хәтта бераз гына ретушьланган фото да тәкъдим итә алмаячак. Россия Эчке эшләр министрлыгының яңа регламенты төзегән. Яңа кагыйдәләр буенча гражданнарга битнең үзенчәлекләре үзгәртелгән фотолар тәкъдим итү тыела. Паспорт өчен хәтта бераз гына ретушьланган фото да туры килмәячәк, дип хәбәр итте «Российская газета». Моннан тыш, гражданин пыяласы каралтылган күзлек, линза киеп, ияген каплап торган шарф тагып төшкән фотоларны кабул итмәячәкләр. Читать дальше...

(Казан, 28 гыйнвар, «Татар-информ», Гадел Әхмәтҗанов). Татарстан Президенты Рөстәм Миңнеханов авыр яшүсмерләр белән бер үк вакытта барлык профильле структураларга бергәләп һәм активрак эшләргә кирәклеген әйтте. Ул мәктәпләрдән һәм ата-аналардан килгән барлык мөрәҗәгатьләргә дә җавап бирергә, яшүсмерләр җинаятьчелеге белән активрак шөгыльләнергә кирәклеген ассызыклады. «Монда мәктәп үзе дә эшләп бетерми дип саныйм. Бу безнең уртак эшебез булырга тиеш. Шунысын да билгеләп үтәргә кирәк, эш куркыныч... Читать дальше...

(Казан, 28 гыйнвар, «Татар-информ», Гадел Әхмәтҗанов). Татарстан Президенты Рөстәм Миңнеханов Эчке эшләр министрлыгына Интернетта үсмерләр һәм яшьләр язылган радикаль төркемнәргә игътибар итәргә кушты. «Интернет киңлекләре игътибар үзәгендә булырга тиеш, анда яшүсмерләрне җинаять һәм протестларга тарта торган төрле радикаль төркемнәр эшли», — дип билгеләп үтте Татарстан Президенты Эчке эшләр министрлыгының еллык йомгаклау коллегиясендә. Элегрәк «Татар-информ» Татарстанда бер атнада кешеләрнең... Читать дальше...

(Казан, 28 гыйнвар, «Татар-информ»). Пәнҗешәмбе көнне иртән «Мәскәү биржасы»нда Россия валютасы курсы нефтьнең арзанаюы һәм санкцион янаулар аркасында түбән тәгәрәде. Доллар бәйсе 1 декабрьдән соң беренче тапкыр 76 сумнан арткан.«Интерфакс» агентлыгы хәбәр иткәнчә, АКШ доллары буенча беренче килешүләр бер доллар өчен 75,83-75,92 диапазонында узган. Сәүдәнең беренче минуты нәтиҗәләре буенча доллар 0,25 тиенгә кыйммәтләнде. Евро башта 4,5 тиенгә арзанаеп, 91,8 сумга калды. Шуннан соң аның курсы өскә... Читать дальше...

(Казан, 28 гыйнвар, «Татар-информ»). 24 гыйнварда Саратовның «Яңарыш» мәдәни-агарту оешмасы Идел буе Болгар дәүләтендә ислам динен рәсми рәвештә кабул ителүнең 1100 еллыгына багышланган шигъри бәйге игълан итте. Россия Мөфтиләр шурасы матбугат хезмәте хәбәр иткәнчә, бәйгедә теләге булган һәркем катнаша ала. Моның өчен Instagram социаль челтәрендәге үз сәхифәңдә #возрождение_конкурс_1100 хештегы белән үзең иҗат иткән шигырьне урнаштырырга кирәк. Әсәр тематик яктан алда торган юбилейга бәйле булырга тиеш. Читать дальше...

(Казан, 28 гыйнвар, «Татар-информ»). «Яңа моң» Халыкара бәйгесенә гаризалар кабул итү төгәлләнгән. Бәйгегә 7 илдән барлыгы 800 гариза килгән. Алар арасыннан 50 иң яхшы кандидатны сайлап алып, Уфага чакырачаклар, дип яза «Башинформ» агентлыгы проектның җитәкчесе Элвин Грейга (Радик Юльякшин) сылтама белән.. Супер-финалистны 1 миллион сум күләмендә төп бүләк көтә. Музыкаль проект Башкортстан Башлыгының 30 миллион сум күләмендәге грантына гамәлгә ашырыла. Бәйге Башкортстан башкаласында март аеннан майга кадәр дәвам итәчәк. Читать дальше...

(Казан, 28 гыйнвар, «Татар-информ»). 2021 елның 11-13 февралендә Мәскәүдә Татарстан Киносы көннәре була. Татарстанның Россиядәге Вәкиллеге хәбәр иткәнчә, чараны «Татаркино» дәүләт бюджет мәдәният учреждениесе Татарстанның Россиядәге Вәкаләтле вәкиллеге Мәскәү Татарлары автономиясе ярдәмендә оештыра. Тамашачылар игътибарына «Сөмбел» һәм «Әпипә» тулы метражлы фильмнары, шулай ук «Остазбикә» һәм «Нигез йорт» кыска метражлы картиналары тәкъдим ителәчәк. Шулай ук иҗат командалары белән очрашу була. Алар арасында Татарстанның атказанган артистлары... Читать дальше...

(Казан, 28 гыйнвар, «Татар-информ», Гадел Әхмәтҗанов). Татарстанда атна саен гражданнарның банк хисабыннан һәм интернет аша кылган җинаятьләрдә якынча 20 миллион сум акча урлыйлар. «Банк счетларыннан һәм интернет аша кылган караклыкны хәл итү мәсьәләсе бар әле. Татарстанда мондый җинаятьләрдә атнасына якынча 20 млн сум акча урлыйлар, 30 кеше зыян күрә», — диде Татарстан буенча Эчке эшләр министры Артем Хохорин министрлыкның еллык коллегиясендә. Аның сүзләренчә, узган елда хокук саклау органы хезмәткәрләре... Читать дальше...

(Казан, 28 гыйнвар, «Татар-информ»). Американың кайбер түрәләре кебек берьюлы ике битлек киеп йөрү арыганлык һәм йокы килү рәвешендәге тискәре нәтиҗәләргә китерергә мөмкин. РИА Новости агентлыгы Шамар Асаф А-Рофе хастаханәсенең (Израиль) терапевтика бүлеге башлыгы, йогышлы авырулар табибы Галина Гоьцманга сылтама белән шул хакта хәбәр итә. «Алар ике битлек киеп йөрергә тели икән — кисеннәр, әмма болай эшләргә кирәкми, бер битлек тә җитә. Моның тискәре йогынтысы да була, чөнки кеше сулаганда углекислый газ бүлеп чыгара», — дип искәртте белгеч. Читать дальше...