"აფხაზეთის ხმის" მაუწყებლობის შეჩერებას რადიოს დირექტორი "რუსთავი2"-სადმი გამოხატულ მხარდაჭერას უკავშირებს
აფხაზეთის ხმის მაუწყებლობის შეჩერებას რადიოს დირექტორი რუსთავი2-სადმი გამოხატულ მხარდაჭერას უკავშირებს.
მაუწყებლობის ხელმძღვანელები ტელერადიო ცენტრს სთხოვენ, რომ დავალიანების დაფარვის ვადა სექტემბრამდე გაუხანგრძლივოს, წინააღმდეგ შემთხვევაში 30 თანამშრომელი უმუშევარი დარჩება.
დღეს მათ ის მიზეზებიც განმარტეს, რის გამოც, მათი აზრით, აფხაზეთის ხმის მაუწყებლობა შეჩერდა.
„თანხას გრაფიკის მიხედვით ვრიცხავდით. რადგან აგვისტოში შემოსავლების მხრივ მკვდარი სეზონია, ვთხოვეთ, რომ სექტემბრისთვის გადაევადებინათ და სექტემბერში ამ თანხის სრულად დაფარვას მოვახდენდით. მათ ეს არ გაითვალისწინეს. წერილობით არც გავუფრთხილებივართ. სატელეფონო ზარი განხორციელდა, რომ, თუ ერთ საათში თანხის გადახდა არ მოხდებოდა, მაუწყებლობა შეჩერდებოდა და ერთი საათიც არც დაელოდნენ,“ - განაცხადა რადიოს დირექტორმა, ირაკლი დათეშიძემ.
ავტორი: მარიკა გოცირიძე