ომბუდსმენი მმართველი გუნდის მიერ წარმოდგენილ მოსმენების კანონპროექტს მხარს არ უჭერს
მმართველი გუნდის მიერ წარმოდგენილ მოსმენების კანონპროექტს მხარს არ უჭერს სახალხო დამცველი. უჩა ნანუაშვილის განცხადებით, სახელმწიფო უსაფრთხოების სამსახური საზოგადოების ნდობით არ სარგებლობს.
"უსაფრთხოების სამსახურს და სამართალდამცავ სისტემას სამწუხაროდ, არ აქვს ის ნდობა საზოგადოებაში, რომ მათ სისტემაში თუკი იქება ეს ახალი სტრუქტურა მოაზრებული გარკვეულწილად კითხვის ნიშნები კვლავ დარჩება. აქ საუბარია იმაზე, რომ სწორედ ეს სისტემა იყო ჩართული უკანონო მოსმენებში წლების განმავლობაში. აქედან გამომდინარე, საზოგადოებაში გარკვეული უნდობლობა ნამდვილად არსებობს თუკი დარჩება აღნიშნული სისტემა ამ სისტემაში. შესაბამისად, ეს პრობლემა ნამდვილად არსებობს. ჩვენ მხარს ვუჭერთ ამ სისტემის გამოსვლას გარეთ," - აცხადებს უჩა ნანუაშვილი.