„შავმა ლომმა" რუსეთის ჩემპიონი „ენისეი" დაამარცხა
ლევან მაისაშვილის გაწვრთნილმა გუნდმა თბილისში უმასპინძლა უმთავრეს კონკურენტს - რუსეთის ჩემპიონ კრასნოიარსკის „ენისეის" და ანგარიშით 27:20 დაამარცხა.
ამ თამაშამდე აღმოსავლეთ კონფერენციაში სწორედ „შავი ლომი" და „ენისეი" ლიდერობდნენ 11-11 ქულით. დღევანდელი გამარჯვების შემდეგ კი „შავი ლომი" სამქულიანი უპირატესობით დაწინაურდა.
მომავალ შეხვედრას ქართველი მორაგბეები 18 დეკემბერს გამართავენ, „თელავივ ჰითთან", რომელსაც მიმდინარე შეჯიბრებაზე ერთხელ უკვე დაუპირისპირდა და ადვილად აჯობა (33:10).