შობის დღეს მეცნიერები გაუშვებენ ტელესკოპს, რომელიც კოსმოსის სიღრმეში შეაღწევს
ტექნიკური პრობლემებით და ამინდით გამოწვეული შეფერხებების შემდეგ, ტელესკოპ James Webb-ს საფრანგეთის გვიანაში მდებარე ბაზიდან გაუშვებენ. თუ ყველაფერი გეგმის თანახმად განხორციელდება, აშშ-ში აგებულ, 6,350 კილოგრამის წონის ტელესკოპს კოსმოსში საფრანგეთში აგებული რაკეტით გაუშვებენ, რასაც 26 წუთი დასჭირდება. შემდეგ ის ერთთვიან მოგზაურობას დაიწყებს ორბიტაზე მოსარგებლად და ბოლოს გაიშლება სივრცედ, რომელიც თითქმის ჩოგბურთის მოედნის ზომისა იქნება.
ინჟინრები იმედოვნებენ, რომ სამხრეთ ამერიკის ქვეყანაში მდებარე ბაზაზე შესაფერისი ამინდი იქნება საიმისოდ, რომ პირობების უსაფრთხოება შემოწმდეს. ტელესკოპის გაშვებამდე სამი საათით ადრე ატმოსფეროს ანალიზისთვის საგანგებო ბუშტს გაუშვებენ.
ასტრონომები და ასტროფიზიკოსები ათწლეულების განმავლობაში ელოდნენ 9 მილიარდი დოლარის ღირებულების ტელესკოპის გაშვებას კოსმოსში. ვარაუდობენ, რომ ის შეცვლის სამყაროს მეცნიერულ გაგებას, კოსმოსის დანახვით ინფრაწითელ სპექტრში - როგორც ის არსებობდა მაშინ, როცა, გავრცელებული ვარაუდით, ყველაზე პირველი გალაქტიკების ფორმირება მოხდა.