საზოგადოებრივ მაუწყებლში სამეურვეო საბჭოს სხდომა იწყება
საზოგადოებრივი მაუწყებლის ბორდი ახალი მენეჯმენტის მიერ შემუშავებულ რადიკალურ სამოქმედო გეგმაზე მსჯელობას დღესაც განაგრძობს. სამეურვეო საბჭოს სხდომა ამ წუთებში იწყება.
საზოგადოებრივი მაუწყებლის გენერალური დირექტორის მრჩეველის ია ანთაძის თქმით, ისინი ცდილობენ ყველა კითხვას არგუმენტირებული პასუხი გასცენ.
“ჩვენ გვჭირდება კიდევ მეტი კომუნიკაცია. მიუხედავად იმისა, რომ ვცდილობთ, რომ მაქსიმალურად ყველგან წავიდეთ და ყველას ავუხსნათ ჩვენი ხედვები და ჩვენი მოტივაცია. დღეს იმედი მაქვს, რომ იქნება ძალიან კარგი შეხვედრა, რომლის ორგანიზატორი არის საერთაშორისო გამჭვირვალობა საქართველო და ჯერ კიდევ არ ვიცი, რომელი ორგანიზაციის წარმომადგენლები გვესტუმრებიან. ველოდებით ამ შეხვედრას და რა თქმა უნდა, თუ ჩვენ არ ავხსენით რა გვინდა, ადამიანები ვერ გაიგებენ. მაქსიმალურად ვცდილობთ ყველა კითხვას გავცეთ არგუმენტირებული პასუხი,“ - განაცხადა ანთაძემ.
ავტორი: ელისო ჯარიაშვილი.