Новости за 12.01.2021

(Казан, 12 гыйнвар, «Татар-информ», Энҗе Габдуллина). 16 гыйнвар көнне цирк бинасында узачак «Манзара» спорт-музыкаль премиясендә өч төбәктән 20 көрәшче катнашачак. Бу хакта «Манзара» премиясенә багышланган матбугат конференциясендә чараның продюсеры Айдар Шәймәрданов хәбәр итте. 16 гыйнвар көнне цирк бинасында «Манзара» спорт-музыкаль премиясен тапшыру чарасы узачак. «Манзара» да 130 кг га кадәр булган егермегә якын көрәшче бил алышачак. Алар — Татарстан, Башкортстан, Удмуртиянең иң көчле көрәшчеләре. Читать дальше...

(Казан, 12 гыйнвар, «Татар-информ», Наталья Рыбакова). 1 гыйнвардан картлык буенча иминият пенсияләрен билгеләү шартлары үзгәрде. Бу хакта бүген Казанда узган киңәйтелгән утырышта ТР буенча Россия Пенсия фонды идарәчесе Эдуард Вафин хәбәр итте. «Быел пенсиягә 56,5 яшьлек хатын-кызлар һәм 61,5 яшьлек ир-атлар чыгачак. Ким дигәндә 12 ел хезмәт стажы һәм 21дән ким булмаган пенсия коэффициенты кирәк булачак. Иминият пенсияләре гыйнвар аенда 6,3 процентка индексацияләнде. Шул ук вакытта пенсиягә өстәмә... Читать дальше...

(Казан, 12 гыйнвар, «Татар-информ», Гөлнар Гарифуллина). Татарстанның Сәламәтлек саклау министрлыгы һәм Казанның Сәламәтлек саклау идарәсе хезмткәрләре коронавирустан прививканы тулы составта диярлек ясаткан. Бу хакта ТР Хөкүмәте йортында брифингта сәламәтлек саклау министрының беренче урынбасары Альмир Абашев сөйләде. Ул үзе дә ике этапта вакцинация узганын әйтте. «Бүген республикада 170 кеше вакцинациянең тулы курсын узган», — диде. 2020 елның 16 декабреннән коронавирустан вакцинация илкүләм прививкалар календарена кертелгән. Читать дальше...

(Казан, 12 гыйнвар, «Татар-информ»). Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) киңәшләрен тоткан очракта, коронавирус инфекциясен йоктыру куркынычы минималь, барлык кагыйдәләрне дә үтәсәң, хастаханәдә яңа урыннар да кирәкмәячәк. Бу хакта РИА Новости агентлыгы Роспотребнадзор башлыгы Анна Поповага сылтама белән хәбәр итә. «Милек формасы нинди булуга да карамастан, барлык тармакларга караган предприятиеләр, икътисадның һәр өлкәсе өчен методик киңәшләр бар. Читать дальше...

(Казан, 12 гыйнвар, «Татар-информ»). Россия прокуратурасы өч йөз елга якын кеше һәм граждан хокукларын һәм ирекләрен, дәүләт мәнфәгатьләрен җинаять омтылышларыннан ышанычлы яклый. Бу хакта бүген ТР Хөкүмәте Йортында узган республика киңәшмәсендә  Татарстан Президенты Рөстәм Миңнеханов хәбәр итте. «Прокуратура бер урында гына тормый, динамик рәвештә үсә. Эшне камилләштерү буенча күрелә торган чаралар прокурор күзәтчелегенең нәтиҗәлелегенә уңай йогынты ясый», — дип китерә республика җитәкчесе сүзләрен аның матбугат хезмәте. Читать дальше...

(Казан, 12 гыйнвар, «Татар-информ», Зилә Мөбәрәкшина). «Башкортстан халыклары фольклоры» энциклопедиясенә татар фольклорына кагылышлы мәкаләләрне Башкорт дәүләт университетының татар филологиясе һәм мәдәнияте кафедрасы доценты Илдус Фазлетдинов туплаган. «Башкортстан территориясендә татар фольклорын җыйган, өйрәнгән шәхесләрне барлап чыктык. Татар фольклорының йөзек кашлары — Нәкый Исәнбәт һәм Нигъмәт Хәким, Башкортстанда татар фольклористикасына нигез салган Риф Мөхәммәтҗанов һ.б. турында мәгълүмат урнаштырылды»... Читать дальше...

(Казан, 12 гыйнвар, «Татар-информ»). Педагог, Н.Г.Җиһанов исемендәге Казан дәүләт консерваториясе профессоры Ирина Сергеевна Дубинина 98нче яшендә вафат булды. Бу хакта консерваториянең матбугат хезмәте хәбәр итә. Россиянең һәм Татарстанның атказанган сәнгать эшлеклесе, сәнгать фәннәре кандидаты, II дәрәҗә «Ватан алдындагы хезмәтләре өчен» орден медале иясе 1923 елда туган. Дубинина Мәскәү консерваториясен тәмамлаган, биредә атаклы Яков Зак һәм Лев Оборин аның укытучылары булган. Казан дәүләт консерваториясендә... Читать дальше...

(Казан, 12 гыйнвар, «Татар-информ», Гөлнар Гарифуллина). Роспотребнадзор хезмәтенең Татарстан буенча идарәсе җитәкчесе Марина Патяшина республикада язга коллектив иммунитет барлыкка киләчәгенә ышанычын белдерде. Бу хакта ул ТР Хөкүмәте йортында узган брифингта әйтте. Марина Патяшина Татарстанның коллектив иммунитет булдыруда сынау тикшерүендә катнашуын билгеләп узды. «Татарстанның барлык районнарыннан, төрле яшь төркемнәреннән, барлык һөнәри төркемнәрдән өч мең кешене тикшерәбез. Июньдә шушы өч мең... Читать дальше...

(Казан, 12 гыйнвар, «Татар-информ», Гөлнар Гарифуллина). Татарстанда «Спутник V» вакцинасы белән коронавирустан прививка ясатучыларда өзлегүләр булмаган. Бу хакта ТР Хөкүмәте йортында брифингта сәламәтлек саклау министрының беренче урынбасары Альмир Абашев сөйләде. «Бүгенгә өзлегүләр, сәламәтлеккә начар тәэсир очраклары теркәлмәгән, шуңа күрә вакцина 100 процент куркынычсыз дип әйтергә була», — диде. Альмир Абашев коронавирустан прививка ясатучылар реестры федераль дәрәҗәдә алып барылуын әйтте. «Россия... Читать дальше...

(Казан, 12 гыйнвар, «Татар-информ», Наталья Рыбакова). Татарстанлыларга дәүләт хезмәтләре сайты аша инвалидлык рәсмиләштерү һәм пенсиягә чыгу турында мәгълүмат бирәчәкләр. Бүген Россия Пенсия фондының ТР буенча бүлеге идарәчесе Эдуард Вафин 2020 елда башкарылган эш нәтиҗәләре буенча координация советының киңәйтелгән утырышында шулай дип белдерде. «Бүгенге көндә Россия Пенсия фондының ТР буенча бүлеге бала туу, пенсиягә чыгу һәм инвалидлык рәсмиләштерү буенча гражданнарга проактив мәгълүмат бирүне үстерү юнәлешендә эшли. Читать дальше...

(Казан, 12 гыйнвар, «Татар-информ»). Зәйнәп Биишева исемендәге Башкорт «Китап» нәшриятында Россия һәм Башкортстанның халык артисты, С.Юлаев исемендәге Дәүләт премиясе лауреаты Хөрмәтулла Үтәшевка багышланган «Таштугай батырлары: Хөрмәтулла Үтәшев. Тормышы һәм иҗаты» дигән китап-альбом дөнья күрде. Бу хакта «Башинформ» агентлыгы хәбәр итә. Башкорт һәм рус телләрендәге китапны Динара Каюмова белән Зөлфия Карабаева төзегән. Тиздән Мәҗит Гафури исемендәге Башкорт драма театрында һәм Хәйбулла районында... Читать дальше...

(Казан, 12 гыйнвар, «Татар-информ», Гөлнар Гарифуллина). Татарстанда коронавирустан вакцинация уздыру буенча 57 пункт бар, шуның 43е Үзәк район хастаханәләрендә. «Барлык Үзәк район хастаханәләрендә вакцинация бүген гамәлдә», — диде Татарстан сәламәтлек саклау министрының беренче урынбасары Альмир Абашев ТР Министрлар Кабинетында узган брифингта. Ул соңгы тәүлектә кайтарылган 6900 доза вакцина хәзер маршрутизациядә булганын әйтте. «Хәзер гражданнар прививка ясату теләге турында җиткерә ала. ФАП фельдшерына мөрәҗәгать итәләр... Читать дальше...

(Казан, 11 гыйнвар, «Татар-информ», «Ватаным Татарстан» , Гөлинә Гыймадова). Үзәк каналдан бөтен дөньяга татар җырын яңгыраткан «Голос. Дети» җыры проекты җиңүчесе Сәйдә Мөхәммәтҗановага бүген 20 яшь тулды. Халыкчан тавышлы милли җырчыбызның тавышы тагын да байый, үз-үзенә ышанычы да ныгыганнан-ныгый. Сәйдә – татарның өмете. Шуңа аның иҗатына тәнкыйть тә, хуплау сүзләре дә күп ишетелә. Яраткан җырчыбыз туган көнен нинди хисләр белән каршылый? Тамашачысын нинди җырлары белән сөендерергә җыена? Тәнкыйть сүзләренә үпкәсе юкмы? Читать дальше...

(Казан, 12 гыйнвар, «Татар-информ», Гөлнар Гарифуллина). Коронавирустан вакцинация алдыннан антитәнчекләрне тикшерү таләп ителмәячәк. Бу хакта бүген ТР Министрлар Кабинетында брифингта республика сәламәтлек саклау министрының беренче урынбасары Альмир Абашев әйтте. «Россия Федерациясе Сәламәтлек саклау министрлыгы күрсәтмәсе буенча вакцинация алдыннан Covid-19 антитәнчекләренә анализ уздыру мәҗбүри иде. Хәзер бу процесс гадиләштерелде», — диде ул. Альмир Абашев сүзләренчә, прививка алдыннан табиб пациентны сораштыра һәм халәтен тикшерә. Читать дальше...

(Казан, 12 гыйнвар, «Татар-информ»).Соңгы тәүлектә Татарстанда коронавирусның 89 очрагы теркәлгән. Бу хакта Татарстанның Сәламәтлек саклау министрлыгы матбугат хезмәте хәбәр итә. «30 кеше хастаханәгә урнаштырылды, 59 кеше өйдә дәвалана», — дип билгеләп үтте ведомствоның матбугат хезмәте. 30дан 50 яшьлекләр арасында - 23 очрак, 60тан 70 яшькә кадәр яшь төркеменә 22 очрак туры килә. Шулай ук 90 яшьтән өлкәнрәк бер татарстанлы авырган. Иң күп очрак Казанда  — 61 авыру һәм Яшел Үзәндә дүрт кеше ачыкланган. Читать дальше...

(Казан, 12 гыйнвар, «Татар-информ»). 12 гыйнварда 17.00 сәгатьтә Ташкент шәһәренең Яшьләр иҗат сараенда «Сөмбел» тулы метражлы нәфис фильмының премьерасы була. Бу хакта Татарстан Республикасының Үзбәкстан Республикасындагы Даими вәкиллеге матбугат хезмәте хәбәр итә. Әлеге фильм — Татарстан һәм Үзбәкстанның уртак иҗат җимеше. Картинаның режиссеры — Рәшит Маликов, ә Татарстан ягын режиссер Рамил Фазлыев (ул «Мулла» фильмы белән танылды) тәкъдим итә. Картина язучы Зифа Кадыйрованың «Сагынырсың – мин булмам» дигән әсәренә нигезләнеп төшерелгән.

(Казан, 12 гыйнвар, «Татар-информ», Наталья Рыбакова). Үткәрелгән индексацияне исәпкә алып, узган елда Татарстанда картлык буенча пенсиянең уртача күләме 15 497 сум тәшкил иткән. Бүген Россия Пенсия фондының ТР буенча бүлеге идарәчесе Эдуард Вафин 2020 елда башкарылган эш нәтиҗәләре буенча координация советының киңәйтелгән утырышында шулай дип белдерде. «Апрель аеннан, пенсионерның яшәү минимумы үсеш темпларын исәпкә алып, илебездә 2019 ел өчен социаль пенсияләр 6,1 процентка индексацияләнде. Августта... Читать дальше...

(Казан, 12 гыйнвар, «Татар-информ», Алинә Айдарова). Казандагы Муса Җәлил музее мөдире Нәзирә Фәттахова Муса Җәлилнең кызы Чулпан Җәлилованың, Мәскәүдә үссә дә, татар телен аңлавын әйтте. Бу турыда ул «Татар-информ» агентлыгына интервьюда сөйләде. «Чулпан ханым — Мәскәүдә үскән кыз. Мәскәү мохите ул елларда телне сакларга мөмкинлек бирмәгән. Әмма ул татарча аңлый. Үзара аралашканда, күбрәк татарча сөйләшсәк, ул да татар телен өйрәнеп, телебезне камил белер иде. Ә без русча аралаштык, шуңа күрә бу мәсьәләдә үз-үземне гаеплим»... Читать дальше...

(Казан, 12 гыйнвар, «Татар-информ», Наталья Рыбакова). Коронавирус пандемиясе хезмәтләрнең проактив төрләренә күчүне тизләтте. Әйтик, 2020 елда Татарстанда СНИЛС һәм ана капиталын дистанцион рәвештә рәсмиләштерү мөмкинлеге барлыкка килде. Бүген Россия Пенсия фондының ТР буенча бүлеге идарәчесе Эдуард Вафин 2020 елда башкарылган эш нәтиҗәләре буенча координация советының киңәйтелгән утырышында шулай дип белдерде. «2020 ел иң авыр елларның берсе, ныклыкка сынау булды. Әмма кыенлыклар Пенсия фондының... Читать дальше...

(Казан, 12 гыйнвар, «Татар-информ», Гөлнар Гарифуллина). Татарстанга коронавируска каршы 12,5 мең доза вакцина кайткан. Бу хакта ТР Министрлар Кабинетында брифингта Татарстан сәламәтлек саклау министрының беренче урынбасары Альмир Абашев әйтте. Ул вакцина ике компоненттан торганын искәртте. «Икенчесе, беренчесен кадатып, 21 көн узгач кертелә. Бүген вакцинация темпы югары түгел. 57 вакцинация пункты оештырылган», — диде Альмир Абашев. Аның сүзләренчә, февраль азагына кадәр республикага 190 мең 500 вакцина кайтарылачак. Читать дальше...

(Казан, 11 гыйнвар, «Татар-информ», Эльвира Зәйнуллина). Хатыны Казанда туган татар кызы булганга, Американың Parler социаль челтәренең башкаручы директоры Джон Матце Россия белән сүз куешуда гаепләнә. Үзен «ялган мәгълүмат буенча белгеч» буларак билгеләүче Дэйв Трой исемле кеше Twitter микроблоглар челтәрендә шундый фикере белән уртаклашкан. «Әйдәгез, Parler турында сөйләшик. Алар (социаль челтәр — Т-и иск.) каян килеп чыккан? Компаниягә нигез салучы Джон Матце хәзерге хатыны Алинә Мөхетдинова белән 2016 елның 15 маенда Лас-Вегаста танышкан. Читать дальше...

(Казан, 12 гыйнвар, «Татар-информ»). Ульяновск өлкәсендә 2021 ел Губернатор карары белән «Китап елы» дип игълан ителде. Төбәкнең татар милли-мәдәни автономиясе исә бу елны «Татар китабы елы» буларак билгеләп узачак. Яңа елның беренче көннәрдә үзәктә «Татар китабы елы»н ачу тантанасы булды. Бу турыда Бөтендөнья татар конгрессы хәбәр итте. Чарада Татарстан язучылары катнашкан. «Татар китабы елы» уңаеннан автономиянең һәм өлкәнең Каюм Насыйри исемендәге мәгърифәт үзәгенең быелгы эш планнарына китапка... Читать дальше...

(Казан, 12 гыйнвар, «Татар-информ»). Татарстан Президенты Рөстәм Миңнеханов әнисен 90 яшьлек юбилее белән тәбрик итте. Әлеге уңайдан ул «Инстаграм» социаль челтәрендәге сәхифәсендә әнисенең фотосын урнаштырган. «Кадерле әнием, туган көнең белән сине! Исәнлек-саулык, озын гомер телим!» — дип язган Татарстан Президенты. Вәсыйга Мөбарәкҗан кызы бүген үзенең 90 яшьлек юбилеен билгеләп үтә. Ул Саба районының Лесхоз бистәсендә озак еллар балалар бакчасында тәрбияче булып эшләгән, аның «Хезмәт ветераны» медале һәм башка бүләкләре бар.

(Казан, 12 гыйнвар, «Татар-информ»). Яшел Үзәндә яшәүче ир-ат фатирда тәмәке тарту аркасында, биш катлы йортта янгын чыккан. Бу турыда «Татар-информ» агентлыгына Россия Гадәттән тыш хәлләр министрлыгының Татарстан буенча баш идарәсенең матбугат хезмәтендә хәбәр иттеләр. Кичә 23.29 сәгатьтә Энгельс урамындагы 11 нче номерлы йортта янгын турында 101 номерына хәбәр иткәннәр. Янгын сүндерүчеләр урынга килгәч, биш катлы йортның өченче катындагы фатирда диван януын ачыклый. Коткаручылар килгәнче үк, йорттан ун кеше үзләре чыга. Читать дальше...

(Казан, 12 гыйнвар, «Татар-информ», Алинә Айдарова). Казандагы Муса Җәлил музее мөдире Нәзирә Фәттахова Муса Җәлилнең никахтан тыш туган балаларына ярдәм итүен әйтте. Бу турыда ул «Татар-информ» агентлыгына интервьюда сөйләде. «Муса ул балаларга [никахтан тыш балаларга] булдыра алганча матди ярдәм күрсәткән. Шушы матди ярдәмне раслаучы квитанцияләрне үз күзләрем белән күргәнем бар», — диде музей мөдире. 1956 елда Җәлилгә Советлар Союзы Герое исеме бирелә. «Шул елны Мусаның 1935, 1936 елда туган балалары әтиләренең фамилиясен ала. Читать дальше...