ბულგარეთის მომავალმა პრემიერ-მინისტრმა მოსახლეობას ახალი მინისტრთა კაბინეტი წარუდგინა
ახალი მთავრობის ფორმირების შესახებ პეტკოვის პოლიტიკურმა ძალამ პარლამენტში წარმოდგენილ სამ მემარცხენე და მემარჯვენე-ცენტრისტულ ოპოზიციურ პარტიებთან 11 დეკემბერს მიაღწია კოალიციურ შეთანხმებას.
პეტკოვის პარტია „ჩვენ ვაგრძელებთ ცვლილებებს“ მომავალ კაბინეტში 21 მინისტრის სავარძლიდან 10-ს დაიკავებს, მათ შორის პრემიერ-მინისტრისა და ორი ვიცე-პრემიერის პოსტებს. ოთხპარტიულ კოალიციას 240-ადგილიან ბულგარეთის საკანონმდებლო ორგანოში ეყოლება 134 დეპუტატი, რაც ნიშნავს, რომ 13 დეკემბრის კენჭისყრაზე კოალიციური მთავრობის დამტკიცება გადაწყვეტილი ამბავია.
არჩევნებში პირველ ადგილზე გასული ანტიკორუფციული პოლიტიკური ძალი პრემიერ-მინისტრობის კანდიდატმა, კირილ პეტკოვმა , ჟურნალისტებთან საუბარში 11 დეკემბერს განაცხადა, რომ მომავალი მთავრობა „ნულოვანი ტოლერანტობით“ მოეკიდება კორუფციას, ხოლო მისი, როგორც პრემიერ-მინისტრის, ერთ-ერთი უმთავრესი პრიორიტეტი კორუფციის წინააღმდეგ ბრძოლის კომისიის რეფორმირება იქნება.
ნატოსა და ევროკავშირის წევრ ბულგარეთში კოალიციური მთავრობის გარშემო პოლიტიკური უთანხმოების გამო, წელს სამჯერ ჩატარდა საპარლამენტო არჩევნები.